(ឧត្តរមានជ័យ)គណៈពង្រឹងថ្នាក់ដឹកនាំគណបក្សប្រជាជនកម្ពុជា នៅតាមមូលដ្ឋាន ខេត្តឧត្តរមានជ័យ ចំណុចឯកភាពសាមគ្គីផ្ទៃក្នុង និងសន្សំពិន្ទុរជាមួយប្រជាពលរដ្ឋ ត្រូវយកចិត្តទុកដាក់ឱ្យខ្លាំងជាមុនបានមួយកំរិតទៀត ហើយនឹងចំណុចខ្សោយរបស់ខ្លួន ក៏ត្រូវលើកយកមកពិភាក្សាដោះស្រាយ ដុសលាងខ្លួនឯងដែរ។
ចំណុចទាំងនេះដែលគណៈពង្រឹងរបស់ក្រុមការងារគណបក្សប្រជាជនកម្ពុជា បានលើកឡើងនៅក្នុងពិធីផ្សព្វផ្សាយ សេចក្តីសម្រេចនៃមហាសន្និបាតវិសាមញ្ញគណប្រជាជនកម្ពុជា ដល់សកម្មជនរបស់ខ្លួន នៅស្រុកអន្លង់វែង ក្នុងខេត្តឧត្តរមានជ័យ នៅព្រឹកថ្ងៃទី២២ ខែកុម្ភ
ៈ ឆ្នាំ២០១៥ ក្រោមអធិបតីភាពឯកឧត្តម គន់ គីម សមាជិកគណៈអចិន្ត្រៃយ៍គណបក្សប្រជាជនកម្ពុជា និងជាប្រធានក្រុមថ្នាក់ជាតិចុះជួយខេត្តឧត្តរមានជ័យ ឯកឧត្តម វ៉ាត់ ប៉ារ៉ានីន សមាជិកគណៈអចិន្ត្រៃយ៍គណបក្សប្រជាជនកម្ពុជាខេត្តឧត្តរមានជ័យ និងជាប្រធានក្រុមការងារចុះជួយស្រុកអន្លង់វែង។
បន្ទាប់ពីលោក យឹម ផាន់ណា បានឡើងអានសេចក្តីសម្រេចចិត្តនៃមហាសន្និបាតវិសាមញ្ញរបស់គណបក្សប្រជាជនកម្ពុជាទៅទាំងប្រទេសរួចមក ឯកឧត្តម វ៉ាត់ ប៉ារ៉ានីន បានប្រសាសន៍លើកឡើងពីផែនការថ្មី ដល់សមាជិកសមាជិការបក្សប្រជាជន ជាគោលការណ៍ ៩ចំណុច សំរាប់អនុវត្តន៍នៅតាមមូលដ្ឋាន គឺការផ្តោតលើសាមគ្គីផ្ទៃក្នុង ចិញ្ចឹមចលនាស្មារតីសមាជិកចុះរស់នៅជាមួយប្រជាពលរដ្ឋ សន្សំពិន្ទុរ នៃការឆ្លើយតបតាមសំណូមពរប្រជាជន ធ្វើការដោះស្រាយរាល់បញ្ហាប្រឈម បង្កើនការផ្សព្វផ្សាយចំពោះសេរីភាពបញ្ចេញមតិដល់ប្រជាជនឱ្យបានយល់គ្រប់គ្នា ឱ្យពួកគាត់ហ៊ានរិះគន់ ទៅលើអាជ្ញាធរ ដែលឱ្យឃើញពីភាពខ្លាំង និងភាពខ្សោយរបស់ខ្លួន ហើយពង្រឹងស្មារតីដល់អ្នកជាសេនាធិការប្រជាពលរដ្ឋឱ្យព្យាយាមបង្ហាញ នូវចំណុចលាក់បាំងភាពអសកម្មរបស់អាជ្ញាធរ ធ្វើឱ្យបាត់បង់ជំនឿទុកចិត្តពីប្រជាជន។
ក្នុងឱកាសអញ្ជើញចុះបិទពិធីផ្សព្វផ្សាយនៃមហាសន្និបាតវិសាមញ្ញ ដល់សមាជិកសមាជិការគណបក្សប្រជាជនកម្ពុជា ឯកឧត្តម គន់ គីម បានមានប្រសាសន៍សម្តែងសួរសុខទុក្ខពីសំណាក់ប្រធានទាំង៣ ដល់សមាជិកបក្សទាំងអស់ និងសូមធ្វើការកោតសសើរ ចំពោះការខិតខំប្រឹងប្រែង ក្នុងព្រឹត្តិការណ៍បោះឆ្នោត ក្រុមប្រឹក្សាឃុំសង្កាត់ និងជ្រើសរើសរដ្ឋាភិបាល ដែលបានចូលរួមបង្កលក្ខណៈងាយស្រួល និងប្រព្រឹតទៅបានជោគជ័យ ហើយក្នុងនោះក៏មានយុវជនផងដែរ។
ឯកឧត្តមបន្តថា សន្និបាតវិសាមញ្ញថ្មី យើងរកឃើញចំណុចល្អ និងចំណុចអវិជ្ជមាន ដែលចំណុចទាំងនេះ យើងបានលើកយកមកធ្វើការពិភាក្សាដោះស្រាយ និងបានដាក់ចេញយុទ្ធសាស្ត្រថ្មី នូវអ្វីដែលសេសសល់មន្ត្រីថ្នាក់មូលដ្ឋានសំរាប់អនុវត្តន៍ ហើយផែនការនេះបានបន្តរហូតដល់គ្រប់ជ្រុងជ្រោយ រាល់សេចក្តីត្រូវការរបស់ប្រជាជន និងរកឱ្យឃើញពីចំណុចខ្សោយរបស់ខ្លួន ជាមួយប្រជាជន រួចហើយយកចំណុចកំពុងប្រឈមទាំងនេះមកដោះស្រាយ ជូនដល់ពួកគាត់ទៅតាមលទ្ធិភាពដែលធ្វើបាន៕(ដោយចាន់ ធី)
