កំពង់ឆ្នាំង៖អេស្កាវ៉ាត់ទ័រមួយគ្រឿងដែលសមត្ថកិច្ចឃាត់ទុកនៅថ្ងៃទី០៨ ខែឧសភា ឆ្នាំ២០១៥ ក្រោយពីបានឈូសលើកព្រុំដីស្រែទំនាស់ ត្រូវបានលោកព្រៈរាជអាជ្ញាសាលាដំបូងខេត្តដោះលែងទៅវិញនៅថ្ងៃទី១១ ខែឧសភា ឆ្នាំ២០១៥ បន្ទាប់ពីភាគីលោក ថៃ ហ៊ី មេភូមិតាជេស សុខចិត្តលប់ទំនប់ព្រុំដីស្រែដែលគាត់ឈូសដូចដើមវិញ ហើយស្រុះស្រួលគ្នាជាមួយដើមបណ្តឹងលោក នុត សាមឿន អតីតៈមេភូមិទឹកល្អក់ យកឯកសារពាក់ពន្ធ័ដីស្រែទំនាស់ទៅដាក់ជូនលោកអភិបាលស្រុកកំពង់ត្រឡាចដោះស្រាយ។
លោក ថៃ ហ៊ី បាននិយាយអោយដឹងនៅព្រឹកថ្ងៃទី១៣ ខែឧសភា ឆ្នាំ២០១៥នេះថា៖នៅព្រឹកថ្ងៃទី១១ ខែឧសភា ឆ្នាំ២០១៥ រូបលោកជាចុងចោទ និងលោក នុត សាមឿន ជាដើមចោទបានយកឯកសារដីស្រែទំនាស់រៀងៗខ្លួនទៅបង្ហាញលោក យូ ទិត្យវឌ្ឍនៈ ព្រៈរាជអាជ្ញាសាលាដំបូងខេត្ត នៅពេលនោះលោកព្រៈរាជអាជ្ញាបានសម្រលសម្រួលថា ដីស្រែទំនាស់របស់ពួកលោកទាំង២សុទ្ធតែគ្មានបណ្ណ័កម្មសិទ្ធដូចគ្នា។ដូច្នេះបើស្រុះស្រួលគ្នា លោក ថៃ ហ៊ី ត្រូវលប់ទំនប់ដីព្រុំដីស្រែដែលលោកបានឈូសលើកឡើងនោះអោយបានដូចដើមវិញ ទើបលោកព្រៈរាជអាជ្ញាប្រគល់គ្រឿងចក្រអេស្កាវ៉ាត់ទ័រអោយទៅរកស៊ីវិញ និងត្រូវនាំគ្នាប្រមូលឯកសារពាក់ពន្ធ័ដីស្រែទំនាស់ ដាក់ជូនលោកអភិបាលស្រុកកំពង់ត្រឡាចដោះស្រាយ។
លោក ថៃ ហ៊ី បានអោយដឹងទៀតថា៖បន្ទាប់ពីមានការសម្របសម្រួលរបស់លោកព្រៈរាជអាជ្ញារួចមក នៅរសៀលថ្ងៃទី១១ ខែឧសភា លោកក៏បានយកអេស្កាវ៉ាត់ទ័រមកលប់ព្រុំដីស្រែដែលលោកបានឈូសលើកជាព្រុំកាលពីព្រឹកថ្ងៃទី០៨ ខែឧសភា បានដូចដើមវិញហើយ ហើយសមត្ថកិច្ចក៏បានប្រគល់អេស្កាវ៉ាត់ទ័រអោយលោកវិញហើយ។ចំពោះរឿងខាងលើលោកនិងយកឯកសារដីស្រែទំនាស់ខាងលើនេះដាក់ជូនលើកអភិបាលស្រុកដោះស្រាយអោយ។
ដោយឡែកលោក នុត សាមឿន អតីតៈមេភូមិទឹកល្អក់ ឃុំសែប ស្រុកកំពង់ត្រឡាច ជាអ្នកប្តឹងក្នុងរឿងខាងលើនេះបាននិយាយអោយដឹងថា៖នៅព្រឹកថ្ងៃទី១១ ខែឧសភា ឆ្នាំ២០១៥ លោកក៏បានយកឯកសារដីស្រែទំនាស់ និងដាក់ពាក្យបណ្តឹងជូនលោកព្រៈរាជអាជ្ញាខេត្តដែរ តែលោកព្រៈរាជអាជ្ញាមិនបានមើលពាក្យបណ្តឹងរបស់លោកទេ ដោយសម្របសម្រួលថា ត្រូវយកឯសារដីស្រែទំនាស់និងពាក្យបណ្តឹងទៅដាក់ជូនលោកអភិ បាលស្រុកកំពង់ត្រឡាចដោះស្រាយសិនចុះ។
សូមបញ្ជាក់ថា៖ទំនាស់ដីស្រែខាងលើនេះទាំង លោក នុត សាមឿន និងលោក ថៃ ហ៊ី និយាយអះអាងថាសុទ្ធតែមានឯកសារដីស្រែនេះត្រឹមត្រូវរៀងៗខ្លួន ប៉ុន្តែមន្ត្រីតុលាការនិយាយថាឯសារទាំងអស់នោះគ្រាន់តែជាឯកសាររណបមិនទាន់គ្រប់លក្ខណៈច្បាប់នោះទេ បើឯកសារទាំងអស់នោះត្រឹមត្រូវស្របច្បាប់នោះ មន្ទីរជំនាញ និងអាជ្ញាធរគេចេញបណ្ណ័កម្មសិទ្ធស្របច្បាប់អោយហើយ មិនចាំបាច់ឈ្លោះគ្នាដូច្នេះទេ។
រឿងដីធ្លីទំនាស់គ្មានបណ្ណ័កម្មសិទ្ធគឺជាសមត្ថកិច្ចដោះស្រាយរបស់អាជ្ញាធរស្រុក ខេត្ត បើអាជ្ញាធរដោះស្រាយហើយភាគីណាមិនសុខចិត្តនោះ ទើបប្តឹងបន្តមកតុលាការខេត្ត ដូច្នេះរឿងទំនាស់ដីស្រែនេះ អ្នកណារំលោភដីស្រែអ្នកណានោះមិនទាន់ដឹងច្បាស់ទេ៕