កំពង់ឆ្នាំង៖កាណូតឆៃរា៤គ្រឿងដោយបំពាក់ម៉ាស៊ីនខ្យល់និងជនជាតិវៀតណាមចំនួន១៣នាក់
ជាម្ចាស់កាណូត និងកម្មករ កំពុងហ៊ុំសម្រាស់ខុសច្បាប់ ត្រូវបានប្រជាពលរដ្ឋភូមិកោះតាម៉ូវ និងអ្នកកាសែតមួយក្រុមរាយការណ៍អោយសមត្ថកិច្ចបង្ក្រាប។ករណីបង្ក្រាបបទស្មើសហ៊ុំសម្រា ស់ខាងលើនេះបានធ្វើឡើងនៅម៉ោង១០និង៣០នាទីព្រឹក ថ្ងៃទី២៩ ខែមិនា ឆ្នាំ២០១៥ នៅចំណុ ចអន្លង់ជ្រៃ ភូមិកោះតាម៉ូវ ឃុំកំពង់ព្រះគគីរ ស្រុកបិបូរណ៌។
ជនល្មើសជនជាតិវៀតណាមជាម្ចាស់កាណូតឆៃរាទាំង៤គ្រឿងខាងលើបាននិយាយអោយដឹងថា៖ពួកគេ ១ឈ្មោះ យាំង ចេវ អាយុ៣៩ឆ្នាំ , ២ឈ្មោះ ចាំង យាំងមិន អាយុ៣៩ឆ្នាំ , ៣ឈ្មោះ ចាំង យាំងលុង អាយុ៣០ឆ្នាំ , ៤ឈ្មោះ ចាំង រឿង អាយុ២៤ឆ្នាំ ពួកគេរស់នៅក្នុងភូមិកណ្តាលសង្កាត់ផ្សារឆ្នាំង ក្រុងកំពង់ឆ្នាំង ដោយឡែកជនជាតិវៀតណាមប្រុសស្រី ៩នាក់ទៀត
គឺជាកម្មកររបស់ពួកគេ។ពួកជនល្មើសទាំង៤នាក់ខាងលើនេះបានបញ្ជាក់អោយដឹងថា៖ពួកគេហ៊ានរកដូច្នេះដោយសារមានមន្ត្រីយោធាភូមិភាគពិសេសម្នាក់ ជាអ្នករត់ការបង់លុយអោយមន្ត្រីជំនាញរួចហើយទើបគេអនុញ្ញាតអោយរកដូច្នេះ។
លោកផាត និងលោកចំរើន ជាប្រជាពលរដ្ឋភូមិកោះតាម៉ូវ ដែលបានសហការនាំអ្នកកា សែតយើងទៅថតយករូបភាពនៃបទល្មើសខាងលើនេះបានអោយដឹងថា សម្រាស់ដែលពួក
ជនល្មើសហ៊ុំចាប់ត្រីនៅចំណុចខាងលើនេះ គឺជាសម្រាស់របស់លោកប្រធានសហគមនេសាទ
ឃុំកំពង់ព្រះគគីរទំនងជាគេលក់អោយជនជាតិវៀតណាមនេះ ទើបគេហ៊ានហ៊ុំចាប់ត្រីដូច្នេះ។
ក្រោយពីក្រុមអ្នកយកព័ត៌មានយើងនិងប្រជាពលរដ្ឋបានរាយការណ៍ពីបទល្មើសនេះជូន
លោក ឯក ស៊ុនរស្មី ព្រះរាជអាជ្ញារងសាលាដំបូងខេត្ត និងលោក សោម ភិរុណ នាយខណ្ឌ័រដ្ឋបាលជលផលខេត្តរួចមក យើងឃើញលោក ផាន់ សុភឿន ជាមន្ត្រីយោធា និងលោក ទៀង សារុន ជាមន្ត្រីនគរបាលឈរជើងការពារឡូត៍អភិរក្សឃុំកំពង់ព្រះគគីរ បានមកចាប់យកជន
ល្មើសនិងវត្ថុតាងទៅកាន់ទីស្នាក់ការរបស់ខ្លួន ដើម្បីប្រគល់អោយសមត្ថកិច្ចជំនាញកសាង
សំណុំរឿងតាមផ្លូវច្បាប់។
ករណីនេះប្រជាពលរដ្ឋរស់នៅក្នុងភូមិកោះតាម៉ូវបានអោយដឹងទៀតថា៖កន្លងមកមន្ត្រីជំនាញដែលនៅឈរជើងក្នុងឃុំកំពង់ព្រះគគីរ ធ្លាប់ចាប់បានតែប្រជាពលរដ្ឋហ៊ុំកំប៉ោងតូចតាច
នៅតាមមាត់ជើងកំពង់ក្បែរៗផ្ទះប៉ុណ្ណោះ ប៉ុន្តែសម្រាស់ខាងលើនេះក៏គេបានឃើញនិងដឹងដែរតែគេមិនបានចាប់នោះទេ តែដល់ពេលអ្នកកាសែតនិងប្រជាពលរដ្ឋតាមទាន់រាយការណ៍ទៅលោកនាយខណ្ឌ័និងលោកព្រះរាជអាជ្ញាខេត្តទើបភ្ញាក់ផ្អើលមកទទួលយកជនល្មើស។
ករ
ណីនេះពេលលោកព្រះរាជអាជ្ញាសួរទៅមន្ត្រីជំនាញ លោក លី ឡា នាយរងខណ្ឌ័បានអោយដឹងថា ជនល្មើសខាងលើនេះជំនាញលោក និងកសាងសំណុំរឿងផាកពិន័យតាមច្បាប់ស្តីពីជលផលមិនអោយពួកគេរួចខ្លួនឡើយ៕
