កំពង់ឆ្នាំង៖ នៅទីស្នាក់ការ គណៈបក្ស ប្រជាជនកម្ពុជាខេត្តកំពង់ឆ្នាំង បានប្រារព្ធពិធីផ្សព្វផ្សាយ នូវខ្លឹមសារមហាសន្និបាត វិសាមញ្ញទូទាំងប្រទេស របស់គណបក្ស ប្រជាជនកម្ពុជានៅពីព្រឹកថ្ងៃទី២១ ខែកុម្ភ: ឆ្នាំ២០១៥ គណៈបក្សប្រជាជនក្រុងកំពង់ឆ្នាំង។ ពិធីនេះប្រារព្ធក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃសមាជិកគណៈកម្មាធិការកណ្តាលគណបក្សប្រជាជនកម្ពុជា ជាអនុប្រធានក្រុមការងារចុះជួយខេត្តកំពង់ឆ្នាំងនិងជាប្រធានក្រុមការងារចុះជួយក្រុងកំពង់ឆ្នាំង ដោយមានការចូលរួមពីឯកឧត្តម លោកជំទាវ ក្រុមការងារថ្នាក់កណ្តាលក្រុមការងារថ្នាក់ខេត្ត ក្រុងកំពង់ឆ្នាំង ថ្នាក់សង្កាត់ ភូមិ ក្នុងក្រុងកំពង់ឆ្នាំងសរុបចំនួន៤២០នាក់ស្រី៩១នាក់។
លោក ហៃ មនោរម្យ អនុប្រធានគណៈបក្សក្រុងកំពង់ឆ្នាំង បានឡើងអានសេចក្តីសម្រេចនៃមហាសន្និបាត វិសាមញ្ញ តំណាង ទូទាំងប្រទេសរបស់ គណបក្សប្រជាជនកម្ពុជា ដែលមានខ្លឹមសារយ៉ាងជ្រា លជ្រៅ ក្នុងនោះបាន រំលេចពីការអភិវឌ្ឍន៍ មានការរីកចម្រើនលើគ្រប់វិស័យ ពីថ្នាក់កំពូល ដល់ថ្នាក់មូលដ្ឋាន និងបានលើកឡើងពីការតម្លើង ប្រាក់បៀវត្សរ៍ ជូនដល់មន្ត្រីរាជការ កម្លាំងប្រដាប់អាវុធ ទូទាំងប្រទេ សឲ្យបានជាង ១លានរៀល នៅឆ្នាំ២០១៨ ។
លោក ឡុង សាងៀម ប្រធានគណៈបក្សក្រុងកំពង់ឆ្នាំងបានស្នើសុំអោយប្រធានគណៈបក្សសង្កា ត់ នីមួយៗត្រូវរៀបចំផ្សព្វផ្សាយខ្លឹមសារ សេចក្តីសម្រេចនៃមហាសន្និបាត ទូទាំងប្រទេសរបស់គណបក្សប្រជាជនកម្ពុជា ដល់សមាជិកសមាជិកាគណបក្សប្រជាជននៅ ថ្នាក់មូលដ្ឋានអោយបាន យល់ជ្រួតជ្រាប ពី គោលនយោបាយ របស់គណបក្សប្រជាជនកម្ពុជា ដែលមាន សម្តេចទាំង ៣ ជាប្រមុខដឹកនាំ។
លោកជំទាវជូ ប៊ុនអេង បានថ្លែងថា មហាសន្និបាត បានវាយតម្លៃ យ៉ាងល្អិតល្អន់ចំពោះការងារបោះឆ្នោត របស់គណបក្ស ទាំងចំណុចខ្លាំង ចំណុចខ្សោយ ដោយបានដកស្រង់ មេរៀនពិសោធន៍មួយចំនួន ព្រមទាំងបាន កំណត់ទិសដៅ ភារកិច្ចសំខាន់ៗ ដើម្បីត្រៀមលក្ខណៈអោយបានគ្រប់គ្រាន់ ដើម្បីធានារក្សាប្រៀបឈ្នះ និងបន្តការឈ្នះរបស់គណៈបក្ស ក្នុងការបោះឆ្នោតឆ្នាំ២០១៧និង២០១៨នៅខាងមុខនេះ អោយបានជោគជ័យ។
លោកជំទាវបានផ្តាំផ្ញើដល់មេបក្សតាមសង្កាត់ និងប្រធានក្រុមបក្សទាំងអស់អោយពង្រឹងគោល នយោបាយបក្សលើការងារ ចាប់ពីថ្ងៃនេះ រហូតដល់ថ្ងៃបោះឆ្នោត និងពង្រឹងលើការងារសន្តិសុខ សណ្តា ប់ធ្នាប់តាម ភូមិ សង្កាត់ នីមួយៗរបស់ខ្លួន និងស្នើដល់អាជ្ញាធរសង្កាត់ ចុះធ្វើវេទិកាសាធារណ: ដោយផ្សព្វផ្សាយពីកម្មវិធីគោល នយោបាយភូមិ-សង្កាត់ មានសុវត្ថិភាពអោយប្រជាពលរដ្ឋយល់ច្បាស់ ដើម្បី ដណ្តើមយកប្រជាប្រិយភាពរបស់បក្សនា ពេល
បោះឆ្នោតខាងមុខ ដើម្បីអោយប្រជាពលរដ្ឋគាំទ្រមកលើគណៈបក្សប្រជាជននិងគាំទ្រគោលនយោបាយកំណែទំរង់របស់រាជរដ្ឋាភិបាលដែលមានសម្តេចតេជោហ៊ុន សែន ជាប្រមុខដឹកនាំដែលអនុវត្តនយោបាយឈ្នះ ឈ្នះក្នុងការបង្រួមជាតិ៕
