កំពង់ធំ= គ្រោះថ្នាក់ចរាចរណ៍ នៅខេត្តកំពង់ធំរយះពេល២ខែដើមឆ្នាំ២០១៥មានសន្ទុះគួរអោយចាប់អារម្មណ៍ ក្នុងករណីគ្រោះថ្នាក់ចរាចរណ៍នេះមានរហូតដល់២៤លើក ស្លាប់មនុស្ស២២នាក់ នេះជាកត្តាដែលធ្វើអោយមានការចាប់អារម្មណ៍ តក់ស្លុត ចំពោះប្រជាពលរដ្ន
ទូទៅនិងពញ្ញាក់ស្មារតីក្នុងការប្រុងប្រយ័ត្នក្នុងការបើកបរអោយបានគ្រប់ៗគ្នា។
លោក កែវហួរ ស្នងការរងខេត្តកំពង់ធំទទួលបន្ទុក ផ្នែកគ្រោះថ្នាក់ចរាចរណ៍បានធ្វើសេចក្ដីរាយកាណ៍ដូចតទៅ ក្នុងគ្រោះថ្នាក់ចរាចរណ៍ដើមឆ្នាំ២០១៥នេះមានចំនួន២៤លើក ស្លាប់មនុស្ស២២នាក់ ក្នុងនោះមានជនបរទេស២នាក់របួសធ្ងន់១១នាក់ក្នុងនោះជនបរទេស ៣នាក់ របួសស្រាល ១១នាក់ក្នុងនោះជនបរទេស១នាក់បណ្ដាលអោយខូចខាតម៉ូតូចំនួន២៤គ្រឿង រថយន្ដតូច១៤ រថយន្ដធំ១គ្រឿង មូលហេតុបណ្ដាលមកពីរកត្តាមនុស្ស៩៣% បើកបរល្បឿនលឿន៤៣% បើកបរមិនគោរពសិទិ្ធអធិភាព ចំនួន២២% បើកបរមិនប្រកាន់ស្តាំ ចំនួន១៤%
បើកបរក្នុងស្ថានភាពស្រវឹង ចំនួន៧% បើកបរធ្វេសប្រហែសក្នុងការបត់ឈ្វេង ស្ដាំ ចំនួន៧% មកពីរកត្តាយានយន្ដ អត់ផ្លាកចំណាំងផ្លាត និងអត់ភ្លើងបំភ្លឺចំនួន៧% ក្នុងនោះដែរលោកកែវ ហួរ ក៏បានសំណូមពរអោយ ប្រជាពលរដ្ន ដែលមិនទាន់គ្រប់អាយុក្នុងការបើកបរ ហាមបើកបរ អ្នកបើរបរត្រូវគោរពច្បាប់ចរាចណ៍ ត្រូវរៀនច្បាប់ចរាចរណ៍អោយបានគ្រប់គ្នា ក្នុងពេលបើកបរត្រូវចេះយោយល់គ្នា ពេលបើកបរហាមពិសារជាតិស្រវឹង និងរឹតបណ្ដឹងច្បាប់ចរាចរណ៍នៅពេលខាងមុខ៕
ប៊ុន រិទ្ធី
