ឩត្ដរមានជ័យ : នៅថ្ងៃទី27/02/2015 វេលាម៉ោង 09-30នាទី នៅតាមបណ្តោយផ្លូវក្រាលគ្រួសក្រហមក្រវ៉ាត់ក្រុង ស្ថិតក្នុងភូមិកំណប់ សង្កាត់បន្សាយរាក់ មានកើតករណី គ្រោះថ្នាក់ចរាចរណ៍ (រថយន្តធំបុករថយន្តតូច) បង្កឡើងដោយរថយន្តធំ 01គ្រឿង FUSO (យីឌុប) 
ពណ៌ត្រាវ ពាក់ផ្លាកលេខ ក្រចេះ3A-0339 បើកបរដោយជនសង្ស័យមិនស្គាល់អត្តសញ្ញាណ បានបើកមកពីទិសខាងលិច ចៃដន្យមកដល់ផ្លូវបំបែកទៅភូមិត្នោត ក៏បុករថយន្ត 01គ្រឿង ម៉ាក VIGO ពណ៌ឆ្លូញ ពាក់ផ្លាកលេខ ភ្នំពេញ2K-4066 ដែលបើកមកពីទិសខាងជើងចំពាក់កណ្តាលរថយន្តបណ្តាលធ្វើអោយក្រឡាប់ និងស្លាប់មនុស្សចំនួន 02នាក់, របួសធ្ងន់ស្រាលមនុស្សចំនួន 03នាក់ មាន ៖ 1-ឈ្មោះ ទៀង ចាន់ដារ៉ា ភេទប្រុស អាយុ 30ឆ្នាំ រស់នៅភ្នំពេញ 
(របួសស្រាល), 2-ឈ្មោះជួង ប៊ុននី ភេទប្រុស អាយុ 36ឆ្នាំ រស់នៅភ្នំពេញ (របួសស្រាល), 3-ឈ្មោះ គង់ យ៉េត ភេទស្រី អាយុ 50ឆ្នាំរស់នៅភ្នំពេញ (របួសធ្ងន់), 4-ឈ្មោះ សំ ពុទ្ធា ភេទស្រី អាយុ 30ឆ្នាំ រស់នៅភ្នំពេញ (របួសធ្ងន់), 5-ឈ្មោះ សំរិទ្ធមុន្នីសេត ភេទស្រី អាយុ 08ឆ្នាំ រស់នៅភ្នំពេញ (ស្លាប់), 6-ឈ្មោះ ឃ្លាំង ចាន្នី ភេទប្រុស អាយុ 56ឆ្នាំ រស់
នៅភូមិភ្នៀត សង្កាត់សំរោង (ស្លាប់), 7-ឈ្មោះ សំ វុទ្ធី ភេទស្រី អាយុ 54ឆ្នាំ រស់នៅភូមិភ្នៀត សង្កាត់សំរោង(របួសធ្ងន់) ។ក្រោយពេលបុករួចរថយន្តធំបានបើកហួសចំងាយ 60ម៉ែត្រ ក៏ឈប់ហើយអ្នកបើកបរ និងព្រូ ក៏នាំគ្នាចុះរត់គេចខ្លួនបាត់ បច្ចុប្បន្នកំលាំងជំនាញក្រុង កំពុងគ្រប់គ្រងកន្លែងកើតហេតុ និងតាមរកជនបង្ករហេតុ ៕
