ខេត្តព្រះសីហនុ ការប្រកួតកីឡាបាល់សិស្សមធ្យមសិក្សាជ្រើសរើសជើងឯកទូទាំងខេត្តព្រះសីហនុ ប្រចាំឆ្នាំ២០១៤-២០១៥ រយះពេល ៤ថ្ងៃ ត្រូវបានបិទបញ្ចាប់នៅសាលាវិទ្យាល័យឡាយហ្វ មានទីតាំងនៅសង្កាត់លេខ២ ក្រុង ខេត្ត ព្រះសីហនុ ព្រឹកថ្ងៃទី២៦ ខែកុម្ភះ ឆ្នាំ២០១៥ ។
កីឡាករ កីឡាការិនីចូលរួមប្រកួតមាន ១០ក្រុម ក្នុងនោះកីឡាបាល់ទះ ០៥ក្រុម កីឡាបាល់ទាត់ ០៥ក្រុម ចែកចេញជាពីពូល គឺពូល A និងពូល B ហើយការប្រកួតវិលជុំឈានទៅដណ្តើមពានរង្វាន់ជ័យលាភីលេខ១ ដល់លេខ៣ ។
វិញ្ញាសារបាល់ទះ ចំណាត់ថ្នាក់លេខ១ បានទៅកីឡាករវិទ្យាល័យក្រុងព្រះសីហនុ លេខ២ បានទៅក្រុមកីឡាករ វិទ្យាល័យហ៊ុន សែន ស្រុកកំពង់សិលា និងចំណាត់ថ្នាក់លេខ៣ បានទៅក្រុមកីឡាករវិទ្យាល័យ ស្រុកស្ទឹងហាវ ។ វិញ្ញាសារបាល់ទាត់ ចំណាត់ថ្នាក់លេខ១ បានទៅក្រុមកីឡាករវិទ្យាល័យឡាយហ្វ លេខ២ បានទៅក្រុមកីឡាករវិទ្យាល័យ ស្រុកកំពង់សិលា និងលេខ៣ បានទៅក្រុមកីឡាករវិទ្យាល័យ ហ៊ុន សែន ក្រុងព្រះសីហនុ ។
លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុ បានមានប្រសាសន៌ថា សកម្មភាពអប់រំកាយ និងកីឡាចេះតែមានការរីកចម្រើនជាលំដាប់ទាំងបរិមាណ និងគុណភាព ចូលរួមចំណែកលើកស្ទួយនូវវិស័យកីឡាជាតិ និងជាផ្នែកមួយដ៌សំខាន់សម្រាប់ធ្វើឪ្យមានសុខភាពល្អ មាំមួន មានការសាមគ្គីភាពគ្នាឪ្យបានទូលំទូលាយ និងមានភាពរុងរឿងសម្រាប់ប្រទេសជាតិទាំងមូលផងដែរ ។
ដូច្នេះក្រុមកីឡាករ កីឡាការីនី ត្រូវខិតខំប្រឹងប្រែងហ្វឹកហាត់ ដើម្បីពង្រឹង និងពង្រីកសកម្មភាពអប់រំកាយ និងកីឡានៅក្នុងជួរសិស្ស និស្សិត មហាជនក្តី ឪ្យបានទូទាំងក្រុង ស្រុក ក៌ដូច ជាទូទាំងខេត្ត ដើម្បីឈានទៅរកកាប្រែប្រួលថ្មីទាំងគុណភាព និងបច្ចេកទេស ។ យើងត្រូវចងចាំថា កីឡាគឺដើម្បីសុខភាពទាំងផ្លូវកាយ និងផ្លូវបញ្ញាដល់មនុស្សគ្រប់រូប ដោយឡែកចំពោះកីឡាករ កីឡាការីនី ត្រូវខិតខំប្រឹងប្រែងក្នុងការហ្វឹកហាត់បង្កើនសមត្ថភាពវិន័យសីលធម៌ខ្ពស់ និងការសាម គ្គីភាពជាតិទាំងមូលផងដែរ ។
លោកប្រធានមន្ទីរបានបញ្ជាក់ថា កីឡានាំមកនូវសុខភាព សាមគ្គីភាព និងសន្តិភាពស្រប ពេលដែលព្រះរាជាណាចក្រកម្ពុជា យើងកំពុងតែមានការអភិវឌ្ឍរីកចម្រើនក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចាត់ទុកវិស័យអប់រំកាយ និងកីឡាជាផ្នែកមួយក្នុងការជំរុញឪ្យប្រទេសជាតិមានការរីកចម្រើន មានន័យថា មនុស្សមានសុខភាពល្អ គឺជាធនធានមួយដ៌សំខាន់បំផុតសម្រាប់អភិវឌ្ឍប្រទេសជាតិឪ្យមានការរីក ចម្រើន ម្យ៉ាងទៀតបើសិនជាកីឡាករ កីឡាការីនីយើងខ្លាំងប្រទេសយើងនឹងមានឈ្មោះបោះសំលេង លើឆាកអន្តរជាតិទៀតផង មិនតែប៉ុណ្ណោះ កីឡាធ្វើឪ្យប្រជាជន យុវជនយើងចៀសផុតពីពេលទំនេរ ទៅដើរលេងផ្តេសផ្តាស សេពគ្រឿងញៀន បង្កជាក្រុមបងធំ បងតូច ប្រព្រឹត្តអំពើឧបាយ មុខផ្សេងៗបង្កឪ្យមានអស្តេរភាពក្នុងសង្គម ។
ឯកឧត្តម សុខ ផន អភិបាលរងខេត្តព្រះសីហនុ បានមានប្រសាសន៌បិទការប្រកួតកីឡាសិស្សមធ្យមសិក្សាជ្រើសរើសជើងឯកទូទាំងខេត្តព្រះសីហនុប្រចាំឆ្នាំ២០១៤ ២០១៥ ព្រមទាំងកោតសរសើរចំពោះក្រុមកីឡាករ ដែលបានខិតខំប្រឹងប្រែងពុះពាររាល់ការលំបាក ដើម្បីចូលរួមក្នុង ការប្រកួតកីឡានាពេលនេះ ឆ្លុះបញ្ចាំងឪ្យឃើញថា ក្រុមកីឡាទាំងអស់បានបញ្ចេញអស់នូវកម្លាំង កាយ ចិត្តប្រាជ្ញាស្មារតី ទេពកោសល្យ បទពិសោធន៌និងមានការសាមគ្គីគ្នាជាធ្លុងមួយ ដើម្បីយកជ័យជំនះជូនដល់ក្រុមរបស់ខ្លួន រហូតទទួលបានលទ្ធផលល្អគ្រប់ៗក្រុម តាមលក្ខណបច្ចេកទេស និងមានភាពសុក្រឹតមិនលំអៀង យុត្តិធម៌ត្រឹមត្រូវ ៕
