កំពង់ឆ្នាំង៖អ្នកទន្លេប្រុសស្រី៥នាក់បានរងរបួសធ្ងន់និងស្រាលនៅក្នុងករណីគ្រោះថ្នាក់ចរាចរណ៍ផ្លូវទឹកពេលយប់ ដោយកាណូតឌុកដឹកត្រីបើកបត់កាត់មុខ ត្រូវកាកាណូតដឹកគោ
យន្តបុកលិចក្នុងទន្លេ។គ្រោះថ្នាក់នេះបានកើតឡើងនៅម៉ោង៧និង១០នាទីយប់ថ្ងៃទី០៣ ខែ
មិនា ឆ្នាំ២០១៥ នៅក្នុងភូមិអន្លុងកញ្ចុះ ឃុំប្រឡាយមាស ស្រុកកំពង់លែង។
លោក ប៉ាល់ ជឿន អធិការនគរបាលស្រុកកំពង់លែងបានអោយដឹងថា៖ជនរងគ្រោះនៅ
នៅក្នុងហេតុការណ៍ខាងលើមាន៖ ១.ឈ្មោះ ហម សាខន អាយុ៤០ឆ្នាំ ភេទប្រុសរបួសធ្ងន់ ២.
ឈ្មោះ ហឹម កញ្ញា អាយុ៣៧ឆ្នាំ ភេទស្រី របួសធ្ងន់ ៣.ឈ្មោះ រិន សុផល អាយុ៤ឆ្នាំ ភេទប្រុស
របួសស្រាល ៤.ឈ្មោះ យឹម ឌៀប អាយុ៣៧ឆ្នាំ ភេទស្រីរបួសស្រាល ពួកគាត់ជិះកាណូតដឹកត្រី រសើនៅក្នុងភូមិផ្លូវទូក ឃុំផ្លូវទូក ស្រុកកំពង់លែង និងទី៥ឈ្មោះ ឃឹម ធៀម អាយុ៣៥ឆ្នាំ
ភេទស្រី មានផ្ទៃពោះ៥ខែរបួសធ្ងន់ ជិះលើកាណូតដឹកគោយន្ត គាត់រស់នៅក្នុងភូមិសំរោង ឃុំ
ពោធិ ស្រុកកំពង់លែង។
មុនពេលកើតហេតុកាណូតមានដំបូលដឹកគោយន្តជិះគ្នា៦នាក់បានបើកបរពីកើតទៅលិច ពេលដល់ចំណុចកើតហេតុ ក៏ស្រាប់តែកាណូតដឹកត្រីក្នុងទិសច្រាស់គ្នាមានភ្លើងហ្វាផងដែរ
បានបើកគេចពីកំប៉ោងបត់មកស្តាំកាត់មុខកាណូតដឹកគោយន្ត បណ្តាលអោយកាណូតដឹកគោ
យន្តបុកកិនពីលើកាណូតដឹកត្រីលិចក្នុងទឹក បង្កអោយមានអ្នករបួសធ្ងន់និងស្រាលដូចខាងលើតែម្តង និងធ្វើអោយត្រីជាង៤០០គីឡូធ្លាយចេញអស់។
ក្រោយពេលកើតហេតុជងរងគ្រោះត្រូវបានគេជួយសង្គ្រោះស្រង់ពីទឹក និងដឹកបញ្ជូនទៅព្យាបាលរបួសនៅផ្ទះពេទ្យឯកជនក្នុងឃុំប្រឡាយមាស និងស្ត្រីពោះធំម្នាក់បានដឹងមកសង្គ្រោះក្នុងមន្ទីរពេទ្យខេត្ត។ចំណែកកាណូតទាំង២គ្រឿងត្តូបានសមត្ថកិច្ចនគរបាលស្រុកកំពង់លែងបញ្ជូនមក ការិយាល័យចររាចណ៍ផ្លូវទឹក កសាងសំណុំរឿងតាមនិតិវិធីដោះស្រាយ
តាមផ្លូវច្បាប់។នេះជាករណីទី២ហើយ ដែលលើកទី១កាលពីយប់ថ្ងៃទី៣ ខែមិននា ក៏មានកាណូតឈើ១គ្រឿងបុកកាណូតបាឡាស្មាច់ ក្នុងឃុំឆ្នុកទ្រូ បណ្តាលអោយមនុស្សម្នាក់ស្លាប់និងឪពុកកូន២នាករបួសធ្ងន់និងស្រាល៕
