ខេត្តស្ទឹងត្រែង ៖ ក្រុមានិស្សិតប្រមាណជិត៥០នាក់រួមនិងព្រះសង្ឃ២អង្គធ្វើដំណើរថយន្តចំនួន៣គ្រឿងមកពីរាធានីភ្នំពេញក្នុងគោលបំណងឆ្ពោះទៅតំបន់ព្រៃឡង់ តែត្រូវបានអាជ្ញាធរ មានសមត្ថកិច្ច ដាក់កម្លាំងការពារ និងរារាំង ក្រោមបញ្ជារបស់អាជ្ញាធរខេត្ត មិនអោយធ្វើដំណើរ ក្នុងគោលបំណងចុះទៅសិក្សាលើធនធានធម្មជាតិ ។
ក្រុមនិស្សិតត្រូវបានអាជ្ញាធរស្រុកថាឡាបរិវ៉ាត់ខេត្តស្ទឹងត្រែង ដាក់កម្លាំងប្រដាប់អាវុធចុះរារាំងនៅវេលាម៉ោង៥ល្ងាចថ្ងៃទី១៣ ឧសភា២០១៥នៅចំណុចត្រើយខាងលិច គល់ស្ពានមិត្តភាព កម្ពុជា-ចិន មេគង្គស្ថិតក្នុងភូមិអូរត្រែល ឃុំថាឡា ស្រុកថាឡាបរិវ៉ាត់ ស្ទឹងត្រែង ។
នៅក្នុងការចុះរារាំងរបស់សមត្ថកិច្ចនោះ ត្រូវបានក្រុមនិស្សិតនិយាយថាពួកគាត់ធ្វើដំណើរមកពីភ្នំពេញនេះក្នុងគោលបំណង ចុះទៅសិក្សាស្វែយល់ អំពីធន់ធានធម្មជាតិនៅក្នុងតំបន់ព្រៃឡង់ ជាពិសេសសិក្សាអំពីព្រៃឈើ ម្យ៉ាងទៀតក្នុងគិលបំណងចុះទៅអប់រំពន្យល់ដល់បងប្អូនប្រជាពលរដ្ឋ ដែលរសើនៅតំ បន់នោះ អោយចេះជួយថែរក្សាសម្បត្តិធម្មជាតិ តែធ្វើដំណើរមកដលចំណុចស្ពានមេគង្គត្រើយខាងលិចក៏ត្រូបានអាជ្ញាធរស្រុកថាឡាបរិវ៉ាត់ជាកំលាំងកការពារមិនអោយទៅ ដោយចោទថាមិនមានច្បាប់អនុញ្ញាត្តិ។
ដោយឡែកអាជ្ញាធរស្រុកបានថ្លែងប្រាប់ថា ការចុះមកដោយមិនបានសុំការអនុញ្ញាត្តិជាមុននិងមានការប្រមូលផ្តុំ ក្នុងលក្ខណៈទ្រង់ទ្រាយធំ ទើបអជ្ញាធរធ្វើការរារាំង សួរកច្បាប់ទំលាប់ ហើយការមកមនុស្សច្រើននាក់បែបនេះ គឺជារឿងមួយដែលអាជ្ញាធរ មានការព្រួយបារម្មណ៍ ក្នុងការពារសន្តិសុខ ទើបលោកសំណូមពរនិស្សិត ទាំងនោះវិលត្រឡប់ទៅវិញ ។
ពាក់ព័ន្ធនិងព្រៃឡង់ ដែលមានព្រំប្រទល់ជាប់គ្នាចំនួន៤ខេត្ត មានខេត្តកំពង់ធំខេត្តក្រចេះ ខេត្តព្រះវិហារ និងខេត្តស្ទឹងត្រែង ដែលមានក្រុមនិស្សិតអះអាងថាផ្ទៃដី៣០ម៉ឺនហិកតាបច្ចប្បន្នកំពុងរងការកាប់ទន្ទ្រាន ពីសំណាក់ក្រុមឈ្មញខិលខូច និងក្រោមការឃុបឃិត ជាមួយអ្នកមានអំណាចមួយចំនួន ស្ទើររលាយហិនហោចដោយមិនបានគិតពីផលប្រយោជន៍ជាតិ។
ទាក់ទង់និងបញ្ហាខាងលើនេះ ក្រុមនិស្សិតដែលចុះមកមិនមានការសុំច្បាប់អនុញ្ញាត្តិ ពីអាជ្ញាធរអោយបានត្រឹមត្រូវនោះ ត្រូវបានក្រុមសមត្ថកិច្ចរារាំង មិនអោយបន្តដំណើរទៅមុខទៀតនោះទេ ហើយនៅព្រឹកថ្ងៃទី១៤ខែឧសភានេះ ក្រុមនិស្សិតទាំង៣រថយន្តបានធ្វើដំណើរទៅកាន់ខេត្ត ក្នុងគោលបំណងរកផ្លូវផ្សេងវិញ៕
