កំពង់ស្ពឺះ មុខសញ្ញាចែកចាយគ្រឿងញៀនម្នាក់ត្រូវបាននគរបាលស្រុកឧដុង្គឃាត់ខ្លួនខណះដែលនគរបាលធ្វើការល្បាតតាមមូលដ្ឋានហើយពើបប្រទះជនសង្ស័យរូបនោះជិះម៉ូតូម្នាក់ឯងមានការសង្ស័យក៏ឃាត់សួរនាំប៉ុន្តែជនសង្ស័យបានជិះម៉ូតូព្យាយាមរត់គេចហើយយកគ្រឿងញៀនបោះចោលក្នុងព្រៃ។
ហេតុការណ៍ឃាត់ខ្លួនជនសង្ស័យខាងលើកាលពីវេលាម៉ោង១១ព្រឹកថ្ងៃទី៥ ខែមិនា ឆ្នាំ២០១៥ ស្ថិតនៅក្នុងភូមិ ទំពូង ឃុំ មានជ័យ ស្រុក ឧដុង្គ ខេត្តកំពង់ស្ពឺ ។
បើតាមសម្ដីរបស់លោកវរសេនីយ៏ត្រី ពីង ពៅអធិការរងនគរបាលស្រុកឧដុង្គបានឲ្យដឹងថាជនសង្ស័យដែលមានឈ្មោះផាន់អានភេទប្រុសអាយុ២៧ឆ្នាំមុខរបរមិនពិតប្រាកដរសនៅភូមិត្រពាំងក្រឡឹងឃុំភ្នំតូចស្រុកឧដុង្គខេត្តកំពង់ស្ពឺ។
លោកបានបន្តទៀតថាមុនពេលឃាត់ខ្លូនកំលាំងរបស់លោកបានធ្វើកាល្បាតតាមមូលដ្ឋានដូចសព្វមូយដងក៏ពើបប្រទះជនសង្ស័យខាងលើជិះម៉ូតូម៉ាក់ណៃហតម្នាក់ឯងពណ័ខ្មៅពាក់ស្លាកលេខភ្នំពេញ 1T 3675 ដោយមានការសង្ស័យកំលាំងលោកបានឃាត់សូរនាំនិងឆែកឆេរស្រាប់តែជនសង្ស័យនោះមិនឈប់បានបន្ថែបល្បឿនព្យាយាមរត់គេចខ្លួនកំលាំងរបស់លោកក៏បានជិះម៉ូតូដេញតាមរហូតដល់ខាងជើងវត្តស្រះធុលស្រាប់តែជនសង្ស័យរូបនោះបានបោះគ្រឿងញៀនចោលប្រភេទមេតាំហ្វេតាមីនចំនូន៥កញ្ចប់មានតូចមានធំនិងជញ្ជីងសម្រាប់ថ្លឹងគ្រឿងញៀនមួយគ្រឿងពេលនោះកំលាំរបស់លោកក៏ឃាត់ខ្លូនបានរួមទាំងវត្ថុតាងយកមកសាកសួរនិងកសាងសំណុំរឿងបញ្ជូនទៅស្នងការនគរបាលខេត្តកំពង់ស្ពឺដើម្បីចាត់ការតាមច្បាប់៕
សុខសុភ័ណ្ឌ
