ភ្នំពេញ៖ បុរសម្នាក់ស្រវឹងស្រាធ្លាក់ភ្នែកជិះម៉ូតូបញ្ច្រាស់ផ្លូវទៅបុកម៉ូតូគេហើយខ្ទាត់ទៅបុក និង របាំងដែកការដ្ឋានធ្វើស្ពានពេញទំហឹងបណ្តាលឱ្យហោះចូលកន្លែងគេកំពុងធ្វើស្ពានរងរបួសធ្ងន់ធ្ងរ កាលពីវេលាម៉ោង៨និង១០ នាទីយប់ថ្ងៃទី២៦ ខែមីនា ឆ្នាំ២០១៥ នៅចំណុចការដ្ឋានធ្វើ
ស្ពានស្តុប ទួលគោកតាមបណ្តោយផ្លូវលេខ ២៨៩ ស្ថិតក្នុងសង្កាត់ទឹកល្អក់១ ខណ្ឌទួលគោក។យោងតាមប្រភពព័ត៌មាននៅកន្លែងកើតហេតុបានឱ្យដឹងថាមុនពេលកើតហេតុគេឃើញបុរសម្នាក់ បានជិះម៉ូតូម៉ាកឃ្លីចពណ៌សលាយខ្មៅ ពាក់ស្លាកលេខ ភ្នំពេញ 1CA-8215 បានជិះធ្វើដំណើរតាម បណ្តោយផ្លូវលេខ ២៨៩ ក្នុងទិសដៅពីត្បូងទៅជើងក្នុងល្បឿនលឿនហើយជិះបញ្ច្រាសផ្លូវ ទៀត ស្រាប់តែជ្រុលទៅបុកនិងម៉ូតូហុងដាឌ្រឹមសេ១១០ពណ៌ខ្មៅមួយគ្រឿងមិនស្គាល់ស្លាក
លេខដែល កំពុងធ្វើដំណើរស្របផ្លូវនោះពេញទំហឹងហើយម៉ូតូមិនទាន់អស់ល្បឿនក៏ខ្ទាត់ទៅបុកនិងរបាំងដែក ការដ្ឋានធ្វើស្ពានទៀតធ្វើម្ចាស់ម៉ូតូឃ្លីចហោះចូលកន្លែងគេកំពុងធ្វើស្ពានរងរបួសធ្ងន់ រីឯចំណែក ម្ចាស់ម៉ូតូហុងដាឌ្រឹមសេ១១០ គ្រាន់តែរងរបួសស្រាល់ ហើយ លើកម៉ូតូខ្លួនជិះគេចបាត់តែម្តង ។ក្រោយពេលកើតហេតុជនរងគ្រោះត្រូវរថយន្តសង្គ្រោះដឹកយកទៅព្យាបាលនៅមន្ទីរពេទ្យឯជន។ ចំណែកម៉ូតូបានរងការខូចខាតយ៉ាងដំណំរបស់ជនរងគ្រោះត្រូវសមត្ថកិច្ចយកទៅរក្សាទុកនៅ ខណ្ឌទួលគោករងចាំម្ចាស់មកទទួលវិញផងដែរ៕
