ភ្នំពេញ៖ រថយន្តឡិចស៊ីសទំនើប១គ្រឿងទំនងជាអ្នកបើកបរស្រវឹងស្រាបានបើកបោះពួយយ៉ាង លឿននិងបានទៅបុកម៉ូតូមួយគ្រឿងម៉ាកវិវ៉ាពេញទំហឹងបណ្តាលឲ្យស្លាប់យុវជនម្នាក់យ៉ាងអនោច អធម័ ក្នុងថ្លុកឈាមនៅចំណុចកើតហេតុត្រង់ចំណុចផ្លូវលេខ265 កែងនិងផ្លូវ
លេខ156 ក្នុង សង្កាត់ទឹកល្អក់២ ខណ្ឌទួលគោក រាជធានីភ្នំពេញ កាលពីវេលាម៉ោង១១និង៤០នាទីយប់ ថ្ងៃទី២៧ ខែមីនា ឆ្នាំ២០១៥។ជនរងគ្រោះគេនៅមិនទាន់ស្គាល់អត្តសញ្ញាណនៅឡើយទេពីព្រោះបានបាក់ដៃជើងពោលគឺរងរបួសសុះសាច់ទៅហើយ។ យោងតាមប្រភពព័ត៍មាននៅកន្លែងកើតហេតុបានឲ្យដឹងថាគេបានឃើញ យុវជនរងគ្រោះជិះម៉ូតូវីវ៉ាពណខ្មៅពាក់ស្លាក់លេខភ្នំពេញ. 1M-7170 បានធ្វើតាមបណ្តោយផ្លូវ លេខ១៥៦ ក្នុងទិសពីលិចទៅកើត។ ចំណែកឯរថយន្តបង្កដែលគេស្គាល់ថាម៉ាកឡិចស៊ីស470 ពណ៌ខ្មៅបានធ្វើដំណើរតាមបណ្តោយផ្លូវលេខ 265 ក្នុងទិសពីជើងទៅត្បូង ប៉ុន្តែដោយសារតែ រថយន្តបង្កបើកលឿនពេកក៍មកវាក់អើទៅបុកម៉ូតូនៅចំណុចផ្លូវបែកជា៤យ៉ាងពេញទំហឹងតែម្តង បណ្តាលអោយអ្នកជិះម៉ូតូខ្ទាត់ជាង់20 ម៉ែត្រនិងបុកចិញ្ចើមផ្លូវបោកក្បាលស្លាប់ក្នុងថ្លុកឈាមនៅ ចំណុចកើតហេតុតែម្តង។បន្ទាប់ពីកើតហេតុរថយន្តបង្កបានដាក់មេប្រូចគេចខ្លួនបាត់ស្រមោលភ្លាមៗ ផងដែរ។
ក្រោយពេលកើតហេតុសមត្ថកិច្ចបានចុះមកដល់កន្លែងកើតហេតុនិងព្យាយាមរក ក្រុមគ្រួសារ ដើម្បី មកទទួលយកសពជនរងគ្រោះទៅធ្វើបុណ្យតាមប្រពិណីផងដែរ។ សមត្ថកិច្ច បន្តថាចំពោះរថយន្ត បង្កខាងលើគឺមានភិនភាគខ្លះៗដែលប្រពលរដ្ឋបានឃើញហើយសមត្ថកិច្ចនិងធ្វើការស្រាវជ្រាវរក រថយន្តបង្កនេះមកទទួលខុសត្រូវមុខច្បាប់៕
