ស្ទឹងត្រែង៖អគ្គីភ័យបានឆាបឆេះបំផ្លាញឃ្លាំងដាក់ឯកសារនិងសម្ភារៈប្រើប្រាស់មួយចំនួននៅ ក្នុងបរិវេណសាលាខេត្តចាស់ស្ថិតនៅក្នុងភូមិ សង្កាត់ ក្រុង ស្ទឹងត្រែងខេត្តស្ទឹងត្រែងវេលាម៉ោង៨យប់ថ្ងៃទី០៩ឧសភាឆ្នាំ២០១៥។
បើតាមប្រភពព័ត៌ពីអ្នក រស់នៅក្នុងបរិវេនសាលាខេត្តនោះបញ្ចាក់ថា៖អគ្គីភ័យដែលឆេះនេះមិនដឹងមូលហេតុអ្វីច្បាស់លាស់នោះទេតែនៅយប់នោះក៏មានពួកកម្មករសំណង់សំរាកនៅក្នុងសាលាខេត្តនេះដែរ ហើយទីតាំងនេះមិនបានសំអាត មានស្មៅងាប់ស្លឹកឈើនិងសំរាម អាចក្រែងមានអ្នកជក់ បោះចោលកន្ទុយបារីផ្តេសផ្តាស់ទើបវាឆេះបើថាឆ្លងភ្លើងអគ្គីសនីនេះគឺគ្មានទេដោយសារឃ្លាំងនេះឈប់ប្រើប្រាស់យូរមកហើយពុំមានតភ្លើងអគ្គីសនីចូលទេ។
ចំណែកប្រភពពីសមត្ថកិច្ចផ្នែកពន្លត់អគ្គីភ័យបាននិយាយថា៖ហេតុការណ៏នេះយើងគ្រប់គ្រងបានទាំងស្រុងដោយប្រើទឹកបាញ់អស់ចំនួនបីឡានទើបរលត់ដោយសាទីកន្លែងឆេះនេះនៅជាប់រដ្ឋករទឹកនិងភូមិសាស្ត្រស្រួលបាញ់ទឹកហើយមិនបង្កឲ្យឆេះរាលដាលដល់ទីកន្លែងផ្សេងឬផ្ទះអ្នកស្រុកជិតនោះទេ។
ដោយឡែកអភិបាលក្រុងស្ទឹងត្រែងបានអះអាងថា៖ សាលាក្រុងធ្លាប់បានណែនាំតាមរយៈសេចក្តីជូនដំណឹងជាញឹកញាប់រួចមក ហើយចំពោះការប្រុងប្រយ័ត្នរឿងភ្លើងផ្សេង គឺមិនត្រូវឲ្យដុតធូបឬដុតសំរាម ចោលកន្ទុយបារីផ្តេសផ្តាស់នោះទេ ។
លោកបន្ថែមថា៖នេះវាឆេះតែមួយកន្លែងមិនបង្កផលប៉ះពាល់ដល់អ្នកដ៍ទៃហើយយើងគ្រប់គ្រងសភាពការណ៏បានបើវារាល់ដាល់ទៅលើផ្ទះប្រជាពលរដ្ឋវិញពិតជាពិបាកដោះស្រាយហើយដូច្នេះសូមឲ្យប្រជាពលរដ្ឋទូទៅចូលរួមគោរពតាមការណែនាំទាំអស់គ្នាដើម្បីសុវត្ថិភាពដល់ការរស់នៅ។
សូមបញ្ជាក់ថា៖អគ្គីភ័យឆេះឃ្លាំងនេះមិនទាន់មានមន្ត្រីណាម្នាក់ធ្វើការស្រាវជ្រាវរកមូលហេតុនិងវាយតំលៃនៃផលខូចខាតនៅឡើយទេតែមានមន្ត្រីមួយចំនូននិយាយថា៖ការឆេះនេះអាចបាត់ឯកសារជាភស្តុតាងមួយចំនួនធំពាក់ពន្ធ័និងគម្រោងធភិវឌ្ឍន៏និងសំណុំរឿងផ្សេងៗទៀតផងដែរ៕