កំពង់ធំៈ នៅថ្ងៃទី០៦ខែមិនាឆ្នាំ២០១៥វេលាម៉ោង២.៣០នាទីរសៀល លោក គុជ គឹមឡុង ព្រះរាជអាជ្ញារង អមសាលាដំបូង ខេត្តកំពង់ធំ បានដឹកនាំកម្លាំងសមត្ថកិច្ចចម្រុះធ្វើការបង្ក្រាបទីតាំងស្តប់ឈើក្រញូង មួយកន្លែងស្ថិតនៅភូមិតាឌុក.ឃុំបល្ល័ង្ក.ស្រុកបារាយណ៍.ខេត្តកំពង់ធំ ។
កិច្ចសហប្រតិបត្តិការបង្ក្រាបនេះ ត្រូវបានចូលរួមពីសំណាក់ លោកថូ គឹមហូរ នាយរងផ្នែករដ្ឋបាលព្រៃឈើកំពង់ថ្ម និងមន្ត្រីក្រោមឱវាទរបស់លោកព្រមទាំងកម្លាំង ប្រដាប់អាវុធប៉ូលិសប៉េអឹមស្រុកបារាយណ៍ និងអាជ្ញាធរភូមិឃុំ បានចូលរួមក្នុងការបង្ក្រាបបទល្មើស នៅចំនុចទីតាំងស្តប់។
លោកព្រះរាជអាជ្ញាបានឲ្យដឹងថាមុនឈានដល់ការបង្ក្រាបទីតាំងលាក់ឈើក្រញូង ដោយសារតែមានបណ្តេញពត៌មានបានផ្តល់មកថាទីតាំងនេះបានរកស៊ីជួញដូរ ឈើគ្រញូងរាប់សិបឆ្នាំមកហើយ តែកន្លងមកពុំដែលមានការបង្ក្រាបនោះទេ ទើបតែពេលនេះ បានដឹកនាំកម្លាំងបង្ក្រាប ធ្វើការឆេកឆេទើបឃើញ វត្ថុតាងមានលាក់ទុកក្នុងផ្ទះ និងក្នុងជង្រុក ទើបសមត្ថកិច្ចរឹបអូសបានឈើ គ្រញូង និងឈើធ្នង់ ។
តាមប្រភពពត៌មានច្បាស់ការ បានឲ្យដឹងថា ឈើទាំងនេះជារបស់ឈ្មោះ ប៉ុច និងឈ្មោះ យ៉ាន ជាមន្ត្រីកងរាជអាវុធហត្ថខេត្តកំពង់ធំ បានយកតួនាទីមករកស៊ីជួញដូរឈើគ្រញូងមកយូរយាណាស់ហើយ ទើបពុំមានសមត្ថកិច្ចណាហ៊ានបង្ក្រាប ចំណែកម្ចាស់ផ្ទះ ក្រោយពីដឹងថា សមត្ថកិច្ចកំពុងតែធ្វើដំណើរ តំរ៉ងមក ផ្ទះរបស់ខ្លួន ដើម្បីឆែកឆេរ ត្រូវបានទទួលទូរសស័ព្ទឲ្យរត់គេចខ្លួន បាត់ ចំណែកឈើដែលរឹបអូសបាន និងធ្វើការវាស់វែង នៅផ្នែករដ្ឋបាលព្រៃឈើកំពង់ថ្ម ឈើក្រញូងមានចំនួន១៥០០គីឡូ ស្មើរ៥២៣ដុំប្រភេទឈើធ្នង់មានចំនួន១៥ដុំប្រវែង២ម៉ែត្របច្ចុប្បន្នឈើទាំងអស់ត្រូបានរក្សាទុកនៅផ្នែករដ្ឋបាលព្រៃឈើកំពង់ថ្មដើម្បីស្រាវជ្រាវរកម្ចាស់ឲ្យចូលខ្លួនមកផាកវិន័យទៅតាមផ្លូវច្បាប់។
សូមបញ្ជាក់ផងដែរថា បច្ចុប្បន្នចរាចរណ៍ ឈើប្រណិតបានធ្វើសកម្មភាព នៅលើដងផ្លូវយ៉ាងគគ្រឹកគគ្រេង នៅលើកំណាត់ផ្លូវជាតិ លេខ៦ មកពីខេត្តសៀមរាប និងខេត្តព្រះវិហារ ឆ្លងកាត់ខេត្តកំពង់ធំ តាមមធ្យោបាយដឹកសិប្បកម្ម ពីលើឈើប្រណិតពីក្រោម ក្នុងនោះត្រូវបានឈ្មួញសិសុះជាមួយសមត្ថកិច្ចមេព្រៃអស់ហើយ ទើបពុំមានការបង្ក្រាប ។
ដោយ khemaradaily 
