ខេត្តបន្ទាយមានជ័យ៖ នាព្រឹកថ្ងៃទី១២ ខែឧសភា ឆ្នាំ២០១៥ កាកបាទក្រហមកម្ពុជា ខេត្តបន្ទាយមានជ័យបាននាំយកអំណោយទៅចែកជូនប្រជាពលរដ្ឋចំនួន៣៩គ្រួសាររងគ្រោះដោយខ្យលកន្ត្រាក់បំផ្លាញផ្ទះសំបែងរបស់ពួករយះកន្លងមក។ពិធីចែកអំណោយដល់ប្រជា
ពលរដ្ឋរងគ្រោះនោះមានការចូលរួមដោយលោកស្រី ឆាន់ ចន្ទសោភា ហេរញ្ញិកសាខាកាកក្របាទក្រហមខេត្តបន្ទាយមានជ័យ លោកអ៊ុយ ច័ន្ទរិទ្ធ ប្រធានយុវជនគណបក្សប្រជាជនកម្ពុជា អស់លោកសមាជិក សមាជិកា កាកបាទក្រហមជាច្រើននាក់ផងដែរ នៅក្នុងបរិវេណវត្តសុរិយារាម ស្ថិតនៅភូមិសុរិយា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។លោកស្រីឆាន់ច័ន្ទសោភាបានធ្វើការសំណេះសំណាល ជាមួយប្រជាពលរដ្ឋរងគ្រោះដោយគ្រោះធម្មជាតិថាដោយមានការយកចិត្តទុកដាក់ខ្ពស់ ពីសំណាក់សម្តេចតេជោនិងជាពិសេសនោះគឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនប្រធានកាកបាទក្រហមកម្ពុជាទីណាមានការលំបាកគឺទីនោះមានវត្តមានកាកបាទក្រហមកម្ពុជាមកដល់។លោកស្រីបានបន្តថាកន្លងទៅថ្មីៗនេះមានគ្រោះធម្មជាតិខ្យល់កន្ត្រាក់បានបំផ្លាញទ្រព្យសម្បតិ្ត ផ្ទះសម្បែងពួកគាត់ហើយខាងសមិត្តកិច្ចចំរុះបានដឹកនាំកម្លាំងចុះរុះរើ សាងសង់ និងចែកស័ង្កសីតាមផ្ទះនានា ដែល
ខូចខាតផងដែរ។លោកស្រី ឆាន់ ចន្ទសោភាលោកស្រី បានថ្លែងអំណរគុណដល់សាលាក្រុងប៉ោយប៉ែត កងកម្លាំងប្រដាប់អាវុធជាច្រើនរូប បានចុះជួយសង្គ្រោះពលរដ្ឋ ជាពិសេសនោះ ថ្លែងអំណរអគុណយ៉ាង ជ្រាលជ្រៅចំពោះកាកបាទក្រហមកម្ពុជាជាពិសេសសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា ដែលបានផ្តល់អំណោយសង្គ្រោះ ជួយដល់ប្រជាពលរដ្ឋ ដែលកំពុងជួបការលំបាកគ្រោះធម្មជាតិ ខ្យល់កន្ត្រាក់ក្នុងខេត្តបន្ទាយមានជ័យ កន្លងមកនេះ។។អំណោយដែលចែកជូនដល់គ្រួសារដែលរងគ្រោះដោយខ្យល់កន្ត្រាក់នៅភូមិសូរិយារយះពេលកន្លងមកដែលមាន៣៩គ្រួសារនោះក្នុងមួយគ្រួសារ ទទួលបាន អង្ករ ២៥គីឡូក្រាម សាប៊ូ ១បន្ទះ ត្រីខ ១០កំប៉ុង ប្លាស្ទិក ១ផ្ទាំងធំ មី ១កេស មុង១ ភួយ១ សារុង១ ក្រមា១ និងថវិកា ៥ម៉ឺនរៀលផងដែរ៕
