បាត់ដំបង៖កងកំលាំងបង្ការ បង្ក្រាប នៃស្នងដ្ឋាន នគបាលខេត្តបាត់ដំបង ចុះអន្តរាគមន៍ ចាប់ឃាត់រថយន្តក្រុងដឹងអ្នកដំណើរដែលមិនគោរពច្បាប់ចរាចរណ៍ មិនគោរពតាមការណែនាំរបស់អាជ្ញាធរខេត្ត បានកំណត់ និងណែនាំឲ្យ ក្រុមហ៊ុនរថយន្តក្រុងដឹកអ្នកដំណើរ ទាំងនេៈចតរថយន្តឲ្យចំគោលដៅ។ ការចុះបង្ក្រាបខាងលើសមត្ថកិច្ចបានធ្វើឡើងកាលពីព្រឹកថ្ងៃទី២៣/កុម្ភៈ ដោយឃាត់រថយន្តក្រុងបានចំនួនពីរគ្រឿង ដែលជារបស់ក្រុមហ៊ុនKSO មួយគ្រឿង និងមួយគ្រឿងទៀត ជារថយន្តក្រុងរបស់ក្រុមហ៊ុន,ជី,អេស,ថ្មី ខណៈដែលសមត្ថកិច្ចបានធ្វើ ការឃាត់នោៈគឺរថយន្តរបស់ក្រុមហ៊ុនទាំងពីរខាងលើបានចតរថយន្ត នៅកន្លែង ផ្លូវតូច ចង្អៀត ផ្លូវបែក ជា៤ បង្ករការកកស្ទៈដល់ការធ្វើចរាចរណ៍ទៅមក ដែលជាហេតុនាំឲ្យបាត់បង់ សណ្តាប់ធ្នាប់ក្រុងទាំងមូល។ ក្រោយពីបានឃាត់រថយន្តរបស់ក្រុមហ៊ុនទាំងពីរខាងលើតាមបទបញ្ជារ ហើយនោៈ,លោកឈឿង ,គឹមសុង ប្រធានក្រុមបង្ការ,បង្ក្រាប បានបញ្ជូនរថយន្តទាំងពីរគ្រឿងខាងលើប្រគល់ឲ្យសមត្ថកិច្ចជំនាញកសរិយាល័យចរាចរណ៍ផ្លូវគោកខេត្តបាត់ដំបងដើម្បីចាត់ចែងតាមនិតិវិធី។ លោកវរៈសេនីយ៍ឯកសាទ គឹមសាន ប្រធានការិយាល័យ ចរាចរណ៍ផ្លូវគោកខេត្តបាត់ដំបង បានប្រាប់អ្នកយកពត៌មានយើងថា ការចាប់ឃាត់រថយន្តក្រុងខាងលើ នេៈធ្វើតាមគោលការណ៍របស់អាជ្ញាធរខេត្ត និងបានការចង្អុលបង្ហាញពីលោក ឩត្តមសេនីយ៍,ស ថេត ស្នងការនគបាលខេត្តបាត់ដំបង ទើបខាងការិយាល័យចរាចរណ៍ផ្លូវ គោកសហការណ៍ជាមួយកងកំលាំងបង្ការ បង្ក្រាប ចុះឃាត់រថយន្ត និងហៅតំណាងរបស់ក្រុមហ៊ុននិមួយមកធ្វើកិច្ចសន្យាដើម្បីបញ្ឈប់ការចតរថយន្តបែបអាណាធិប្បតេយ៍នេៈបន្តទៀត.គឺបានធ្វើការណែនាំ និងឲ្យក្រុមហ៊ុនរថយន្តក្រុងទៅចតនៅផ្សារទំនើបBe TO Be ក្នុងសង្កាត់អូរចា ក្រុងបាត់ដំបង។