រាជធានីភ្នំពេញ៖ សមត្ថកិច្ចខណ្ឌឬស្សីកែវ ដឹកនាំដោយលោក ចន្ទ័ ពៅ អធិការរងខណ្ឌឬស្សីកែវ កាលពីរសៀល ថ្ងៃទី០៥ ខែមីនា ឆ្នាំ២០១៥ នេះ បានដាក់កម្លាំងនៅចំណុចផ្លូវជាតិលេខ៥ ស្ថិតនៅភូមិឃ្លាំងសាំង សង្កាត់ ឬស្សីកែវ និងគោលដៅផ្សេងៗទៀត ក្នុងនោះសង្កាត់ទួលសង្កែ ឃាត់បានម៉ូតូអត់ស្លាកលេខសរុប ៤គ្រឿង។
បើតាមប្រភពពត័មានពីសមត្ថកិច្ចបានឲ្យដឹងថា នៅក្នុងគោលដៅសង្កាត់ទួលសង្កែ ឃាត់បានម៉ូតូអត់ស្លាកលេខ ចំនួន៤គ្រឿង មានម៉ាកសង់C១២៥ ២គ្រឿង សេរ៊ីឆ្នាំ២០១៥ ១គ្រឿងនិងសេរ៊ីឆ្នាំ២០១៤ ១គ្រឿង, ម៉ូតូម៉ាកScopy១គ្រឿង និងម៉ាក Duze ១គ្រឿង។
នេះបើយោងទៅតាមខ្លឹមសាររបស់លោកឧត្តមសេនីត្រីជួនណារឹន ស្នងការរងរាជធានីភ្នំពេញកាលពីថ្ងៃទី២៥ ខែកុម្ភ: ក្នុងសន្និសិទ្ឌកាសែតលោក មានប្រសាសន៏ថាគ្រប់ខណ្ឌនិងធ្វើការត្រួតពិនិត្យរាល់សកម្មភាពលើម៉ូតូទាំងឡាយណាដែលចរាចរលើផ្លូវសារធារណ:ដោយពុំមានស្លាកលេខត្រូវឃាត់ទុកដើម្បីអោយពួកគាត់ស្លាកលេខ នេះក៏ដើម្បីទប់ស្កាត់ ពពួកចោរឆក់ដែលភាគច្រើនធ្វើសកម្មភាពឆក់ដោយពុំមានស្លាកលេខផងដែរ។
សូមបញ្ជាក់ថាបច្ចុប្បន្នម៉ូតូទាំង៤គ្រឿង ត្រូវបានរក្សារទុកក្នុងអធិការដ្ឋានខណ្ឌដើម្បីដោះស្រាយតាមនីតិវិធី៕
