កំពង់ស្ពឺ=រថយន្តវីហ្គោមួយគ្រឿងដែលត្រូវបានគេដឹងថាជារបស់លោកអភិបាលរងស្រុកសំរោងទងត្រូវបានទទួលរងការខូចខាតមួយកំណាត់មុខដោយសារតែបានបុកនិងរថយន្តកូរ៉េមួយគ្រឿងទៀតដែលធ្វើដំណើរបញ្ច្រាស់ទិសគ្នាពេញទំហឹងបណ្តាលឲ្យឡានកូរ៉េដឹកផ្លែស្វាយក្រឡាប់ចាក់ចោលពេញផ្លូវ ។ករណីនេះបានកើតឡើងនៅម៉ោង ១៧និង២០នាទី ថ្ងៃ០៨ ខែមិនា ឆ្នាំ២០១៥នៅលើផ្លូវជាតិលេខ៤ត្រង់ចំណុចភូមិ វល្លស ឃុំវល្លស ស្រុកសំរោង ទង ខេត្តកំពង់ស្ពឺ បណ្តាលឲ្យលោក ហង្ស សុភាព ជាអភិបាលរងទទួលរបរបួស ស្រាលព្រមទាំងអ្នកបើកបររថយន្តកូរ៉េក៏របួសស្រាលដែរ ។
តាមសាក្សីដែលឃើញហេតុការណ៏បាននិយាយថា នៅវេលាខាងលើគេ បានឃើញឡានកូរ៉េមួយម៉ាក ហ៊ីយ៉ាន់ដាយ ពណ៏ស ពាក់ស្លាកលេខ 3C 2184 ធ្វើដំណើរពីលិចទៅកើត លុះដល់ចំណុចកើតក៏មានរថយន្ត ម៉ាកវីហ្គោ (Vigo)ពណ៏ទឹកប្រាក់ ពាក់ស្លាកលេខ2J 5394 បានធ្វើដំណើរពីកើតមកលិច បញ្ច្រាស់ទិសគ្នា បំរ៉ុងបត់ចូលសាលាស្រុកក៏បានបុកគ្នាចំពីមុខពេញទំហឹង បណ្តាលឲ្យឡានដឹកកូរ៉េដឹកស្វាយក្រឡាប់ចាក់ស្វាយពេញផ្លូវ ។
សមត្ថកិច្ចបានឲ្យដឹងថា អ្នកបើកបរឡានកូរ៉េ មានឈ្មោះ ណាត អែវ ភេទប្រុសអាយុ ២៤ ឆ្នាំរស់នៅភូមិ ស្វាយរោល ឃុំត្រពាំងជង ស្រុកបាកាន ខេត្តពោធិសាត់ ។ចំណែកអ្នកឡានវីហ្គោ មានឈ្មោះ ហង្ស សុភាព ភេទប្រុសអាយុ ៥២ឆ្នាំរស់នៅភូមិច្បារមន សង្កាត់ក្រុងច្បារមន ខេត្តកំពង់ស្ពឺ រងរបួសស្រាលទាំង២នាក់ ។
សមត្ថកិច្ចឲ្យដឹងទៀតថា រថយន្តទាំង២ក្រោយពីបានបុកគ្នាត្រូវបានសមត្ថ កិច្ចនាំយកមករក្សាទុករងចាំការដោះស្រាយគ្នាតាមច្បាប់ ។
នៅក្នុងហេតុការនេះសមត្ថកិច្ចពាក់ពន្ធ័ហាក់មិនហ៊ានទម្លាយពត៏មានពីមូលហេតុដែលនាំបុកគ្នានេះឲ្យបានត្រឹមត្រូវទេដោយម្នាក់ៗហាក់ញញើតនិងបញ្ចេញរឿងពិតតែទោះជាបែបណានៅរសៀលថ្ងៃ ទី០៨នេះនិងធ្វើការវាស់វែង ឡើងវិញដើម្បីរកខុសជូនជនរងគ្រោះទាំងសងខាងឲ្យមានភាពសុក្រិតតាមច្បាប់ចរាចរណ៏ផ្លូវគោកដែលកំពង់អនុវត្តរាល់ថ្ងៃ ៕
