ខេត្តបន្ទាយមានជ័យ
ក្មេងប្រុសម្នា ក់ដើរឆ្លងផ្លូវមិនប្រយ័ត្នត្រូវបានម៉ូតូបុកពេញទំហឹងបណ្តាលឲ្យធ្លាយពោះនិងរងរបួសបែកក្បាលរងរបួសជាទម្ងន់កាលពីវេលាម៉ោង៦និង៣០នាទីព្រឹក នៅថ្ងៃទី២៤ ខែមីនា ឆ្នាំ២០១៥ នៅចំនុចផ្លូវជាតិលេខ៥៦Aស្ថិតនៅក្នុងភូមិ កកោះ ឃុំស្លក្រាម ស្រុកស្វាយចេក
ខេត្តបន្ទាយមានជ័យ។សាក្សីបានឃើញហេតុការណ៍ផ្ទាល់និងភ្នែកបានប្រាប់ឲ្យដឹងថាមុនពេលកើតហេតុនេះគេបានឃើញម៉ូតូ មួយគ្រឿងម៉ាកហុងដាឌ្រីមសេ១៧៥ ពណ៌ខ្មៅ ស៊េរីឆ្នាំ២០០៨ ស្លាកលេខ បាត់ដំបង 1H-៣៨៥៥បើកបរក្នុងទិសដៅពីជើងទៅត្បូងដោយល្បឿនលៀនលុះបើកមកដល់ចំណុចកើតហេតុស្របពេលនោះមានក្មេងប្រុសម្នាក់បានដើរកាត់ថ្នល់ក៏បានបុកក្មេងប្រុសនោះពេញទំហឹងបណ្តាលឲ្យដាច់ពោះចេញវៀននិងបែកក្បាលរបួសធ្ងន់ធ្ងរ ។ក្រោយពីកើតហេតុរួចមកគេឃើញមានសមត្ថកិច្ច នគរបាលចរាចរណ៍ស្រុកស្វាយចេកចុះមកអន្តរាគមន៍និងជួយសង្គ្រោះក្មេងប្រុសរបួសធ្ងន់ធ្ងរទៅកាន់មន្ទីរពេទ្យដើម្បីសង្គ្រោះជីវិតនៅមន្ទីពេទ្យមិត្តភាពកម្ពុជា ជប៉ុនស្រុកមង្គលបូរី ។លោកជាស្លូញ អធិការស្រុកស្វាយចេកបានប្រាប់ឲ្យដឹងថាអ្នក បើកបរម៉ូតូមានឈ្មោះឆៀនចេក ភេទប្រុស អាយុ២០ឆ្នាំ មានអ្នករួមដំណើរ២នាក់ទៀតរងរបួសស្រាលនិងមានទីលំនៅជាមួយគ្នាភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយ មានជ័យ ចំណែកក្មេងប្រុសរងគ្រោះមានឈ្មោះ ឈួយ វេហា ភេទប្រុស អាយុ១៣ឆ្នាំ មានទីលំនៅភូមិ ដូនណូយ ឃុំទ្រាស ស្រុកស្វាយចេក ខេត្តបន្ទាយមានជយ័។ក្រោយពីវាស់វែងរួចសមត្ថកិច្ច បានយកម៉ូតូបង្កហេតុយកមករក្សាទុកនៅអធិការស្រុកស្វាយចេករង់ចាំការដោះស្រាយគ្នា តាមនិតិវិធីច្បាប់ ៕