សៀមរាបៈ ហេតុការគ្រោះថ្នាក់ចរាចរណ៍ ដ៏រន្ធត់មួយបានកើតឡើង តាមបណ្តោយផ្លូវជាតិលេខ ៦ ពីខេត្តកំពង់ធំទៅខេត្តសៀមរាប បណ្តាលឲ្យបុរស២នាក់ត្រូវរថយន្តបុកដាច់ដៃដាច់ជើង ស្លាប់យ៉ាងអាណោជអាធម្ម ខណៈពេលដែល កំពុងបើកក្នុងទិសដៅបញ្ជ្រាសទិសគ្នា នៅត្រង់ចំនុចភូមិស្វាយជ័យ ឃុំ ត្រពាំងធំ ស្រុកប្រាសាទបាគង ខេត្តសៀមរាប ។ តាមការឲ្យដឹងពីប្រជាពលរដ្ឋ ដែលមានលំនៅដ្ឋានក្បែរកន្លែងកើតហេតុ បានឲ្យដឹងថា នៅវេលាម៉ោង ម៉ោង១២ យប់ ឈានចូលថ្ងៃទី ១២ ខែ ឧសភា ឆ្នាំ ២០១៥ បានលឺសូរ សំលេងដូចគេហែកមេឃ បណ្តាលឲ្យពួកគាត់ភ័យស្លន់ ស្លោរ ទើបចេញមកមើល ទើបដឹងថា ជាករណីគ្រោះថ្នាក់ចរាចរណ៍ ដោយរថយន្ត កាម៉ារីបាឡែន ពណ៌ទឹកប្រាក់ ពាក់ ស្លាកលេខ ភ្នំពេញ 2R- 9770 បានបើកបុកយ៉ាងពេញទំហឹង ទៅលើម៉ូតូ មិនស្គាល់ម៉ាក បណ្តាលឲ្យបុរសពីនាក់ បានស្លាប់ដាច់ដៃដាច់ជើង នៅនឹងកន្លែង ចំណែករថយន្តកាម៉ារីបាឡែន បានជ្រុលទៅបុកនិងបង្គោលភ្លើង បាក់ដេកដល់ដីមួយដើម នឹងមានអ្នករបួសធ្ងន់២នាក់ ស្រាលម្នាក់ ត្រូវបានដឹកបញ្ជូនទៅសង្គ្រោះបន្ទាន់នៅមន្ទីរពេទ្យក្នុងខេត្តសៀមរាប ។
ក្រោយពេលកើតហេតុសមត្ថកិច្ចនគរបាល ចរាចរណ៍ នៃអធិការស្រុកប្រាសាទបាគង បានដឹកនាំមន្ត្រីចុះទៅពិនិត្យស្ថានភាពទៅកណ្តាលយប់ ដើម្បីជួយអន្តរាគមន៍ សង្គ្រោះដល់អ្នកជំងឺ និងធ្វើការវាសវែង តាមការឲ្យដឹងពីសមត្ថកិច្ច បានឲ្យដឹងចរាចរណ៍ បានឲ្យដឹងថា បុរស២នាក់ដែលបានស្លាប់នៅកន្លែងកើតហេតុនេះ មានទីលំនៅភូមិ បឹងមាលា ស្រុកស្វាយលើ ខេត្តសៀមរាប បានបើកម៉ូតូអត់សេរី កញ្ជាស់អត់ភ្លើង ពីលិចទៅទិសខាងកើត ស្របពេលដែល រថយន្តកាម៉ារីបាឡែន បើកវ៉ារថយន្តសណ្តោង ក៏បានបុកយ៉ាងពេញទំហឹងតែម្តង ។
ក្នុងនោះដែរ សមត្ថកិច្ចប៉ូលិសចរាចរណ៍ បានសំណូមពរ ម្តងហើយម្តងទៀត ដល់ប្រជាពលរដ្ឋ ទាំងអ្នកបើកប កង់ ម៉ូតូ និងយានយន្តកែច្នៃ រហូតដល់រថយន្ត មេត្តាបំពាក់ភ្លើង បំពាក់ឧបករណ៍ ចំណាំងផ្លាត ឲ្យបានត្រឹមត្រូវ ដើម្បីរួមគ្នា បញ្ជ្រៀស និងកាត់បន្ថយការគ្រោះថ្នាក់ចរាចរណ៍ និងដើម្បីការពារអាយុជីវិតរបស់ខ្លួន ។
ដោយ ប៊ុន រដ្ឋា