សៀមរា៖ បន្ទាប់ពីបានធ្វើសកម្មភាពបានសំរេចជាញឹកញាប់ក្រុមជនសង្ស័យជាចោរលួចកាច់សោកម៉ូតូចំនួនបួននាក់ ត្រូវបានកំលាំងនគរបាលព្រហ្មទណ្ឌនៃអធិការដ្ឋាននគរបាលក្រុងសៀមរាបធ្វើការឃាត់ខ្លួន បាន។
តាមមន្ត្រីនគរបាលក្រុងសៀមរាបបានអោយដឹងថា ការឃាត់ខ្លួនជនសង្ស័យទាំងបីនាក់នេះបានធ្វើឡើង កាលពីថ្ងៃទី២៣ ខែមីនា ឆ្នាំ២០១៥នេះ បន្ទាប់ពីពួកគេបានធ្វើសកម្មភាពលួចកាច់សោកម៉ូតូមួយគ្រឿងម៉ាកហុងដាសេ១២៥ផលិតឆ្នាំ២០១១ពាក់ស្លាកលេខ១AW-៤២៤៤ពីមុខភូមិគ្រឹះអង្គរប៊ូទិចស្ថិតក្នុងភូមិមណ្ឌល៣សង្កាត់ស្លក្រាមក្រុងសៀមរាបខេត្តសៀមរាប។
លោកអនុសេនីយ៍ឯកនួនស័ក្ក ចំរើនរិទ្ធិ អធិការរងនគរបាលក្រុងសៀមរាបទទួលបន្ទុកផ្នែកព្រហ្មទណ្ឌបាន អោយដឹងថាជនសង្ស័យទាំងបីនាក់នោះមានទី១ឈ្មោះ ហែម ម៉ៅ ភេទប្រុស អាយុ២៥ឆ្នាំ ស្នាក់នៅភូមិ បន្ទាយចាស់ សង្កាត់ស្លក្រាម ក្រុងសៀមរាប ទី២ឈ្មោះ គង់ ចន្ថា ហៅកា ណា ភេទប្រុស អាយុ៣២ឆ្នាំស្នាក់នៅភូមិសាលាកន្សែង សង្កាត់ស្វាយដង្គុំ ក្រុងសៀមរាប ចំណែកជនសង្ស័យទី៣មានឈ្មោះម៉ុល ដូ ភេទប្រុស អាយុ២៤ឆ្នាំ មានទីលំនៅមិនពិតប្រាកដនិងទីបួនឈ្មោះស៊ួតហួរភេទប្រុសអាយុ២២ឆ្នាំស្នាក់នៅភូមិវាលសង្កាត់គោកចកក្រុងសៀមរាប ហើយដែលការចាប់ខ្លួនជនសង្ស័យទីបីនិងទីបួននេះគឺធ្វើឡើងទៅតាមចំ លើយសារភាពរបស់ជនសង្ស័យទីមួយនិងទីពីរ។
លោកអនុសេនីយ៍ឯកបានអោយដឹងទៀតថា បច្ចុប្បន្នជនសង្ស័យទាំងបួននាក់បានត្រូវកំលាំងនគរបាលរបស់ លោកធ្វើកំណត់ហេតុបញ្ជូនទៅតុលាការហើយដើម្បីចាត់ការទៅតាមនីតិវិធីនៃច្បាប់ ដោយជាប់ពាក់ព័ន្ធនឹងករណីលួចមានស្ថានទម្ងន់ទោស។ ចំណែកម៉ូតូដែលពួកគេបានលួចគល់អោយម្ចាស់វិញផងដែរ។
គួរបញ្ជាក់ថា យោងតាមចំលើយសារភាពរបស់ជនសង្ស័យដែលមាននៅក្នុងកំណត់ហេតុរបស់ប៉ូលិសនោះគឺ ឈ្មោះហែម ម៉ៅ ធ្លាប់ជាប់ពន្ធនាគារម្តងហើយនិងបានចេញមកវិញកាលពីឆ្នាំ២០១២តាំងបីនោះរូបគេបានទៅធ្វើការនៅប្រទេសថៃត្រឡប់មកវិញឆ្នាំ២០១៥ ប្រកបរបរជាអ្នករត់ម៉ូតូឌុបក្រោយមកក៏បានបែកគំនិតលួច កាច់សោកម៉ូតូគេតែម្តង។ ចំណែកឈ្មោះគង់ចន្ថាក៏ធ្លាប់ជាប់ពន្ធនាគារម្តងដែរកាលពីឆ្នាំ២០០៦រយៈពេលបីឆ្នាំពីបទចែកចាយនិងប្រើប្រាស់គ្រឿងញៀនដោយខុសច្បាប់។
ដោយឡែកជនសង្ស័យជាអ្នកប្រើប្រាស់គ្រឿងញៀនចំនួន៥នាក់ត្រូវបានចាប់ឃាត់ខ្លួនកាលពីថ្ងៃទី២៤ខែមីនាឆ្នាំ២០១៤។
ជនសង្ស័យទាំង៥នាក់រួមមានទីមួយឈ្មោះសុខ ចិន្តា ភេទប្រុសអាយុ១៨ឆ្នាំ ស្នាក់នៅភូមិបឹងដូនប៉ា សង្កាត់ស្លរក្រាម ទី២ឈ្មោះប៉ែត ទី ភេទប្រុស អាយុ២៩ឆ្នាំ ទី៣ឈ្មោះចាន់ តឿ ភេទស្រី អាយុ១៨ឆ្នាំ ស្នាក់នៅភូមិមណ្ឌល៣ សង្កាត់ស្លរក្រាម ក្រុងសៀមរាប ទី៤ឡេង សុជាតិ ភេទប្រុស អាយុ១៨ឆ្នាំ និងទី៥ឈ្មោះឃិន សាយ័ន្ត ភេទប្រុស អាយុ២២ឆ្នាំ។ពួកគេទាំង៥នាក់ក៏ត្រូវបានកំលាំងនគរបាលក្រុងកសាងសំណុំរឿងបញ្ជូនទៅកាន់តុលាការផងដែរ។
លោកអនុសេនីយ៍ឯក នួនស័ក្ក ចំរើនរិទ្ធិ អធិការរងនគរបាលក្រុងសៀមរាបទទួលបន្ទុកផ្នែកព្រហ្មទណ្ឌបាន អោយដឹងថា នេះជាករណីនៃបទល្មើសមួយក្នុងចំណោមបទល្មើសជាច្រើនដែលកំលាំងនគរបាលក្រុងសៀមរាបធ្វើការបង្ក្រាបបានដើម្បីតបទៅនឹងការយកចិត្តទុកដាក់របស់លោកស្នងការ ក៏ដូចជាថ្នាក់ដឹកនាំនៃ អគ្គស្នងការនគរបាលជាតិដើម្បីថែរក្សាសុខសុវត្ថិភាពជូនបងប្អូនប្រជាពលរដ្ឋរបស់យើង៕ខេងឧត្តម