កំពង់ឆ្នាំង៖ភ្លើងឆេះបានបង្កអោយមានការរាលដាលឆេះចំការអស់មួយចំនួន ហេតុការណ៍បានកើតឡើងនៅម៉ោង១២និង៣០នាទីថ្ងៃត្រង់ ថ្ងៃទី០២ ខែកុម្ភៈ ឆ្នាំ២០១៥ នៅជើងភ្នំក្រាំងដីមាន ស្តិតនៅក្នុងភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀរ ក្នុងរណីនេះរថយន្ត
ពន្លត់អគ្កីភ័យរបស់ស្នងការដ្ឋាននគរបាលខេត្តចំនួន២គ្រឿងបានធ្វើការអន្តរាគមន៍ជួយពន្លត់ផងដែរ ដើម្បីទប់ស្កាត់ការរាលដាលឆេះដល់ផ្ទះរបស់ប្រជាពលរដ្ឋ ប៉ុន្តែក្នុងករណីនេះផលដំណាំក្នុងចំការមួយចំនួនរបស់ប្រជាពលរដ្ឋក៏បានរងការខូតខាតផងដែរ។
សមត្ថកិច្ចនគរបាលស្រុករលាប្អៀរបានអោយដឹងថា៖ភ្លើងឆេះព្រៃនេះបានឆាបឆេះមកពីកំពូលភ្នំផ្នែកខាងកើត និងបានរាលដាលមកជើងភ្នំចូលចំការដំណាំរបស់ប្រជាពលរដ្ឋ និងបានធ្វើអោយមានការព្រួយបារម្មណ៍ខ្លាចរាលដាលដល់លំនៅដ្ឋានដល់លំនៅដ្ឋាននៅជិតកន្លែងនោះ។ចំការដែលរងការខូតខាតច្រើនជាងគេគឺជាចំការរបស់លោក កែវ ថាយ អតីតៈប្រធានជលផលខេត្តកំពង់ឆ្នាំង ដែលមានដំណាំស្វាយ ស្រកានាគ និងដំណាំហូបផ្លែមួយចំនួនទៀត។
គ្រោះអគ្គីភ័យនេះគេពិនិត្យឃើញមានរថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត ចំនួន២គ្រឿងបានជួយអនត្តរាគមន៍ជួយបាញ់ពន្លត់ផងដែរ ប៉ុន្តែគឺអាចជួយពន្លត់បានតែផ្នែកខាងក្រោមនៃជើងភ្នំតែប៉ុណ្ណោះ រីឯនៅចង្កេះភ្នំនិងលើកំពូលភ្នំនៅតែមានការរាលដាលឆេះដដែល។មូលហេតុនៃគ្រោះអគ្គីភ័យខាងលើនេះ សមត្ថកិច្ចមិនបានដឹងពីមូលហេតុពិតប្រាកដទេ តែគេសន្និដ្ឋានថាអាចបណ្តាលមកពីភ្លើងកន្ទុយបារីឬមកពីអ្នកចោលគប់យកឃ្មុំ៕
