កំពង់ឆ្នាំង៖ជនសង្ស័យជាអ្នកចែកចាយនិងប្រើប្រាស់ថ្នាំញៀន២នាក់ត្រូវបានសមត្ថកិច្ចឡោមព័ទ្ធចាប់ខ្លួនបាននិងដកហូតបានថ្នាំញៀន១កញ្ចប់តូចជាប់នៅក្នុងខ្លួន នៅវេលាម៉ោង៣និង២៥នាទីល្ងាច ថ្ងៃទី០៧ ខែមិនា ឆ្នាំ២០១៥ នៅចំណុចមុខស្តាតចាស់ ក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំងនិងសមត្ថកិច្ចការិយាល័យនគរបាលប្រឆាំងគ្រឿងញៀនខេត្តដែលបានសហការបង្ក្រាបករណីនេះបានអោយដឹងថា៖ជនសង្ស័យទាំង២នាក់នេះមាន១.ឈ្មោះ នង ចាន់ធី អាយុ២២ឆ្នាំ មុខរបរមិនពិតប្រាកដ រស់នៅភូមិសន្ទូច ឃុំស្រែថ្មី ស្រុករលាប្អៀរ ២.ឈ្មោះ អ៊ឹង សុនី អាយុ១៧ឆ្នាំ រស់នៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង មានមុខងារជា មន្ត្រីប៉ូលិសដែលទើបចូលថ្មី ត្រូវបានបញ្ចប់វគ្គពីសាលានគបាលជាតិ ។
មុនពេលចាប់ខ្លួនឈ្មោះ នង ចាន់ធី ត្រូវបានមេថ្នាំញៀនម្នាក់នៅក្នុងភូមិធម្មយុត្តិ ទូរស័ព្ទ
ហៅអោយទៅយកថ្នាំញៀន១កញ្ចប់តូច យកទៅលក់អោយម៉ូយម្នាក់ ពេលនោះគេក៏បានហៅឈ្មោះ អ៊ឹង សុនី ដែលស្គាល់គ្នានិងដែលមានម៉ូតូផង អោយឌុបទៅយកថ្នាំញៀនពីមេថ្នាំញៀននោះ ពេលយកថ្នាំញៀនត្រឡប់មកលក់អោយម៉ូយនៅមុខស្តាតចាស់ប៉ែកខាងជើង ក៏ត្រូវសមត្ថកិច្ចព័ទ្ធចាប់ខ្លួនបានតែម្តង វត្ថុតាងដែលសមត្ថកិច្ចដកហូតបានរួមមាន៖ ថ្នាំញៀនម៉ាទឹកកក១មួយកញ្ចប់តូច ទូរស័ព្ទដៃ៤គ្រឿង លុយ១៩ម៉ឺនរៀល និងម៉ូតូស្មាស់ពណ៌ខ្មៅ១គ្រឿង។
នៅមុខសមត្ថកិច្ចជនសង្ស័យឈ្មោះ នង ចាន់ធី បានសារភាពថា៖រូបគេជាអ្នកប្រើប្រាស់ថ្នាំញៀនបាន២ទៅ៣ដងហើយដោយម៉ូយប្រើប្រាស់ថ្នាំញៀនចែកអោយប្រើ និងត្រូវមេថ្នាំញៀ នដែលស្គាល់គ្នា ប្រើអោយយកថ្នាំញៀនទៅលក់អោយម៉ូយ។
ជនសង្ស័យទាំង២នាក់រួមនិងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅ
កាន់តុលាការខេត្ត ដើម្បីធ្វើការស្រាវជ្រាវបន្ត និងចោទប្រកាន់ផ្តន្ទាទោសតាមផ្លូវច្បាប់៕