ភ្នំពេញ៖យុវជនសង្ស័យម្នាក់ ត្រូវបាននគរបាលប៉ុស្តិ៍រដ្ឋបាលទឹកថ្លា ធ្វើការឃាត់ខ្លួន ដោយចោទប្រកាន់ករណីរួមភេទជាមួយអនិតិជន អាយុក្រោម១៥ឆ្នាំ។
ហេតុការណ៍ឃាត់ខ្លួនយុវជនសង្ស័ កាលពីវេលាម៉ោង ២០ យប់ ថ្ងៃទី២៤ ខែមីនា ឆ្នាំ២០១៥ នៅចំណុចផ្ទះជួលលេខ១៧១ ក្រុមទី៦ ភូមិអូរបែកក្អម សង្កាត់ទឹកថ្លា ខណ្ឌសែនសុខ រាជធានីភ្នំពេញ។ យុវជនសង្ស័យឈ្មោះ ម៉ែន កុសល អាយុ១៨ឆ្នាំ មុខរបរសិស្ស ស្នាក់នៅផ្ទះគ្មាន លេខ ផ្លូវលំ ភូមិមានជ័យ សង្កាត់ស្ទឹងមានជ័យ ខណ្ឌមានជ័យ ។ ចំណែកជនរងគ្រោះឈ្មោះ ជ័យ សុខស្រីនាត ភេទស្រី អាយុ១៥ឆ្នាំ មុខរបរសិស្ស ស្នាក់នៅផ្ទះជួលលេខ១៧១ ក្រុមទី៦ ភូមិអូរបែកក្អម សង្កាត់ទឹកថ្លា ខណ្ឌសែនសុខ រាជធានីភ្នំពេញ។
សមត្ថកិច្ចប្រាប់ឲ្យដឹងថា មុនពេលកើតហេតុ កាលពីថ្ងៃទី០៦ ខែឧសភា ឆ្នាំ២០១៤ ជនរងគ្រោះ និងជនសង្ស័យបានជួបគ្នានៅសាលារៀន ចាប់ផ្តើមស្រឡាញ់គ្នា រហូតមកដល់ថ្ងៃទី០៩ ខែកុម្ភៈ ឆ្នាំ២០១៥ វេលាម៉ោងប្រហែល ០៨ និង៣០នាទី ជនសង្ស័យ បានបបួលជនរងគ្រោះទៅច្រៀងខារ៉ាអូខេ យីហោ ឈីជាំង នៅជិតវិទ្យាល័យ ជា ស៊ីម សាមគ្គី ក៏បានអោបថើបគ្នា ហើយជនសង្ស័យបានសុំជនរងគ្រោះរួមរ័ក្សរហូតបានសម្រេច លុះមក ដល់ថ្ងៃទី១០ ខែមីនា ឆ្នាំ២០១៥ ជនរងគ្រោះបានទូរស័ព្ទទៅប្រាប់ជនសង្ស័យថា ខ្លួនមានកូនហើយ ជនសង្ស័យក៏បានប្រាប់ឲ្យជនរងគ្រោះទៅទិញថ្នាំសុល ដើម្បីទំលាក់កូនចោល។
សមត្ថកិច្ចប្រាប់បន្តថា រហូតដល់ថ្ងៃទី១៥ ខែមីនា ឆ្នាំ២០១៥ ម្តាយជនរងគ្រោះបានឃើញសំបកថ្នាំនោះ ក៏បាននាំកូនទៅមន្ទីរពេទ្យ ទើបដឹងថា កូនស្រីមានផ្ទៃពោះ ។ បន្ទាប់ពីដឹងថា កូនស្រីមានផ្ទៃពោះហើយ ម្តាយក៏ប្រើល្បិចឲ្យកូនស្រីតេទូរស័ព្ទហៅជនសង្ស័យមកផ្ទះរបស់ខ្លួន លុះពេលជនសង្ស័យមកដល់ក៏ចាប់ឃាត់ខ្លួនប្រគល់ឲ្យនគរបាល ប៉ុស្តិ៍ទឹកថ្លាតែម្តង។
សមត្ថកិច្ចប្រាប់បញ្ជាក់ឲ្យដឹងថា ករណីនេះ គឺភាគីទាំងសង្ខាងបានស្រឡាញ់គ្នាទៅវិញទៅមក មិនមែនជាករណីរំលោភនោះទេ ពីព្រោះ អ្នកទាំងបានស្រឡាញ់គ្នាអស់រយះពេល ១ឆ្នាំមកហើយ ប៉ុន្តែរឿងនេះប្រហែលជាឪពុកម្តាយមិនពេញចិត្ត ទើបប្តឹងសមត្ថកិច្ចឲ្យឃាត់ខ្លួនភាគីខាងប្រុស។ ទោះយ៉ាងណាក្តីយុវជនសង្ស័យសមត្ថកិច្ចកំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធី៕