ភ្នំពេញ ៖ តាមប្រភពពត៌មានបានអោយដឹងថា លំនៅឋានប្រក់ស័ង្កសីមួយខ្នងដែលគេទុកចោលក្នុងដីឡូត៍មួយកន្លែងតាមផ្លូវលេខ៦០៨ សង្កាត់បឹងកក់១ ខណ្ឌទួលគោកត្រូវអគ្គីភ័យឆាបឆេះបង្កឱ្យមានការភ្ញាក់ផ្អើលកាលពីវេលាម៉ោង៨ព្រឹក ថ្ងៃទី២៧ មីនា ឆ្នាំ2015។តាមសម្តី
របស់ប្រជាពលរដ្ឋបានអោយដឹងថាគេឃើញមានសំបកកង់រថយន្តសម្ភារៈគ្រឿងសំណង់ចាស់ៗទុកចោលក្នុងដីឡូត៍នេះត្រូវអគ្គិភ័យឆេះកាលពីវេលាម៉ោង៧យប់ ម្សិលមិញម្តងហើយ ដោយសារអ្នករស់នៅក្បែរនោះដុតស្មៅរាលដាលឆេះ តែត្រូវសមត្ថកិច្ចមកពន្លត់ម្តងហើយដែរ លុះព្រឹកឡើងប្រហែលជានៅសល់កម្ទេចភ្លើងដែលមិនទាន់រលត់អស់ក៏បង្កជាអគ្គិភ័យឆេះជាលើកទី២ទៀតធ្វើឱ្យផ្អើលដល់កម្លាំងកងរាជអាវុធហត្ថ ប៉ូលិស និងអាជ្ញាធរយករថយន្តពន្លត់អគ្គីភ័យចេញមកអន្តរាគមន៍។អគ្គីភ័យនេះដែរមិនបណ្តាលអោយរាលដាលធ្ងន់ធ្ងរទេដោយសារមានរថយន្តពន្លត់អគ្គីភ័យខណ្ឌទួលគោកមួយគ្រឿងចេញមកអន្តរាគមន៍ទាន់ពេលវេលា។
