បន្ទាយមានជ័យ: វត្តពោធិរាមអង្គាបុស្ស លើទីធ្លាទំហំ៦ហិចតា ស្ថិតនៅសង្កាត់កោះពងសត្វក្រុងសិរីសោភ័ណខេត្តបន្ទាយ មានជ័យក្រោយពីបានក៍សាងសមិទ្ធផលនានានិងព្រះវិហារ ត្រូវបញ្ចុះខ័ណ្ឌសីមាដាក់អោយប្រើប្រាស់និងទុកជាទីធ្វើបុណ្យទានកាលពីថ្ងៃទី១២មីនា
២០១៥។
លោកស្រី ចាន់ ថេង អភិបាលក្រុងសិរីសោភ័ណអោយដឹងថា: វត្តពោធិរាមអង្គាបុស្សស្ថិតនីភូមិអង្គាបុស្សសង្កាត់កោះពងសត្វនេះ ស្ថិតលើផ្ទៃដីទំហំ៦ហិចតានៃដីទំនាបស្ទឹងសិរីសោភ័ណ ខាងកើតក្រុងចម្ងាយ១១គមមួយនេះកសាងឡើងដំបូងនៅឆ្នាំ១៩៣៣ មកដែលចៅអធិការទី១ ព្រះនាមសុី ប៉ាន ។ដល់ឆ្មាំ១៩៨៨ទើបពុទ្ធបរិស័ទនិងព្រះសង្ឃកសាងឡើងវិញ។ពីនោះមកមានចៅអធិការ៣អង្គបន្តបន្ទាប់គឺព្រះនាម ហ៊ូ សុខ,ព្រះមាន ប៊ុន ស្វាយនិងព្រះនាម ម៉ាត់ ភាវ ដឹកនាំវត្តនិងកសាង។
លោកស្រី ចាន់ ថេង បន្តថា:ដល់បច្ចុប្បន្នវត្តនេះទទួលបានការការដឹកនាំនិងចូលរួមកសាងដោយព្រះសង្ឃ អាចារ្យ គណកម្មការនិងពុទ្ធបរិស័ទជិតឆ្ងាយក្នុងនិងក្រៅប្រទេសរួបរួមសាមគ្គីគ្នាកសាងសមិទ្ធផលជាច្រើនរួមមាន:ប្រាង្គ១ខ្នង,របងវត្ត,ខ្លោងទ្វារ,សាលាធម្មវិន័យ១ខ្នង,កុដិឈើ១ខ្នងស្នើ៧ល្វែង,កុដិថ្មល្វែង,សាលាធម្មសភា១ខ្នង,កប្បិយកុដិ(ផ្ទះបាយ)១ខ្នង,ឈាបនដ្ឋាន១,បង្គន់អនាម័យ១៧បន្ទប់,ម៉ាសុីនភ្លើង២០KW១គ្រឿង,និងព្រះវិហារថ្មី១ខ្នងធំស្កឹមស្កៃ។ពោលគឺវត្តនេះសក្តិសមជទីអារាមព្រះពុទ្ធសាសនាសមរាប់ព្រះសង្ឃ អាចារ្យដឹកនាំធ្វើសង្ឃកម្មនិងទីសក្ការ:គោរពបូជា។
ឯកឧត្ដម គោស៊ុំ សារឿត អភិបាលខេត្តបន្ទាយមានជ័យមានប្រសាសន៍ថា: សមិទ្ធផលដែលបានកើតឡើងនាពេលនេះ ស្ដែងចេញពីការរួបរួម ពីពុទ្ធបរិស័តដែលបានចំនាយនូវធនធានផ្ទាល់ខ្លួន ដើម្បីក៍សាងទុកជាទីសក្ខារបូជា ព្រោះថាទីអារាម គឺជាកន្លែងអប់រំមនុស្សទូទៅ។
ឯកឧត្ដម គោស៊ុំ សារឿត បានអំពាវនាវដល់គ្រប់គ្នាចូលរួមថែរក្សានូវសមិទ្ធផលដែលបានកើតឡើងនេះ សម្រាប់ជាទីគោរពបូជា អោយបានយូរអង្វែង ការពារអនាម័យ បរិស្ថាន សោភ័ណភាពតាមលំនៅឋាន ភូមិឋាន ក្រុងនិងទីសាធារណ: ដងស្ទឹង បឹងបួររបស់យើងទាំងអស់គ្នា៕
ដោយ:ឃិន គន្ធា
