ខេត្តបន្ទាយមានជ័យ៖ប្រជាពលរដ្ឋរស់នៅតាមចិញ្ចើមថ្នល់ជាតិនៅតាមដងផ្លូវជាតិលេខ៥មានការភ្ញាក់ផ្អើលយ៉ាងខ្លាំងដោយបានឃើញមានរថយន្តប្រភេទយក្សប៉ែនមួយគ្រឿងដឹកថ្មមិចឡើងពេញកំពុងលើសចំណុះបានបើកមកដល់ជិតមុខកងរាជអាវុហត្ថស្រុកមង្គលបូរីក៏ផ្ទុះ
កង់រេចង្កូតជ្រុលធ្លាក់ចូលស្នាមភ្លោះក្រឡាប់ចាក់ចោលថ្មមេចពេញចិញ្ចើមថ្នល់ជាតិសំណាងល្អគ្មានមនុស្សស្លាប់។ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង៥ល្ងាចថ្ងៃទី១៣ខែមិនាឆ្នាំ២០១៥នៅចំណុចខាងត្បូងកងរាជអាវុធហត្ថស្រុកមង្គលបូរីមានចំងាយប្រហែល២០០ម៉ែត្រនៅលើផ្លូវជាតិលេខ៥ត្រង់ហាងលក់ម្ឈូសនៅភូមិជំទាវ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។បើតាមប្រជាពលរដ្ឋដែលបានឃើញហេតុកាណ៍នោះបាននិយាយថាមុនពេលកើតហេតុគេបានឃើញរថយន្តហីុណូប្រភេទប៉ែនពាក់ស្លាកលេខបន្ទាយមានជ័យ៣A០០៧៩របស់ក្រុមហ៊ុនមានទីស្នាក់ការនៅក្រុងប៉ោយប៉ែត្រដឹកថ្មមិចឡើងពេញកំពុងលើសចំណុះដឹកចេញពីការដ្ឋានផលិតថ្មនៅភ្នំធំធ្ពោះចូលមកទីរួមខេត្តបន្ទាយមានជ័យធ្វើដំណើរពីត្បូងមកជើងលុះបើកមកដល់ចំណុចកើតហេតុក៏ផ្ទុះកង់មុខរួចក៏រេចង្កូតធ្លាក់ចូលស្នាមភ្លោះក្រឡាប់ចាក់ចោលថ្មពេញស្នាមភ្លោះ។ប្រជាពលរដ្ឋបាននិយាយបន្តថាក្រោយពេលកើតហេតុរួចគេបានឃើញអ្នកបើករថយន្តបើកទ្វាររថយន្តចេញមកក្រៅដោយពុំមានរងរបួសនោះឡើយ។ប្រជាពលរដ្ឋដែលនៅចំណុចរថយន្តក្រឡាប់នោះបាននាំគ្នានិយាយថាគាត់បានសំនូមពរដល់ម្ចាស់ក្រុមហ៊ុនការដ្ឋានផលិតថ្មនៅភ្នំធំទាំងអស់មេត្តាធ្វើការត្រួតពិនិត្យរថយន្តដែលចូលមកដឹកថ្មរបស់ខ្លួនអំពីបញ្ហាសំបកកង់រថយន្តចាស់ជ្រុលអំពីបញ្ហាដឹកថ្មលើសចំណុះពិសេសធ្វើការគ្របឲ្យបានត្រឹមត្រូវផង។គាត់បាននិយាយថានេះសំណាងហើយផ្ទុះកង់ក្រឡាប់នៅកណ្តាលវាលស្រែតែបើផ្ទុះក្រឡាប់នៅទីប្រជុំជននោះវិញពុំដឹងថាមានមនុស្សប៉ុន្មាននាក់ស្លាប់ដោយសាររថយន្តនេះ៕គង្គា
