សៀមរាប : យុវជនប្រុសស្រីចំនួន៨នាក់ ត្រូវបានសមត្ថកិច្ចនៃស្នងការដ្ឋាននគរបាលខេត្តសៀមរាប ចាប់ឃាត់ខ្លួនកាលពី ថ្ងៃទី ០៥ ខែ មិនា ឆ្នាំ ២០១៥ នៅក្នុងភូមិ សាស្ត្រក្រុងសៀមរាប ដោយសារតែយុវជន ទាំងនេះមានការ បានប្រើប្រាស់សារធាតុញៀន ។
លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាកម្លាំងនគរបាលជំនាញបានសហការណ៍ជាមួយកម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តសៀមរាប ដោយមានការណែណាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ឲ្យសមត្ថកិច្ចទាំងអស់ ពង្រឹង រឹតបន្តឹងការបង្ក្រាបគ្រឿងញៀន។
ជាក់ស្តែងជនសង្ស័យប្រុសស្រី ដែលសមត្ថកិច្ចចាប់ឃាត់ខ្លួនបានទាំង៨នាក់ ត្រូវបានធ្វើកំណត់ហេតុ ពាក់ព័ន្ធក្នុងករណីចាត់ចែង និង សម្រួលអោយប្រើប្រាស់ ក៏ ដូចជា ក្នុងករណី រក្សាទុក និងប្រើប្រាស់នូវសារធាតុញៀនខុសច្បាប់ហើយនោះនៅមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបានប្រព្រឹត្តនៅករណីខាងលើពិតប្រាកដមែន ក្នុងនោះសមត្ថកិច្ចបានធ្វើការដកហូតបាននូវវត្ថុតាងពីជនសង្ស័យបាននូវម្សៅមេតំហ្វេតាមីន ចំនួន ២ កញ្ចប់ មានទម្ងន់ ២ , ៧ ក្រាម ទូរស័ព្ទដៃ ០៥ គ្រឿង ដាវដែក ០១ ដើមម៉ូតូ១គ្រឿង ឩបករណ៍ប្រើប្រាស់គ្រឿងញៀនខុសច្បាប់មួយចំនួន និងសម្ភារះសម្រាប់វេចខ្ចប់គ្រឿងញៀនមួយចំនួនទៀត ផងដែរ ។ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលថ្ងៃទី០៦ខែមិនា ឆ្នាំ២០១៥ ដើម្បីចំណាត់ការទៅតាមផ្លូវច្បាប់បន្ត ៕
គួរបញ្ជាក់ផងដែរថា បញ្ហារគ្រឿងញៀន នៅក្នុងខេត្តសៀមរាប សមត្ថកិច្ចនៃស្នងការមានការបង្ក្រាប យ៉ាងសកម្ម រហូរឈានដល់ឃាត់ខ្លួនជនសង្ស័យបានជាច្រើនករណី តែក្នុងនោះ គេនៅមានឃើញភាពចន្លោះប្រហោងខ្លះរបស់ខេត្តសៀមរាប ដែលពាក់ព័ន្ឋទៅនឹង ការលេងល្បែងស៊ីសង លក់កន្ទុយលេខ និងទេសចរណ៍ផ្លូវភេទ ទោះជាមានការ ចុះផ្សាយជាច្រើនលើកក៏ដោយ ក៏ហាក់ដូចជាពុំមានចំនុចណា បញ្ជាក់ ឲ្យឃើញថា មានការថយចុះដែរ ។
ដោយ ប៊ុន រដ្ឋា
