កំពង់ឆ្នាំង៖ កើតទ្បើងជាបន្តបន្ទាប់ នៅតាមខេត្តមួយចំនួនថ្មីៗនេះសមត្ថកិច្ចនគរបាលខេត្ត និងក្រុងកំពង់ឆ្នាំងថ្មីៗនេះ បានប្រឹងប្រែងរិតបណ្តឹងសណ្តាប់ធ្នាប់ សន្តិសុខ ពិសេសសុវត្ថិភាព ជូនប្រជាពលរដ្ឋ និងអាជីវករលក់មាសតាមផ្សារយ៉ាងសកម្ម បន្ទាប់ពីមានអំពើប្លន់ប្រដាប់អាវុធ បានកើតឡើងជាបន្តបន្ទាប់ នៅតាមទូរមានក្នុងខេត្តកំពង់ធំ និង នៅផ្សារស្រុកភ្នំក្រវ៉ាញ ខេត្ត ពោធិ សាត់។
លោក ញ៉ោក ប៊ុនធី អធិការរងក្រុងកំពង់ឆ្នាំង មានប្រសាសថា កម្លាំងសមត្ថកិច្ចនគរបាលក្រុង បានសហការណ៏ជាមួយនគរបាលខេត្ត ក្រោមការបញ្ជាផ្ទាល់ពីលោកឧត្តមសេនីយ៏ត្រី ប្រាក់ វុឌ្ឍី ស្នងការនគរ បាលខេត្ត បានដាក់កម្លាំងការពារតាមគោដៅ និងល្បាតក្នុងក្រុងកំពង់ឆ្នាំង ដើម្បីការពារសណ្តាប់ធ្នាប់ សន្តិសុខ សុវត្ថិភាពជូនប្រជាពលរដ្ឋ អាជីវករក្នុងក្រុង ។ ក្នុងការរិតបន្តឹងបែបនេះ គឺតាំងពីដើមខែកុម្ភះ មក ដល់ថ្ងៃនេះ និងបន្តរហូតដល់បុណ្យចូលឆ្នាំខ្មែរ ហើយនឹងបន្តទៅមុខទៀត ដោយក្នុងនោះ មានកម្លាំងការពារនៅចំណុចផ្សារលើ ចំនួន១០នាក់ និងកងរាជអាវុធហត្ថ២នាក់ រថយន្តស៊ីរ៉ែន១គ្រឿង ម៉ូតូ៥គ្រឿង នៅផ្សារក្រោម មានកម្លាំង១០នាក់ ម៉ូតូ៥គ្រឿង និងកម្លាំងល្បាត១០នាក់ រថយន្ត១គ្រឿង ម៉ូតូ៥គ្រឿង ក្រៅ ពីនោះ នៅមានកម្លាំងអន្តរាគមន៏ របស់ស្នងការដ្ឋានខេត្ត មានចំនួនស្មើគ្នា ជាមួយកម្លាំងនគរបាលក្រុងដែរ តែ បន្ថែមរថយន្តស៊ីរ៉ែនធំ១គ្រឿង ។ ការងារនេះ នៅមានក្រុមល្បាតនៅពេលយប់បន្ថែមទៀត ។ ជាសំណាងល្អ ក្នុងខេត្តមិកទាន់មានសកម្មភាពឆក់ប្លន់នោះទេកន្លងមក ។
ប្រជាពលរដ្ឋ ក៏ដូចជាអាជីវករ មានភាពកក់ក្តៅ ចំពោះចំណាត់ការ របស់អាជ្ញាធរខេត្ត និងលោកស្នងការ ដែលបានខិតខំព្យាយាម ការពារសន្តិសុខ សណ្តាប់ធ្នាប់ ជូនប្រជាពលរដ្ឋ ទាំងយប់ទាំងថ្ងៃ ៕