បន្ទាយមានជ័យ៖ប្រតិបត្តិការនៅពីព្រឹក ថ្ងៃទី១៤ ខែមីនា ឆ្នាំ២០១៥ នៅក្នុងបរិវេណផ្សារសេរីសោភ័ណ ក្រុងសេរីភ័ណ និងតាមទីផ្សារស្រុកស្វាយចេក ខេត្តបន្ទាយមានជ័យ កម្លាំងមន្ត្រីចម្រុះ បានចុះស្វែងរកជី មានសារធាតុគីមីខ្លាំង ផ្នែកកសិកម្ម ដែលគ្មានស្លាកសញ្ញាត្រឹមត្រូវ ឬ
គ្មានគុណភាព ដែលអាចប៉ះពាល់ដល់ផលដំណាំ របស់ប្រជាកសិករខ្មែរ ដែលឈ្មួញដាក់តាំងលក់តាមដេប៉ូល និងតាមទីផ្សារនានាក្នុងខេត្តបន្ទាយមានជ័យ ។
ប្រតិប័ត្តការនេះមានវត្តលោក ដុំ វណ្ណឌី អនុប្រធានពាណិជ្ជកម្មខេត្ត លោក ហុង លៀង អនុប្រធានសាខាកាំកុងត្រូល ទទួលបន្ទុកផ្នែកទីផ្សារ មន្ត្រីការិយាល័យប្រឆាំងបទល្មេីសសេដ្ឋកិច្ចខេត្ត និងមន្ត្រីជំនាញជាច្រើនូបទៀត។
លោក ហុង លៀង អនុប្រធានសាខាកាំកុងត្រូល ទទួលបន្ទុកទីផ្សារ បានឲ្យដឹងថាៈ ការចុះត្រួតពិនិត្យនេះ ដោយមានការចង្អុកបញ្ហាញពីលោកស៊ាន ស៊ីណាត ប្រធានសាខាកាំកុងត្រូលខេត្ត និងមានសហការជាមួយសមត្ថកិច្ចជំនាញៗ យើងធ្វើឡើង ក្នុងបំណង ពង្រឹង និងទប់ស្កាត់ រាល់ការតាំងលក់ ទំនិញ ហួសកាលបរិច្ឆេទ និងអាហារខូចគុណភាព ជាពិសេសជីផ្នែកកសិកម្ម ដែលគ្មានស្លាកសញ្ញាត្រឹមត្រូវ ឬគ្មានគុណភាព ដែលអាចប៉ះពាល់ដល់ផលដំណាំ របស់ប្រជាកសិករខ្មែរ ដែរឈ្មួញទុច្ចរិត មួយចំនួនដែលរកស៊ី គិតតែប្រយោជន៍ផ្ទាល់ខ្លួន។
មន្ត្រីចម្រុះបានដកហូត កម្ទេចមីកចញ្ចប់ខូចគុណភាព និងខ្វះការវិចខ្ចប់ ចំនួន២២៥កញ្ចប់ នំបំពងខ្វះការវិចខ្ចប់ និងគ្មានគុណភាព ចំនួន២យួរធំ ត្រីខ គ្មានស្លាកសញ្ញា និងគ្មានគុណភាព ចំនួន១៣កំប៉ុង ព្រមទាំងបានធ្វើការណែនាំ និងធ្វើកិច្ចសន្យាចំពោះមុខ ប្រសិនជាម្ចាស់ទំនិញខាងលើនេះមិនសុខចិត្ត។
លោកបានបញ្ជាក់ថា ប្រតិបត្តិការណ៍ចុះត្រួតពិនិត្យរកមើលជី រូបសញ្ញាកន្ទុយបារី ដោយនៅក្នុងការ៉ុងជីនិមួយៗគឺមានដាក់សារធាតុគីមីច្រើន ធ្វើប៉ះពាល់ផលដំណាំរបស់ប្រជាកសិករខ្មែរ និងប៉ះពាល់ដីស្រីចំការពួកគាត់ ដូច្នេះកម្លាំងជំនាញរបស់យើងត្រូវចុះទប់ស្កាត់ជាបន្ទាន់ដើម្បីបង្ការដល់អ្នកប្រើប្រាស់ ដែលមិនដឹងពីការប៉ះពាល់ និងការប្រើប្រាស់ជី៕ដោយៈឃិន គន្ធា
