ខេត្តព្រះសីហនុ៖ព្រឹកថ្ងៃទី១២ ខែមិនា ឆ្នាំ២០១៥នៅទីបញ្ជាការកងរាជអាវុធហត្ថខេត្តព្រះសីហនុមានបើកវគ្គផ្សព្វផ្សាយផែនការអប់រំចិត្តសាស្ត្រឆ្នាំ២០១៥ ដល់នាយ នាយរង ពលអាវុធហត្ថចំនួន២៤៨នាក់ ។
លោកវរសេនីយឯក ខៀវ សំណាង មេបញ្ជាការរងកងរាជអាវុធហត្ថខេត្តព្រះសីហនុ បានមានប្រសាសន៌ថា វគ្គផ្សព្វផ្សាយនេះ មានគោលបំណងឪ្យកងកម្លាំងបានយល់ដឹងនូវវគ្គបំប៉នវគ្គបណ្តុះបណ្តាលផ្សេងៗដែលអង្គភាពបានចាត់តាំង ព្រមទាំងលើកកំពស់គុណភាព សមត្ថភាពដល់កងរាជអាវុធហត្ថគ្រប់ផ្នែក ដល់នាយ នាយរង និងពលអាវុធហត្ថ ដើម្បីអនុវត្តឪ្យបានជោគជ័យនូវកម្មវិធីនយោបាយ ផែនការរបស់រាជរដ្ឋាភិបាលនិងបទបញ្ជារបស់រាជរដ្ឋាភិបាល ជាពិសេសកម្មវិធីនោយបាយ យុទ្ធសាស្ត្រចតុកោនតំណាក់កាលទី៣របស់រាជរដ្ឋាភិបាលអាណត្តិទី៥ ដើម្បីជម្រុញការងារអប់រំផែនការយុទ្ធសាស្ត្រឪ្យបានផុលផុស ដើម្បីឪ្យអាវុធហត្ថគ្រប់រូបភ្ញាក់រលឹកចំពោះតួនាទី ភារកិច្ចរបស់ខ្លួន មានឧត្តមគតិស្មោះត្រង់ស្នេហាជាតិប្រកបដោយអតចិរិតស្អាតស្អំ ទស្សន គោលជំហរច្បាស់លាស់ មិនចាញ់ឧបាយកលខ្មាំង និងមជ្ឍដ្ឋានអមិត្ត បេជ្ញាដាច់ខាតការពាររាជរដ្ឋាភិបាលស្របច្បាប់ និងសមិទ្ធិផលនានាក្នុងសង្គម។ គ្រប់បណ្តាសេនាធិការដ្ឋាន និងបញ្ជាការដ្ឋានអាវុធហត្ថយកចិត្តទុកដាក់ចាត់តាំងអនុវត្តការអារអប់រំចិត្តសាស្ត្រតាមអង្គភាពរបស់ខ្លួន ដើម្បីឆ្លុះបញ្ជាំងពីគោលជំហរនិងការវិវត្តប្រែប្រួលសតិអារម្មណ៌ របស់កងរាជអាវុធហត្ថគ្រប់កាលះទេសះ ដើម្បីមានវិធានការទប់ស្កាត់ និងដោះស្រាយបានទាន់ពេលវេលា នៅបណ្តាបាតុភាពអសកម្មផ្សេងៗនៅក្នុងមូលដ្ឋាន។
លោកវរសេនីយឯក ខៀវ សំណាងបានបញ្ចាក់ថា ខ្លឹមសារអប់រំចិត្តសាស្ត្ររបស់កងយោធពលខេមរភូមិន្ទ និងយុទ្ធសាស្ត្រការពារជាតិឆ្នាំ២០១៣ ស្តីពីការណែនាំធ្វើផែនការយុទ្ធសាស្ត្ររបស់អង្គភាពនិមួយៗ ដូច្នេះកងកម្លាំងត្រូវមានការយល់ដឹងអំពីច្បាប់ អនុក្រឹត្យ ប្រកាស ចរាចរសំខាន់ៗមួយចំនួន និងឯកសារអប់រំចិត្តសាស្ត្របានលើកកម្ពស់មនះសិការស្នេហាជាតិ អត្តចរិត សីលធម៌ វិន័យ ប្រសិនកម្លាំងរបស់យើងមានវិន័យមិនបានរឹងមាំទេ នោះអង្គភាពរបស់យើងក៌មិនអាចសម្រេចការងារ ភារកិច្ចជូនឪ្យគណបញ្ជាការឯកភាពខេត្ត ក៌ដូចជារាជរដ្ឋាភិបាលបានទេបានជោគជ័យដែរ ។
សម្តេចអគ្គមហាសេ នាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជាបានដាក់ចេញនូវគោលនយោបាយកែទម្រង់ស៊ីជម្រៅ ឪ្យមន្ត្រីអសកម្មទាំងអស់ត្រូវឆ្លុះកញ្ចក់ ងូតទឹក ដុសក្អែល និងព្យាបាលជំងឺ ដើម្បីធានានិរន្តរភាពម៉ាក្រូសេដ្ឋកិច្ចកម្ពុជានៅឆ្នាំ២០១៤មានកំណើន ៧% និងឆ្នាំ២០១៣ មាន៧.២%ហើយនៅឆ្នាំ២០១៥ កំណើនសេដ្ឋកិច្ចមានកំណើន៧.៣% ។រាជរដ្ឋាភិបាលបានកំណត់យកវិស័យកសិកម្មក្នុងការជម្រុញកំណើនសេដ្ឋកិច្ចជាតិ ក្នុងមួយឆ្នាំកម្ពុជាបានផលិតស្រូវមានការកើនឡើងជាលំដាប់ ហើយវិស័យទេសចរណ៌គ្នានផ្សែងក៌ជាគោលដៅអាទិភាពរបស់រាជរដ្ឋាភិបាលកម្ពុជាក្នុងការប្រមូលប្រភពថវិការ ដើម្បីកាត់បន្ថយភាពក្រីក្ររបស់ប្រជាពលរដ្ឋថែមទៀតផង ៕
ដោយ ស៊ុយ ចាន់ធា
