បាត់ដំបង៖ ជនសង្ស័យចំនួនពីរនាក់ ដែលពាក់ព័ន្ធនឹងករណីចែកចាយ និងជួញដូរគ្រឿងញៀនខុសច្បាប់ ត្រូវបានសមត្ថកិច្ចនៃការិយាល័យនគរបាលប្រឆាំងគ្រឿងញៀន សហការជាមួយកំលាំង បង្ការបង្ក្រាប ធ្វើការឃាត់ខ្លួនកាលពីថ្ងៃទី 19-3-15 វេលាម៉ោង 7,20 
នាទីយប់ ត្រង់ចំនុចភូមិទួលតាឯកសង្កាត់ទួលតាឯក ក្រុងបាត់ដំបង ខណ:ដែលមុខសញ្ញាទាំងនេះកំពុងធ្វើសកម្មភាពជាក់ស្តែង។
លោកវរ:សេនីយ៍ត្រី ស៊ាន សុណាល់ នាយការិយាល័យស្តីទី នៃការិយាល័យនគរបាល
ប្រឆាំងគ្រឿងញៀន បានបញ្ជាក់ថា ក្រោយពីទទួលបានព័ត៌មានដែលផ្តល់ដោយកំលាំងសម្ងាត់រួចមក រូបលោកផ្ទាល់បានដឹកនាំកំលាំង ដោយមានការសហការជាមួយកំលាំងបង្ការ បង្ក្រាបរបស់ការិយាល័យព្រហ្មទណ្ឌកំរិតស្រាល បានចេញប្រតិបត្តិការទៅចំនុចខាងលើ ព្រមទាំងបានឃាត់ខ្លួនជនសង្ស័យម្នាក់ឈ្មោះ អិល ណារិន ហៅស្រីខួច ភេទស្រី អាយុ29ឆ្នាំ រស់នៅភូមិរំចេក1 សង្កាត់រតន: (អ្នកកាន់ថ្នាំញៀនយកទៅលក់) ដោយធ្វើការដកហូតថ្នាំញៀនប្រភេទម៉ាទឹកកកចំនួនមួយកូនថង់ស្មើនឹងទម្ងន់1,75ក្រាម ព្រមទាំងបានដកហូតទូរស័ព្ទដៃមួយគ្រឿងផងដែរ។
នៅចំពោះមុខសមត្ថកិច្ច ដោយមានការសារភាពយ៉ាងច្បាស់នូវមុខសញ្ញាថ្មីមួយទៀត
ទើបកំលាំងជំនាញបានសុំគោលការទៅលោកព្រះរាជអាជ្ញា ដើម្បីប្រតិបត្តិការបន្តទៅជំហានទីពីរដោយបានឃាត់ខ្លួនជនសង្ស័យម្នាក់ទៀតពាក់ព័ន្ធនឹងករណីជួញដូរគ្រឿងញៀនឈ្មោះ ភន់ ណាន ហៅរ៉ា ភេទប្រុស អាយុ42ឆ្នាំស្នាក់នៅផ្ទះជួលក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ព្រមទាំងបានដកហូតថ្នាំញៀនប្រភេទម៉ាទឹកកកចំនួនពីរកូនថង់ ដែលមានទម្ងន់10,90ក្រាម និងទូរស័ព្ទដៃមួយគ្រឿង ព្រមទាំងសម្ភារ:វេចខ្ចប់មួយចំនួនថែមទៀត។
បច្ចុប្បន្នជនសង្ស័យ រួមទាំងវត្ថុតាង ត្រូវបានសមត្ថកិច្ចរៀបចំកសាងសំណុំរឿងដើម្បី
បញ្ជូនខ្លួនទៅកាន់សាលាដំបូង និងចាត់ការតាមផ្លូវច្បាប់៕
