ភ្នំពេញ ៖ ក្មេងប្រុសម្នាក់បាន លង់ទឹកស្រះ ស្លាប់ ខណះដែលរូបគេ រួមជាមួយក្មេងៗនៅជាច្រើនទៀតបាន នាំគ្នាទៅលេងទឹកស្រះក្បែរ ផ្ទះធ្វើឱ្យមានការ ភ្ញាក់ផ្អើលដល់ប្រជាពលរដ្ឋដែលនៅក្បែរមកជួយសង្គ្រោះ។
ហេតុការណ៍ ភ្ញាក់ផ្អើលមួយនេះបានកើតឡើង កាល ពីវេលាម៉ោង១១និង១០នាទីព្រឹកថ្ងៃទី០៦ ខែមីនា ឆ្នាំ២០១៥ ស្ថិតនៅភូមិព្រៃសា ឡា២ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
យោងតាមមន្ដ្រីនគរបាលមូលបានឱ្យដឹង ថា ក្មេងប្រុសរងគ្រោះឈ្មោះកែវ វីរះបុត្រ អាយុ ៩ឆ្នាំ ជាសិស្សសាលា ដែលមានឪពុកឈ្មោះអ៊ុយ ណារ៉េត អាយុ៤២ឆ្នាំ មុខរបរលក់កាហ្វេ និងម្ដាយ ឈ្មោះនី លីន អាយុ៣៥ឆ្នាំ មុខរបរកាហ្វេ ដូចគ្នា ស្នាក់នៅភូមិសង្កាត់កើតហេតុខាង លើ ។
តាមការបញ្ជាក់ពីសមត្ថកិច្ចបានឱ្យដឹងថា មុនពេលកើតហេតុ ក្មេងប្រុសរងគ្រោះដោយ សារតែពេលព្រឹកមិនទៅរៀន រួមជាមួយ ក្មេងផ្សេងទៀត បាននាំគ្នាលេង រណ្ដៅដីដែល គេជីកស្រះនៅខាងជើងភូមិជម្រៅជិត១០ ម៉ែត្រ ។ ពេលដែលកំពុងលេងមិនដឹងជាមូល ហេតុអ្វីទើបធ្វើឱ្យក្មេងប្រុសរងគ្រោះលង់ ទឹកស្លាប់ ទើបក្មេងដែលលេងជាមួយគ្នានោះ បាននាំគ្នារត់មកប្រាប់ឪពុកម្ដាយនិងអ្នកភូមិ នាំគ្នាមកស្រងជនរងគ្រោះតែដោយអកុសលពេលយកមកដល់លើគោក៏បានស្លាប់បាត់ទៅហើយ ទើបបង្កការភ្ញាក់ផ្អើល ហើយសមត្ថកិច្ចនិង អាជ្ញាធរមូលដ្ឋានចុះទៅពិនិត្យភ្លាមៗផង ដែរ ។
ក្រោយទទួលបានព័ត៌មានដ៏គួរឱ្យរន្ធត់ និងតក់ស្លុតពីជីវិតកូនប្រុសរបស់ខ្លួនស្លាប់ គ្មានថ្ងៃត្រឡប់មកវិញ ក្រោយពីបង្កើតនិងខំ ចិញ្ចឹមបីបាច់រហូតដល់ អាយុ៩ឆ្នាំខាងលើនេះ ធ្វើឱ្យឪពុកនិងក្រុមគ្រួសារទាំងមូលយំបោក ខ្លួន និងស្ដាយស្រណោះរកអ្វីប្រៀបផ្ទឹមមិន បាន ។
ក្រោយការធ្វើកោសល្យវិច័យលើសព ក្មេងប្រុសរងគ្រោះ ដោយអះអាងថា ពិតជា លង់ទឹកស្លាប់មែននោះ សមត្តកិច្ចបានប្រគល់ទៅឱ្យក្រុម គ្រួសារយកទៅ ធ្វើបុណ្យតាមប្រពៃណី ៕
