ប្រជាពលរដ្ឋដែលដែលធ្វើដំណើរ និងជាអ្នករស់នៅក្បែរស្ថានីស្ថានីយ លក់ប្រេងសាំងមួយកន្លែង នៅខាងមុខមន្ទីរកសិកម្ម ខេត្តកំពង់ឆ្នាំង បានធ្វើការិះគន់ ចំពោះម្ចាស់ស្ថានីយមួយនេះ ដែលបានបង្ហូរទឹកស្អុយចេញពីបង្គន់ មកលើផ្លូវសាធារណៈ ធ្វើអោយប៉ះពាល់បរិស្ថាន ប៉ះ
ពាល់ដល់វិស័យទេសចរណ៍ ក្នុងខេត្តកំពង់ឆ្នាំង ។
ប្រជាពលរដ្ឋបានលើកឡើងថា ម្ចាស់ទីតាំងស្ថានីយប្រេងមួយនេះ ពុំដែលបានបានគិតពីផលប្រយោជន៍សាធារណៈនោះទេ គឺធ្វើយ៉ាងណា អោយតែស្អាតកន្លែងរបស់ខ្លួនតែប៉ុណ្ណោះ ចំពោះបរិស្ថានសាធារណៈពុំខ្វល់ ទើបបានជាបង្ហូរទឹកស្អុយ មកលើផ្លូវសាធារណៈបែបនេះ ។ ករណីនេះ គឺមានមានជាច្រើនឆ្នាំមកហើយ តាំងពីផ្លូវចាស់ រហូតមកដល់ផ្លូវថ្មី ប៉ុន្តែគេពុំដែលឃើញមន្ត្រីជំនាញ ឬអាជ្ញាធរក្រុង ខេត្តអើពើពីបញ្ហានេះទេ ទុកអោយម្ចាស់ស្ថានីយប្រេងមួយនេះ ធ្វើអីស្រេចតែចិត្ត ចង់ក្លិនស្អុយនេះ ប៉ះពាល់ដល់ប្រជាពលរដ្ឋ ឬអ្នកធ្វើដំណើរ និងភ្ញៀវទេចរយ៉ាងណា ក៏មន្ត្រីទាំងនេះមិនខ្វល់ដែរ ។
ប្រជាពលរដ្ឋរិះគន់ចំៗថា ផ្ការរំដួល២ទង ដែលជាជ័យលាភី សម្រាប់ក្រុងកំពង់ឆ្នាំង នៃទីក្រុងស្អាតនោះ ត្រូវបានម្ចាស់ស្ថានីយមួយនេះ មើលមិនឃើញនោះទេ ហើយបានកំពុងតែទាញអោយក្រុងមួយនេះនឹងធ្លាក់ពីជ័យលាភី នាឆ្នាំខាងមុខជាមិនខាន ប្រសិនបើឯ,ឧអភិបាលខេត្ត មើលរំលងពីបញ្ហាទាំងនេះ។
ប្រជាពលរដ្ឋ បានសំណូមពរឲ្យឯ,ឧ ឈួរ ច័ន្ទឌឿន អភិបាលខេត្តកំពង់ឆ្នាំង មេត្តាជួយសំអាតទីក្រុងទាំងអស់គ្នា ដោយគ្រាន់តែដាក់វិធានការ ដល់ម្ចាស់ស្ថានីយប្រេង ងមួយនេះ ធ្វើការកែលម្អប្រព័ន្ធលូទឹកសំអុយរបស់ខ្លួន ដែលកំពុងបង្ហូរចេញពីបង្គន់ ឲ្យមានប្រសទិ្ធភាពផង ៕
