ខេត្តបន្ទាយមានជ័យ៖គ្រាប់បែកដៃមួយគ្រាប់ដែលនៅមានគុណភាពប្រមាណ៩៥ភាគរយត្រូវបានជនមិនស្គាល់មុខយកទៅផ្លុងចោលនៅគល់ឈើមួយកន្លែងត្រូវបានប្រជាពលរដ្ឋឃើញរួចបានរាយការជូនសមិត្តកិច្ចឲ្យចុះមកពិនិត្យនៅក្នុងសង្កាត់ទឹកថ្លាក្រុងសិរីសោភ័ណខេត្ត
បន្ទាយមានជ័យកាលពីព្រឹកថ្ងៃទី១១ ខែមីនា ឆ្នាំ២០១៥ ។ លោកឧត្ដមសេនីយ៍ អាត់ ខែម ស្នងការនគបាលខេត្តខេត្តបន្ទាយមានជ័យបាននិយាយថាក្រោយពីប្រជាពលរដ្ឋប្រទះឃើញគ្រាប់បែកដែលត្រូវជនមិនស្គាល់មុខយកទៅផ្លុងចោលនៅគល់ឈើមួយដើមនោះត្រូវបានប្រជាពលរដ្ឋរាយការណ៍មកមន្ដ្រីនគរបាលរបស់លោកដើម្បីចុះទៅពិនិត្យចៀសវាងមានគ្រោះថ្នាក់ដោយយថាហេតុនៅពេលណាមួយកើតមានឡើង ។ លោកអាត់ខែមដែលបានដឹកនាំកម្លាំងជំនាញ ចុះទៅពិនិត្យមើលផ្ទាល់នៅកន្លែងកើតហេតុនោះបានធ្វើការសន្និដ្ឋានថាគឺមានជនមិនស្គាល់មុខលាក់ទុកគ្រាប់បែកនេះយូរហើយប៉ុន្ដែក្រោយមកមិនហ៊ានទុកទើបយកទៅបោះចោលតែម្ដង ។ លោកបានបញជាក់ទៀតថាគ្រាប់បែកមួយគ្រាប់នេះ មានគុណភាពរហូតដល់៩៥ភាគរយដែលផលិតនៅប្រទេសចិនហើយត្រូវបានគេប្រើប្រាស់នៅក្នុងសម័យខ្មែរក្រហម ។
លោកអាត់ ខែមក៏បានលើកឡើងអំពីគ្រោះថ្នាក់យ៉ាងធ្ងន់ធ្ងរ បើសិនជាពុំមានសេចក្ដីរាយការណ៍ទាន់ពេលវេលាពីប្រជាពលរដ្ឋចំពោះគ្រាប់បែកមួយគ្រាប់នេះដែលវាអាចផ្ទុះឡើង បើសិនមាននរណាម្នាក់ទៅលេងឬទៅប៉ះវានោះ។លោកក់ ាន សូមអំពាវនាវសាជាថ្មីដល់ប្រជាពលរដ្ឋត្រូវបន្ដចូលរួមសហការបន្ថែមទៀតជាមួយសមត្ថកិច្ចនៅពេលប្រទះឃើញគ្រាប់បែកឬវត្ថុផ្សេងៗដែលអាចឱ្យមានគ្រោះថ្នាក់ត្រូវរាយការណ៍និងជូនដំណឹងទៅសមត្ថកិច្ច ដែ ជិតខ្លួនដើម្បីចុះទៅត្រួតពិនិត្យមើលនិងជួយអន្ដរាគមន៍៕គង្គា
