យុវជនម្នាក់បានស្លាប់នៅនឹងកន្លែងកើតហេតុ និងម្នាក់ទៀតរងរបួសធ្ងន់ធ្ងរ ត្រូវបានរថយន្តសាមុយ ដឹកយកទៅសង្គ្រោះនៅមន្ទីរពេទ្យភ្លាមៗ ខណះដែលពួកគេ បានជិះម៉ូតូឌ្រីមសេ១២៥មួយគ្រឿង ឌុបគ្នាក្នុងល្បឿនយ៉ាងលឿន ចាប់ហ្វ្រាំងមិនទាន់ ក៏ជ្រុលទៅបុករថយន្តក្រឡុកស៊ីម៉ង់ត៍ ដែលកំពុងបត់ចូលទៅក្នុងរោងចក្រពេញទំហឹង ។ ហេតុការណ៍នេះ បានកើតឡើងកាលពីវេលាម៉ោង១០នឹង៤៥នាទីយប់ ថ្ងៃទី២៧ ខែមិនា ឆ្នាំ២០១៥ មុខនឹងរោងចក្រស៊ីម៉ងត៍ SCG Tranding តាមបណ្តោយផ្លូវជាតិលេខ២ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
ប្រភពពត៌មានពីសាក្សី ដែលបានឃើញហេតុការណ៍ខាងលើនេះ បានឱ្យដឹងថា នៅមុនពេល
កើតហេតុ គេបានឃើញរថយន្តក្រឡុកស៊ីម៉ងត៍ ដែលត្រូវបានគេស្គាល់ថា ជារបស់ក្រុមហ៊ុន SCG Tranding បើកបរក្នុងទិសដៅពីជើងទៅត្បូង ខណះមកដល់ចំណុចកើតហេតុ ដែលជាក្រុមហ៊ុនរបស់ខ្លួន ក៏បានបត់ចូលក្នុងក្រុមហ៊ុន ប៉ុន្តែនៅពេលបត់ចូលមិនទាន់នឹងផុតផងនោះ ស្រាប់តែមានយុវជន២នាក់ ជិះម៉ូតូឌ្រីមសេ១២៥ សេរី២០០៧ពណ៍ ខ្មៅមួយគ្រឿង ពាក់ស្លាកលេខកណ្តាល 1I-8387 ជិះឌុបគ្នាក្នុងល្បឿនយ៉ាងលឿន ក៏ជ្រុលទៅបុករថយន្ត ចំពីមុខ
ពេញទំហឹង បណ្តាលឱ្យយុវជនម្នាក់ ដែលជាអ្នកឌុបបោកផ្ទប់ជាមួយនឹងរថយន្ត បាក់កស្លាប់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសធ្ងន់ធ្ងរ ត្រូវបានរថយន្តសាមុយ ដឹកយកទៅសង្គ្រោះនៅមន្ទីរពេទ្យ ចំណែកម៉ូតូរងការខូចខាតយ៉ាងដំណំ បន្ទាប់ពីឃើញបែបនេះ តែកុងរថយន្ត បានបើករថយន្តចូលទៅក្នុងរោងចក្រ ហើយគេចខ្លួនបាត់តែម្តង ។
សមត្ថកិច្ចបានឱ្យដឹងថា ជនរងគ្រោះដែលបានបាត់បង់ជីវិត មានឈ្មោះ ម៉ៅ សេង អាយុជាង២០ឆ្នាំ មានស្រុកកំណើត នៅឃុំព្រៃស្លែង ស្រុកកណ្តាលស្ទឹង ខេត្តកណ្តាល និងម្នាក់ទៀតរងរបួសធ្ងន់ ឈ្មោះ ហ៊ុន សុខគង់ អាយុជាង២០ និងមានស្រុកកំណើត ជាមយយជនរងគ្រោះ ។
សមត្ថកិច្ចបន្តថា ក្រោយកើតហេតុ សមត្ថកិច្ចមូលដ្ឋាន បានសហការជាមួយជំនាញ ធ្វើការវាង់វែងយកម៉ូតូ និងរថយន្តទៅរក្សាទុក នៅការិយាល័យចរាចរណ៍ជើងគោក រាជធានីភ្នំពេញ ចំណែកសពជនរងគ្រោះ យកទៅកម្កល់ទុលនៅវត្តចាក់អង្រែលើ រង់ចាំទំនាក់ទំនងទៅសាច់ញាតិ ឱ្យមកទទួលយកទៅធ្វើបុណ្យតាមប្រពៃណី ៕
