ស្នូផ្ទុះកាំភ្លើងមួយគ្រាប់ បង្កឲ្យមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ច ខណៈមនុស្ស២ក្រុម ទាស់ពាក្យសំដីគ្នា ហើយបានដេញវាយគ្នាតាមដងផ្លូវ ត្រូវកម្លាំងកងរាជអាវុធហត្ថម្នាក់ ដែលគេស្គាល់ថា ជាគ្នាគ្នាភាគីម្ចាងបានដក់កាំភ្លើងបាញ់មួយគ្រាប់ កាលពីវេលាម៉ោង២និង១០នាទីយប់ ថ្ងៃទី២៩ ខែមិនា ឆ្នាំ២០១៥ នៅចំណុចភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
យោងតាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញយុវជន២ក្រុម ម្ខាងមានគ្នា៦ទៅ៧នាក់ បានដេញកាប់ចាក់គ្នាតាមផ្លូវយ៉ាងអាណាធិបតេយ្យ បង្កឲ្យ
មានការភ្ញាក់ផ្អើល ដល់ប្រជាពលរដ្ឋមានការភ័យខ្លាចយ៉ាងខ្លាំង និងបណ្តាលឲ្យបុរសម្នាក់ របួសដៃម្ខាង បន្ទាប់មកក៏មានកម្លាំងកងរាជអាវុធហត្ថម្នាក់ ដែលគេស្គាល់ ឈ្មោះ មាស ជូណារា និងជាថៅកែរបស់ភាគីម្ខាង បានចេញពីក្នុងផ្ទះ ដកកាំភ្លើងពីចង្កេះបាញ់ទៅលើងភាគីម្ខាងទៀត ចំនួន១គ្រាប់ បង្កឲ្យមានការភ្ញាក់ផ្អើល ដល់សមត្ថកិច្ចចុះអន្តរាគមន៍ទាំងយប់ ។
តាមសំដីជនរងគ្រោះ ដែលគេកាប់ត្រូវដៃម្ខាងឈ្មោះ ម៉ៅ ថាន ភេទប្រុស អាយុ៣៥ឆ្នាំ បានរៀបរាប់ថាមុនពេលកើតហេតុ រួបគេនិងគ្នីគ្នា បាននាំគ្នាអង្គុយនៅក្នុងផ្ទះ បន្ទាប់មកស្រាប់តែមានក្រុមយុវជនមួយក្រុម មានគ្នា៦ទៅ៧នាក់ បានចូលទៅក្នុងផ្ទះរបស់គេ ហើយបាននិយាយទាស់សំដីគ្នា ទើបឈានទៅដល់ការដេញកាប់គ្នាប្រដាប់ដោយដំបង និងដុំថ្ម ដេញ
វាយគ្នាតាមផងផ្លូវ រហូតដល់មុខក្រុមហ៊ុនផលលិតទឹកសុទ្ធ ទើបមានបុរសម្នាក់ជាកម្លាំងកង់រាជអាវុធហត្ថបានចេញពីក្នុងផ្ទះ ហើយដក់កាំភ្លើងបាញ់ទៅលើភាគីខាងឈ្មោះ ម៉ៅ ថោន ចំនួន១គ្រាប់ តែសំណាងល្អមិនត្រូវ ។
ក្រោយពេលកើតហេតុ សមត្ថកិច្ចបានចុះមកដល់ចំណុចកើតហតុ តែបានត្រឹមតែមកសួនាំតែប៉ុណ្ណោះដោយមិនធ្វើការឃាត់ភាគីនណាម្នាក់នោះទេ ៕
