ខេត្តព្រះសីហនុៈ បុរសជាបុគ្គលិកអគ្គីសនីប្រចាំកំពង់ផែរស្វយ័ត្នក្រុងព្រះសីហនុម្នាក់បានរងរបួសធ្ងន់ និង កម្មករដឹកទំនិញម្នាក់រងរមួសមធ្យម រួមជាមួយកម្មករម្នាក់ទៀតបានរងរបួសស្រាលបន្ទាប់ពីបានជួបគ្រោះថ្នាក់ចរាចរណ៏ នៅវេលាម៉ោង១១និង១៥នាទីថ្ងៃទី០២មិនាឆ្នាំ២០១៥ ត្រង់ចំនុចផ្លូវបំបែកមុខព្រះវិស្នុ ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ។
យោងតាមប្រភពសសមត្ថកិច្ចបានអោយដឹងថា ដោយសារតែភាពមិនចេះអធ្យាស្រ័យគ្នាក្នុងការបើកបរ បានបង្ករអោយ មនុស្សចំនួន៣នាក់បានរងរបួសធ្ងន់ និង ស្រាល បន្ទាប់ពីម៉ូតូចំនួនពីរគ្រឿងបានជិះបុកគ្នាពេញទំហឹងកាលពីវេលាម៉ោង១១និង១៥នាទី នៅចំនុចកើតហេតុ
ខាងលើ។ ជនរងគ្រោះទី០១មានឈ្មោះ ទេព វណ្ណះ ភេទ ប្រុស អាយុ៤២ឆ្នាំ មុខរបរជាងអគ្គីសនី មានទីលំនៅភូមិ៣ សង្កាត់លេខ៣ ក្រុងព្រះសីហនុ ជាអ្នកបើកម៉ូតូម៉ាកវេវពណ៏ក្រហមគ្មានស្លាកលេខ បើកបរក្នុងទិសដៅជើងទៅត្បូង បានប៉ះគ្នាជាមួយម៉ូតូគ្រឿងទៀតម៉ាក MDពណ៏៏ក្រហម គ្មានស្លាកលេខដូចគ្នា បើកបរដោយ ឈ្មោះ បើកបរដោយ ឈ្មោះ យ៉ាន់ចិន្តា
ភេទ ប្រុស អាយុ២៣ឆ្នាំ រងរបួសមធ្យម រួមតំណើរជាមួយឈ្មោះហេង ខេមរា ភេទ ប្រុស អាយុ២២ រងរបួស្រាល អ្នកទាំងពីរមានមុខរបរបុគ្គលិកដឹកំនិញអោយក្រុមហ៊ុនមួយ បច្ចប្បន្នស្នាក់នៅក្រុមហ៊ុន ស្ថិតក្នុងភូមិ២ សង្កាត់លេខ២ ក្រុងព្រះសីហនុ។
ដោយឡែកយោងតាមសាក្សីនៅក្បែរកន្លែងកើតហេតុបានអះអាងថា នៅមុនកើតហេតុគេបានឃើញម៉ូតូមួយគ្រឿងជិះម្នាក់ឯង ឡើងចំណោទពីម្តុំបេនឡានក្រុងសំដៅមកវិមានឯករាជ្យក្នុងល្បឿនលឿនខណះពេលមកដល់ចំនុចកើតហេតុដែលជាផ្លូវបំបែកច្រមុះជ្រូកក៏ស្រាប់
តែមានម៉ូតូ MDមួយគ្រឿងទៀតជិះគ្នាពីរនាក់ ក្នុងទិសដៅពីលិចសំដៅទិសខាងជើង ខណះពេលបត់ឆ្វេងក៏ត្រូវម៉ូតូវេវបុកចំពាក់កណ្តាលម៉ូតូពេញទំហឹង បណ្តាលអោយភាគីម៉ូតូវេវរងរបួសធ្ងន់ សន្លប់នៅនឹងកន្លែង ត្រូវបានរថយន្តសង្គ្រោះមកដឹកយកព្យាបាលភ្លាមៗដែរ។
