ស្ទឹងត្រែង៖ប្រត្តិបត្តដ៏ក្តៅគគុករបស់កំលាំងអាវុធហត្ថខេត្តស្ទឹងត្រែងនិងបានសហការជាមួយអាវុធហត្ថខេត្តរតនៈគីរី បានឈានទៅដល់ការជោកជ័យ ចាប់បានឃាតកដែលបានបាញ់សម្លាប់ប្រពន្ធកាលពីរសៀលថ្ងៃ៧មិនាកន្លងមកបានមួយថ្ងៃ ព្រោះតែរឿងសុំប្រពន្ធរួមរស់ ជាមួយគ្នាវិញមិនព្រម។ឃាតកត្រូវបានកំលាំងអាវុធហត្ថទាំងពីរខេត្តសហការគ្នា តាមប្រម៉ាញ់ចាប់ឃាត់ខ្លួននៅវេលាម៉ោង ១៥និង៣០នាទីរសៀលថ្ងៃទី៨មិនាឆ្នាំ២០១៥ នៅចំណុចចំការស្វាយចន្ទីមួយកន្លែង ស្ថិតក្នុងភូមិវង ឃុំកាចូន ស្រុកវ៉ើនសៃ ខេត្តរតនៈគីរី និងបានបញ្ជូនខ្លួនមកដល់ខេត្តស្ទឹងត្រែងនៅម៉ោង១៩និង៣០នាទីយប់ថ្ងៃដដែល។
លោកឧត្តមសេនីយ៍ត្រីអៀង វ៉ាន់ឌីមេបញ្ជាការកងរាជអាវុធហត្ថខេត្តបានអោយដឹងថាឃាតកដែលបានបាញ់សម្លាប់ព្រោះតែរឿងលេងលះគ្នាហើយ សុំរួមរស់ជាមួយគ្នាវិញមិនព្រមនោះ មានឈ្មោះតូមីសសែល ភេទប្រុសអាយុ២៧ឆ្នាំ មុខរបរជាបើករថយន្តអោយលោកឧត្តមសេនីយ៍ត្រីស្វាយ សុទ្ធី ត្រូវជាពូរបស់គេ។
លោកមេបញ្ជាការអាវុធហត្ថបានបន្តអោយដឹងទៀតថាក្រោយពីមានករណីបាញ់សម្លាប់យ៉ាងសាហារកំលាំងរបស់លោកបានបើកប្រត្តិបត្តការ បញ្ជាគ្រប់មូលដ្ឋានទាំងអស់ និងបានសហការជាមួយអាវុធហត្ថខេត្តរតនៈគីរី និងផ្តល់អត្តសញ្ញាណជនសង្ស័យ ក្រោមការអះអាងរបស់ឪពុកស្ត្រីរងគ្រោះ។ស្ថិតក្រោមការតាមប្រម៉ាញ់ របស់សមត្ថកិច្ចទើបឈានទៅដល់ការឃាត់ខ្លួនឃាតកបាននៅចំណុចខាងខាងលើនិងបានដកហូតអាវុធខ្លីម៉ាកឡុក(CF)មួយដើមលេខ៦៦៣២ គ្រាប់ចំនួន៧គ្រាប់ បង់មួយ និងបានបញ្ជូនខ្លួនមកទីបញ្ជាការកងរាជអាវុធហត្ថខេត្តស្ទឹងត្រែងដើម្បីសាកសួរ។
ឃាតកបានធ្វើកាយវិកាក្នុងពេលធ្វើឃាតស្ត្រីរងគ្រោះ ព្រមទាំងបានឆ្លើយសារភាពចំពោះមុខសមត្ថកិច្ចថាខ្លួនបានលែងគ្នាអស់ប្រហែលមួយឆ្នាំ ហើយក៏សុំរួមរស់ជាមួយគ្នាវិញ ទោះជាខ្លួនសុំអង្វរ ប្រពន្ធគេជាច្រើនលើច្រើនសារ និងបានអោយឪពុកម្តាយរបស់ខ្លួនចូលទៅសម្រុះសម្រួល នៅតែមិនព្រម ហើយទូរស័ព្ទចេះតែដូរលេខរហូត ទើបខ្លួនអត់ទ្រាំមិនបាន ក៏លួចយកកាំភ្លើងរបស់ពូ ហើយនៅមុនកើតហេតុប្រហែលដប់នាទី ខ្លួនបានទូរស័ព្ទទៅ
ម្តាយក្មេកសួររកកូននិងប្រពន្ធរបស់គេ ហើយក៏សម្រេចចិត្តដើរចូលទៅកន្លែងលក់លៀកបំពាក់ ខណៈប្រពន្ធកំពុងដេកលើអង្រឹង និយាយទូរស័ព្ទជាមួយគូរដណ្តឹងដែលគ្រោងនិងភ្ជាប់ពាក្យ ខ្លួនឮអត់ទ្រាំមិនបានក៏ដកកាំភ្លើង បាញ់ទៅលើស្ត្រីរងគ្រោះចំនួន៥គ្រាប់ រួចក៏ជិះម៉ូតូឌុបគេចខ្លួនទៅអូរពងមាន់ និងបន្តជិះរថយន្តតាក់ស៊ី ទៅកាន់ខេត្តរតនៈគីរី រំលងបានមួយយប់ក៏ត្រូវបានសមត្ថកិច្ចចាប់ខ្លួនតែម្តង។
បច្ចុប្បន្នជនសង្ស័យរួមនិងវត្ថុតាងខាងលើ កំពុងឃុំខ្លួននៅទីបញ្ជាការកងរាជអាវុធហត្ថខេត្ត ស្ថិតក្រោមការសាសួរពីសមត្ថកិច្ចជំនាញ ដើម្បីរៀបចំឯកសារពាក់ព័ន្ធក្នុងករណីឃាតកម្មបញ្ជូនខ្លួនទៅកាន់អយ្យការអមសាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕
