ខេត្តព្រះសីហនុ
ព្រឹកថ្ងៃទី២៧ ខែមិនា ឆ្នាំ២០១៥ ប្រជាពលរដ្ឋកោះរុង និងប្រជាពលរដ្ឋដែលបានទទួលផលពីការដឹកជញ្ជូនពីផែលេខ៥២ មានទីតាំងស្ថិតនៅក្រុម៣៤ ភូមិ៣ សង្កាត់លេខ១ ក្រុងព្រះសីហនុ បានមកប្រមូលផ្តុំគ្នាតវ៉ារកយុត្តិធម៌ ពីគម្រោងចាក់ដីអភិវឌ្ឍន៌របស់កំពង់ផែស្វយ័តក្រុងព្រះសីហនុ ដោយក្រុមហ៊ុនម៉ៅការ ដែលបានចាក់ដីបំផ្លាញផែចតទូកចេញចូលរបស់ពួកគាត់ទៅកាន់កោះរុង ។
យោងលិខិតលេខ១៥៥ លសកសសរប.ធម ចុះថ្ងៃទី១១ ខែមិនា ឆ្នាំ២០១៥ របស់កំពង់ផែស្វយ័តក្រុងព្រះសីហនុ សំណើសុំចាក់ដីថ្ម និងធ្វើរបងដើម្បីទប់ស្កាត់និងបញ្ឍប់ការធ្វើសំណង់ចូលក្នុងដីតំបន់អភិវឌ្ឍន៌របស់កំពង់ផែខាងជើង(ទំនប់រលក)ទំហំ៣០ម៉ែត្រគុណ២២៨ម៉ែត្រ ដែលបានផ្តល់សិទ្ធចាក់ដីទៅឪ្យលោក ឆេង ចេង អ្នកម៉ៅការ ។
ការចាក់ដីរបស់លោក ឆេង ចេង ផ្ទុយពីអ្វីដែលលិខិតរបស់អភិបាលខេត្តព្រះសីហនុ ដែលអនុញ្ញាតឪ្យចាក់ដីតំបន់អភិវឌ្ឍន៌របស់កំពង់ផែក្រុងព្រះសីហនុ ក៌ប៉ុន្តែលោក ឆេង ចេង បានចាក់អាចម៌ដីឈូសឆាយដីចូលសមុទ្រធ្វើឪ្យប៉ះពាល់ និងបំផ្លាញផែលេខ៥២ របស់លោកស្រី ស្រ៊ុន ស្រីអូន ដែលមានទីតាំងខាងលើបណ្តាលឪ្យបាក់ខ្ទេចអស់ ធ្វើឪ្យប្រជាពលរដ្ឋមានលំដ្ឋាននៅក្បែ ក៌ដូចប្រជាពលរដ្ឋកោះរុង មិនសប្បាយចិត្តនិងការចាក់ដី បំផ្លាញទ្រព្យសម្បត្តិអ្នកដទៃ និងសម្បត្តិសាធារណ ដោយគ្នានធ្វើការដោះស្រាយ និងជូនដំណឹងអ្វីទាំងអស់ ។ ប្រមុខរាជរដ្ឋាភិបាលកំពុងយកចិត្តទុកដាក់ដោះស្រាយនូវគោលនយោបាយឈ្នះឈ្នះ ក្នុងការដោះស្រាយទំនាស់ដីធ្លីជូនប្រជាពលរដ្ឋដើម្បីឪ្យប្រជាពលរដ្ឋរស់នៅដ្ឋានសមរម្យប្រកបដោយសេចក្តីសុខនៅទូទាំងប្រទេស ។
ប្រជាពលរដ្ឋបានរិះគន់អ្នកម៉ៅការចាក់ដីថា លោក ឆេង ចេង ទទួលបានសិទ្ធិដឹកដីចាក់ក្នុងតំបន់អភិវឌ្ឍន៌របស់កំពង់ផែ គាត់ចាក់ដីដើម្បីផលប្រយោជន៌គាត់តែប៉ុណ្ណោះ កាលណាគាត់ចាក់ដីចូលក្នុងសមុទ្របានច្រើនឡាន គាត់នឹងទទួលបានលុយស្នួលកាន់តែច្រើនដោយមិនគិតពីផលប៉ះពាល់ទៅលើលំនៅដ្ឋានប្រជាពលរដ្ឋ និងសុវត្ថិភាពសាធារណះនោះឡើយ ហើយការដឹកដីរបសើគាត់ ធ្វើឪ្យអាចម៌ដីធ្លាក់រាយប៉ាយពេញផ្លូវ ហុយបណ្តាលធ្វើឪ្យប៉ះពាល់ដល់សុខភាពប្រជាពលរដ្ឋ ក៌ដូចជាភ្ញៀវទេសចរណ៌ជាតិ និងអន្តរជាតិផងដែរ ។
លោកស្រី ស្រ៊ុន ស្រីអូន បានមានប្រសាសន៌ថា ផែរបស់លោកស្រីបានសាងសង់ដោយមានច្បាប់អនុញ្ញាតិពីអាជ្ញាធរភូមិ សង្កាត់ តាំងឆ្នាំ២០០៣រហូតមកដល់ឆ្នាម២០១៥នេះ ក៌ប៉ុន្តែការចាក់ដីតំបន់អភិវឌ្ឍន៌របស់កំពង់ផែ ធ្វើឪ្យប៉ះពាល់ដល់សម្បត្តិឯកជនអ្នកដទៃ ក៌ប៉ុន្តែលោកឆេង ចេងចាក់ដីបំផ្លាញផែរបស់គាត់ទៅវិញ មិនចាក់ដីចូលក្នុងសមុទ្រឪ្យត្រង់ទៅមិនមានផលប៉ះពាល់ដលទ្រព្យសម្បត្តអ្នកដទៃនោះទេ បែជាចាក់ដី និងយកគ្រឿងចក្រមករុញបំផ្លាញផែរបស់គាត់ទៅវិញ ។ លោកស្រីបានសំណូមពរដល់អាជ្ញាធរគ្រប់លំដាប់ថ្នាក់រកយុត្តិធម៌ ព្រោះលោកស្រីកំពុងរងនូវភាពយុត្តិធម៌ពីការចាក់ដីរបស់កំពង់ផែអន្តរជាតិក្រុងព្រះសីហនុ លោកស្រីមិនបានជំទាស់កាអភិវឌ្ឍន៌របស់កំពង់ផែនោះទេ គួរតែកំពង់ផែចាក់ដីរៀបថ្មតាមស្តង់ដារ ដើម្បីបញ្ចៀសផលប៉ះបាល់ដល់ផែរបស់លោកស្រី ដែលអ្នកម៉ៅការឆេង ចេង ធ្វើការចាក់ដីបំពានបំផ្លាញផែនេះទាំងស្រុងដែលផ្ទុយពីលិខិតអនុញ្ញាតិរបស់អាជ្ញាធរខេត្ត ធ្វើឪ្យប្រជាពលរដ្ឋអស់ជំនឿទៅលើការអភិវឌ្ឍនដោះស្រាយសំណងសមរម្យ ស្របតាមគោលនយោបាយឈ្នះឈ្នះរបស់រាជរដ្ឋាភិបាល៕