កំពង់ឆ្នាំង៖ដោយមានក្តីកង្វល់អំពីស្រូវស្រែប្រាំងរាប់រយហិកតា កំពុងខ្វះខាតទឹកនិងប្រឈមការស្កកស្វិតងាប់នៅចំណុចវាលស្រែកន្លងអិន សង្កាត់កំពង់ឆ្នាំង និងសង្កាត់ផ្សារឆ្នាំង ក្រុងកំ ពង់ឆ្នាំង ដោយសារតែមានជនខិលខូចលួចបើកទ្វារទឹកទំនប់បារាំងពេលយប់ដាក់ស្បៃមុងចាប់ ធ្វើអោយទំនប់បឹងធំរីងទឹកមិនអាចបូបដាក់ស្រែប្រាំងបាន នៅល្ងាចថ្ងៃទី១៩ ខែមិនា ប្រជាពល រដ្ឋនិងលោកមេភូមិ បាននាំអ្នកយកព័ត៌មានយើងទៅចង្អុលបង្ហាញ ដើម្បីជួយផ្សព្វផ្សាយ និងស្នើសុំអោយលោកអភិបាលខេត្តកំពង់ឆ្នាំងជួយអន្តរាគម៍ទប់ស្កាត់ និងសង្គ្រោះស្រូវប្រាំង។
លោក ចាន់ មាន អាយុ៧៤ឆ្នាំ ជាតំណាងប្រជាពលរដ្ឋជាង៤០គ្រួសារនៅភូមិកណ្តាល
សង្កាត់កំពង់ឆ្នាំង ក្រុងកំពង់ឆ្នាំង ដែលបានធ្វើស្រែប្រាំងរាប់រយហិកតា នៅចំណុចវាលស្រែកន្លងអិន និងលោក ចាន់ មុត អាយុ៧៨ឆ្នាំ ជាមេភូមិកណ្តាល នៅល្ងាចថ្ងៃទី១៩ ខែមិនា ឆ្នាំ២
០១៥ នេះបានជូនដំណើរអ្នកយកព័ត៌មានយើងទៅចង្អុលបង្ហាញ ទ្វារទឹកទំនប់បារាំងដែលជន
ខិលខូចធ្លាប់លួចបើកទឹកដាក់ស្បៃមុងចាប់ត្រីនៅពេលយប់កន្លងមក ធ្វើអោយទឹកក្នុងបឹងធំរីងរាក់ អស់ទឹកបូមដាក់ស្រែប្រាំង។ រួចមកបាននាំអ្នកយកព័ត៌មានយើងទៅចង្អុលបង្ហាញ ស្រូវ
ប្រាំងអត់ទឹកស្វិតងាប់ប្រមាណ៤ហិកតា មិនអាចជួយសង្គ្រោះបាន និងស្រូវប្រាំងរាប់រយហិក
តាទៀតប្រឈមនិងការស្វិតងាប់ផងដែរបើគ្មានការគិតគូរជួយសង្គ្រោះពីមន្ទីរពាក់ពន្ធ័នោះទេ។
ប្រជាពលរដ្ឋនិងលោកមេភូមិនិយាយអោយដឹងថា៖ ទាក់ទងនិងរឿងទាំងអស់ខាងលើនេះពួកលោកធ្លាប់បានរាយការណ៍ជូនលោកស្រីចៅសង្កាត់កំពង់ឆ្នាំង និងចៅសង្កាត់ផ្សារឆ្នាំង
នូវទុក្ខកង្វល់នេះដែរ ហើយលោកស្រីចៅសង្កាត់ក៏ធ្លាប់បានប្រាប់ពួកគាត់វិញថា៖លោកស្រី
ធ្លាប់បានរាយការណ៍សំណូមពរនៅក្នុងអង្គប្រជុំតូចធំថ្នាក់ក្រុង និងខេត្តរួចហើយមកដែរ ប៉ុន្តែ
មិនដែលឃើញមន្ទីរពាក់ពន្ធ័ជួយគិតគូរដោះស្រាយជូនប្រជាកសិកររងគ្រោះឡើយ។
ព្រោះតែហេតុនេះហើយទើបពេលនេះពួកគាត់បាននាំគ្នាប្តិតមេដៃអ្នកមានស្រែប្រាំងជាង៤០នាក់ ដែលប្រឈមនិងស្រូវស្វិតងាប់ជាបន្តទៀតនោះ សំណូមពរដល់លោកអភិបាលខេត្តកំពង់ឆ្នាំងជួយរុញច្រានមន្ត្រីជើង៦នៅក្នុងមន្ទីរពាក់ពន្ធ័ កសិកម្មនិងធនធានទឹក មេត្តាចុះពិនិត្យ ជួយសង្គ្រោះស្រូវស្រែប្រាំងពួកគាត់ផង។ពួកគាត់សំណូមពរធ្វើសោរចាក់ទ្វារទឹកទំនប់បារាំងកុំអោយជនខិលខូចបើកបង្ហូរទឹកចេញបាន និងសំណូមពរបូមទឹកពីទន្លេដាក់តាមប្រឡាយមេដើម្បីពួកគាត់អាចបូមទឹកពីប្រឡាយមេដាក់ក្នុងស្រែដែលខ្វះទឹក។ជាង១ខែកន្លងមកនេះពួកគាត់បានបូមទឹកបណ្តាក់គ្នា៤ទៅ៥ត អស់ប្រេង១ថ្ងៃៗ៣០ទៅ៤០លីត្រទើបបានទឹកចិតតួចដាក់ស្រែ បើតែបែបនេះពេលទទួលផលស្រូវមកគាត់គ្រាន់តែលក់សងថ្លៃប្រេងគេមិនគ្រប់ផង៕