បន្ទាយមានជ័យ ៖ ដើម្បីចូលរួមកាត់បន្ថយគ្រោះថ្នាក់ចរាចរណ៍លើដងផ្លូវសាធារណៈនោះនគបាលចរាចរណ៍បានធ្វើការសំរួលចរាចរណ៍នៅតាមដងផ្លូវសាធារណនិងនៅតាមសាលារៀននៅក្នុងក្រុងសិរីសោភ័ណដល់ប្រជាពលរដ្ឋនិងសិស្សជាដើម។ លោកឧត្ដមសេនីយ៍ ត្រីអាត់ខែម ស្នងការនគបាលខេត្តបន្ទាយមានជ័យថ្មីៗនេះបានដាក់ផែនការឱ្យកម្លាំងនគរបាលតាមគោលដៅ ចុះជួយសម្រួលចរាចរណ៍ដល់សិស្សសាលានៅពេលចេញពីសាលារៀនទៅផ្ទះម្ដងៗ ។ជាក់ស្ដែងនៅព្រឹកថ្ងៃទី១២ ខែឧសភា ឆ្នាំ២០១៥នេះកម្លាំងនគរបាលបានជួយសម្រួលចរាចរណ៍និងនាំផ្លូវឱ្យសិស្សអនុវិទ្យាល័យទឹកថ្លា សង្កាត់ទឹកថ្លា ឆ្លងផ្លូវក៏ដូចជាក្មេងសិស្សសាលាតូចៗរៀន នៅអនុវិទ្យាល័យអូរអំបិល សង្កាត់អូរអំបិល ផងដែរ។ជាមួយគ្នានេះ សម្រាប់អ្នកធ្វើដំណើរតាមរថយន្ដនិងតាមម៉ូតូ ក៏បានបន្ថយល្បឿនឬឈប់នៅពេលឃើញក្មេងៗសិស្សសាលាទាំងនេះ កំពុងធ្វើដំណើរចេញទៅផ្ទះ។សម្រាប់យុទ្ធនាការនេះ នឹងធ្វើឡើងជា ប្រចាំ នៅតាមគោលដៅដែលមានសាលារៀន និងផ្លូវសាធារណះចៀសវាងមានគ្រោះថ្នាក់កើតឡើង ដោយយថាហេតុដល់សិស្សសាលា។អាណាព្យាបាលសិស្សបានឃើញទង្វើដ៏ល្អរបស់នគបាលខេត្តគាត់មានសេចក្តីត្រេកអរជាពន់ពេកគាត់បាននិយាយថានេះបានចំជា នគបាលជួយសុកទុក្ខ សាស្ត្រពិតប្រាកដមែន៕