ភ្នំពេញ៖ កម្មករអូសបន្លែចំនួន៥នាក់ បានរងរបួសបែកក្បាល ដោយសារតែមានការផ្ទុះហឹង្សា សន្តិសុខផ្សារនាគមាស មានគ្នាជាង១០នាក់បានមកវាយ កាលពីវេលាម៉ោង២១និង៣០នាទីយប់ ថ្ងៃទី១២ ខែឧសភា ឆ្នាំ២០១៥ ស្ថិតក្នុងសង្កាត់ផ្សារដើមគរ ខណ្ឌទួលគោក ដោយសារតែរឿងក្រុមកម្មករសំណង់ ដេកនៅចញ្ចើមផ្ទះ និងក្រោម ឆាត់ ។
ជនរងគ្រោះទី១ឈ្មោះ ដូង ពិសី អាយុ២៤ឆ្នាំ ទី២ឈ្មោះ ឯម សង្ហា អាយុ២៧ឆ្នាំ ទី៣ឈ្មោះ ហឹម បូ អាយុ២៦ ទី៤ឈ្មោះ ពយ ណាក់ អាយុ៣៥ឆ្នាំ ទី៥ឈ្មោះ ឯម ថា អាយុ២៥ឆ្នាំ នាក់ទាំង៥នាក់ ជាកម្មករអូសបន្លែនៅក្នុងផ្សារនាគមាស និងផ្សារដើមគរ ។
តាមការរៀបរាប់ពីជនរងគ្រោះ បានឲ្យដឹងថា មុនពេលកើតហេតុ ពួកគេបាននាំគ្នាដេកនៅតាមក្រោមឆាត់ដែលគេដាក់លក់បន្លែជារៀងរាល់ថ្ងៃ បន្ទាប់មកក្រុមសន្តិសុខ បាននាំគ្នាមកដេញមិនឲ្យពួកគេដេក នៅកន្លែងនោះទេ បន្ទាប់មកសន្តិសុខម្នាក់ បានស្ទុះមកវាយឈ្មោះ ឯម សង្ហា មួយដៃ ទើបក្រុមកម្មករ៤នាក់ទៀតមកឃាត់ ក៏ត្រូវក្រុមបង្កមានគ្នាជាង១០នាក់ ប្រដាប់ដោយដំបងនិងដែកទីព មកព្រួតវាយបណ្តាលឲ្យកម្មករអូសបន្លែ រងរបួស ខ្លះរបួសបែកក្បាល នាក់ខ្លះរបួសដៃ ។
ក្រោយពេលកើតហេតុ ជនបង្កបានគេចខ្លួនបាត់ ចំណែកជនរងគ្រោះ បាននាំគ្នាទៅដាក់ពាក្យបណ្តឹង នៅប៉ុស្តិនគរបាលរដ្ឋបាលផ្សារដើមគ ដើម្បីទាមទាយុទ្ធតិធម៏ ៕
