មានហេតុការណ៍គួរឲ្យភ្ញាក់ផ្អើលមួយ ដែលបណ្តាលមកពីទុស្សេខ្សែភ្លើង នៅក្នុងបន្ទប់ខារ៉ាអូខេ និង ឌីស្កូ ក្នុងក្លឹបកំសាន្ត Star ក្រុងបាវិត បណ្តាលឲ្យមានអណ្តាតភ្លើងឆាបឆេះ ផ្សែងខ្មួរខ្មាញ់ពេញក្លឹប ធ្វើឲ្យបុគ្គលិក និង ភ្ញៀវ នាំគ្នារត់ចេញប្រសេកប្រសាច និង មានរថយន្តពន្លត់អគ្គិភ័យ ចំនួន២គ្រឿងជួយពន្លត់ ទើបរលត់រកឃើញសាកសព៥នាក់ នៅក្នុងគនរផេះផង់ ។ ហេតុការណ៍នេះ បានកើតទ្បើងនៅវេលាម៉ោងជាង៣ទាបភ្លឺ ថ្ងៃទីឡ២៣ ខែមិនា ឆ្នាំ២០១៥ ស្ថិតនៅក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ច ក្រុងបាវិត បានប្រាប់ឲ្យដឹងថា នៅមុនពេលកើតហេតុការណ៍នេះទ្បើង មានផ្ទុះសេខ្សែភ្លើងចេញពីកន្លែងរាំឌីស្កូ ស្រាប់តែមានអណ្តាតភ្លើងរាលដាលទៅបន្ទប់ខារ៉ាអូខេ ធ្វើឲ្យមានផ្សែងខ្មួរខ្មាញ់ចេញក្នុងក្លឹបកំសាន្ត ធ្វើឲ្យភ្ញៀវ និងបុគ្គលិក បុកទ្វាចេញរត់មកក្រៅតែម្តង ។
បន្ទាប់ពិមានអគ្គិភ័យកើតទ្បើង រថយន្តពន្លត់អគ្គិភ័យ របស់ស្នងការនគរបាលខេត្ត២គ្រឿង បានចេញជួយអន្តរាគមន៍ ហើយបានរលត់ទាំងស្រុង ។ ប្រភពដដែលបានបន្តទៀតថា បន្ទាប់ពីភ្លើងបានរលត់អស់ទាំងស្រុង ហើយក្រុមសមត្ថកិច្ចជំនាញបានចូលខាងក្នុងបន្ទប់ខារ៉ាអូខេ ក៏ប្រទះឃើញសាកសពមនុស្សចំនួន៥នាក់ ដែលត្រូវភ្លើងឆេះខ្លោច មើលលែងស្គាល់ទៅហើយ ហើយសមត្ថកិច្ចកំពុងតែរុករកបន្តទៀត ៕