បន្ទាយមានជ័យ:ច្បាប់ថ្មីស្តីពីចរាចរណ៍ក្រោយពី ព្រះរាជក្រម ប្រកាសអោយប្រើប្រាស់នាថ្ងៃទី ៩ មករា ២០១៥រួចមកត្រូវបានដាក់ប្រកាសផ្សព្វផ្សាយដល់ មន្ត្រី និងអជ្ញាធរអនុវត្តច្បាប់នៅខេត្តបន្ទាយមានជ័យដើម្បីផ្សព្វផ្សាយបន្ត ដល់ប្រជាពលរដ្ឋនៅមូលដ្ឋាន អោយបានយល់និងអនុវត្តត្រឹមត្រូវកាត់បន្ថយអត្រាគ្រោះថ្នាក់និងឈានដល់ការលុបបំបាត់ចោលទាំងស្រុង។
ការផ្សព្វផ្សាយច្បាប់ស្ដីពីចរាចរណ៍ផ្លូវគោគថ្មីនេះធ្វើឡើង ការព្រឹកថ្ងៃទី ២៥ ខែមិនា ឆ្នាំ២០១៥ដែលមាន សមាជិកក្រុមប្រឹក្សាខេត្ត រដ្ឋបាលខេត្ត មន្ទីរសាធារណ:ការនិងដឹកជញ្ជូនខេត្ត មន្ត្រី អាជ្ញាធរស្រុកក្រុងទាំង៩ កងកម្លាំង របស់ខេត្ត និងសិស្សនិស្សិតចូលរួមផងដែរ។
ឯកឧត្ដម ចាន តារា អគ្គនាយក នៃអគ្គនាយកដ្ឋានដឹកជញ្ជូនថ្លែងថា: មានព័តមានរបស់ក្រសួងមហាផ្ទៃគ្រោះថ្នាក់ចរាចរណ៍ផហលូវគោកឆ្នាំ២០១៤មនុស្សស្លាប់៦នាក់ក្នុង១ថ្ងៃច្រើនជាងឆ្នាំ២០១៣ដែលគិតជាមធ្យម៨នាក់ក្នុង១ថ្ងៃ គ្រោះថ្នាក់ចរាចរណ៍នេះភាគច្រើនដោយកក្តាជាអាទ៍កក្តាមនុស្ស កក្តាយានយន្តនិងកក្តាផ្លូវជាដើម។ 
ឯកឧត្ដម ចាន តារា ថាគ្រោះថ្នាកចរាចរណ៍នេះភាគច្រើនបណ្តាលមកពី គ្មានបណ្ណ័បើកបរមិនត្រឹមត្រូវដែលបញ្ជា យាន្តយន្តបើកលើសល្បឿនកំណត់មិនគោរពសិទ្ធិអាទិភាពជែងនិងបត់មិនត្រឹមត្រូវ ចតឈប់យានមិនត្រឹមត្រូវ ផ្ទុកទំនិញនិងមនុស្សច្រើនលើសចំណុះ មិនមានសីលធម៍ មិនមានសុជីវធម៍និងមិនគោរពបទបញ្ញត្តិនៃច្បាប់ចរាចរណ៍ អ្នកបើកម៉ូតូមិនបានពាក់មួកសុវត្តិភាពយានយន្តមិនពាក់ខ្សែក្រវ៉ាត់ ការលែងសត្វដើររហេតរហូតលើផ្លូវថ្នល់ជាដើម។ ឯកឧត្ដម ចាន តារា បន្តថាច្បាប់ចរាចរណ៍ថ្មីនេះតឹងតែងជាងច្បាប់ចរាចរណ៍ចាស់មាន១២ ជំពូកនិង៩២មាត្រា ដើម្បីធ្វើឲ្យស្របច្បាប់និងបទបញ្ញនៃក្រមព្រហ្មទណ្ឌនៃព្រះរាជាណាចក្រកម្ពុជាក្នុងគោល បំណងធានាសុវត្តិភាព សណ្តាប់ធ្នាប់ ការពារសុខភាព អាយុជីវិតមនុស្ស ទ្រព្យសម្បត្តិ និងបរិស្ថានជូនប្រជាពលរដ្ឋក្នុងការធ្វើចរាចរណ៍នៅតាមផ្លូវថ្នល់ជាតិ៕ដោយ: ឃិន គន្ធា
