ខេត្តកំពង់ធំ៖ រូបភាព វីដេអូ ក្នុងឳកាសពិធីបុណ្យចូលឆ្នាំប្រពៃណីខ្មែរ នៅក្នុងតំបន់ប្រតិបត្តិការសឹករងកំពង់ធំ បានប្រជុំដាក់ការពារសន្តិសុខ សុវត្តិភាព ជូនប្រជាពលរដ្ឋ ឲ្យទទួលបាននូវសេរីសួរស្តីឆ្នាំថ្មីប្រពៃណីខ្មែរ នៅក្នុងតំបន់ សឹករងកំពង់ធំ ក៏បាននិមន្តព្រះសង្ឃប្រារព្វពិធីសូត្រមន្ត ប្រស់ព្រហ្ម ដើម្បីសុំសេរីសួរស្តីទទួលពរជ័យ សុំសេចក្តីសុខ សេចក្តីចំរើន មានដល់អង្គភាពសឹករង និងនាយទាហាន ពលទាហាន ក្រោមអធិបតីភាព ឯក ឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងថ្នាក់ដឹកនាំ និងយោធិន លោកតា លោកយាយ ចូលរួមយ៉ាងអធឹកអធ័ម ។
បន្ទាប់ពីព្រះសង្ឃសូត្រមន្តប្រស់ព្រហ្ម ឯកឧត្តម សោម ស៊ុន បានដាក់បាត និងប្រវេនបច្ច័យ ព្រមទាំងទ័យទានដល់ព្រះសង្ឃរួចមក ក៏មានការលេងល្បែងប្រជាប្រិយ តាមទំនាមទំលាប់ប្រពៃណីខ្មែរ ដើម្បីថែរក្សាប្រពៃណីវប្បធម៌របស់ជាតិ និងបានឲ្យពលទាហាន ក៏ដូចជាថ្នាក់ដឹកនាំបានចូលរួមលេងល្បែងកំសាន្ត ក្នុងនោះមាន ល្បែងលោតប៉ាវ ៣ឈុត ក្នុងមាន៣គូរ ល្បែងវាយក្អម៥គូរ ព្រមទាំងល្បែងសាកល្បងកំលាំង រុញអង្រែ អ្នកទទួលបានជ័យជំនះ គឺបានទទួលប្រាក់រង្វាន់ក្នុងម្នាក់២៥០០០រៀល សម្រាប់អ្នកមិនបានជាប់ លំដាប់ថ្នាក់ បានទទួល ១៥០០០រៀល ។
ឯកឧត្តម សោម ស៊ុន បានបញ្ជាក់ថា ទោះជាថវិកាមានតិចតួចក្តី វាគឺជាល្បែងប្រជាប្រិយ មិនមែនយកចាញ់ យកឈ្នះនោះទេ តែវាជាការជម្រុញឲ្យបងប្អូនក្នុងតំបន់សឹក ក៏ដូចជាប្រជាពលរដ្ឋ បានឃើញនូវល្បែង ទំនាមទំលាប់ប្រពៃណីខ្មែរ ដែលបុព្វបុរសខ្មែរបានផ្តួចផ្តើមតាំងពីដូចតា សម្រាប់ឲ្យកូនចៅជំនាន់ក្រោយ ជួយគ្នាថែរក្សា មិនតែប៉ុណ្ណោះមានល្បែងកំសាន្តជាច្រើនទៀត ដែលរាជរដ្ឋភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជណាចក្រកម្ពុជា បានគាំទ្រឲ្យបំផុសឡើងវិញ ដើម្បីកុំឲ្យមានការបាត់បង់ ជាពិសេសក្នុងឳកាសបុណ្យចូលឆ្នាំប្រពៃណីខ្មែរ ។
ជាចុងក្រោយឯកឧត្តម សំណូមពរឲ្យយោធិន ទាំងអស់ចូលរួមថែររក្សាសណ្តាប់ធ្នាប់ និងសេចក្តីថ្លៃថ្នូររបស់ កម្លាំង ក្នុងពេលចូលឆ្នាំឲ្យមានការប្រុងប្រយ័ត្ន ក្នុងការបើកបរដោយភាពស្រវឹង ជាហេតុបណ្តាលឲ្យមាន គ្រោះថ្នាក់បាន ព្រមទាំងការពារការដុតភ្លើងធូប ភ្លើងចង្ក្រាន ឬគ្រឿងអគ្គិសនីយអាចបណ្តាលឲ្យ មានអគ្គីភ័យបាន។