ខេត្តព្រះសីហនុ
កាលពីថ្ងៃទី១៤ ខែឧសភា ឆ្នាំ២០១៥ ឯកឧត្តម ឈិត សុខុន អភិបាល នៃគណអភិបាលខេត្ត ព្រះសីហនុ ដឹកនាំមន្ត្រីមន្ទីរជំនាញពាក់ពន្ធ មានមន្ទីរសាធារណះការ និងដឹកជញ្ជូន មន្ទីរទេសចរណ៌ មន្ទីរបរិស្ថាន សាលាក្រុងព្រះសីហនុ ចុះពិនិត្យមើលការស្តារបូមលូ អាងចំរោះទឹកស្អុយនៅតំបន់ឆ្មេរអូឈើទាល ។
ក្នុងឪកាសចុះពិនិត្យមើលអាងចម្រោះនៅឆ្មេរអូឈើទាល ឯកឧត្តម ឈិត សុខុន មានប្រសាសនថា អាជ្ញាធរក្រុង ខេត្តបានចេញសេចក្តីជូនដំណឹងដល់បងប្អូនម្ចាស់អាជីវករ ដែលប្រកបមុខ របរកស៊ីនៅតាមឆ្មេរសមុទ្រ តាំងអស់ត្រូវចូលរួមសហការក្នុងការថែរក្សាបរិស្ថានអនាម័យនៅតាមតំបន់ឆ្មេរ ជាពិសេសនៅតាមតូបរបស់ខ្លួនឪ្យបានស្អាត ចៀសវាងការបង្ហូរកាកសំណល់រឹង រាវចូលក្នុងសមុទ្រ ប្រសិនបើបងប្អូនអាជីករណាមិនគោរពទៅតាមការជូនដំណឹងរបស់សាលាក្រុង សាលាខេត្តទេនោះ យើងនឹងធ្វើការបិទអាជីវកម្មនោះទាំងស្រុង ព្រោះការជូនដំណឹងរបស់អាជ្ញាធរហាក់បីដូចជា អាជីវករដែលប្រកបមុខរបមិនគោរពតាមសេចក្តីជូនដំណឹងពីអាជ្ញាធរ ។
ឯកឧត្តម បានបន្តថា ការសំអាតបរិស្ថានមិនអាចធ្វើតែអាជ្ញាធរបានទេ ត្រូវមានការសហការចូលរួមពីបងប្អូនអាជិវករ ប្រជាពលរដ្ឋ និងភ្ញៀវទេសចរផងដែរ ទើបបរិស្ថាន ដូច្នេះយើងត្រូវចូលរួមសហការទាំងអស់គ្នា ដោយកន្លងមកអាជ្ញាធរបានដឹកនាំកម្លាំំងមន្ត្រីក្រោមឪវាទចូលរួមសំអាតបរិស្ថាន នៅតាមផ្លូវសាធារណះ ជាពិសេសកន្លែងទេសចរណ៌តំបន់ឆ្មេរ ធ្វើយ៉ាងណាឪ្យបរិស្ថាននៅតាមតំបន់នោះមានអនាម័យល្អ ដើម្បីបំរើសេវាជូនភ្ញៀវបានល្អ សកសម្យជាតារារះនាទិសនារតី ។
ក៌ប៉ុន្តែទោះបីអាជ្ញាធរក្រុង ខេត្ត ខិតខំពង្រឹងអនាម័យនៅតាមតំបន់ទេសចរណ៌យ៉ាងណាក៌ដោយ គេនៅឃើញសកម្មភាពទឹកស្អូយនៅតាមតំបន់មួយចំនួននៅតែបន្តហូរចូលទៅក្នុងសមុទ្រនៅជាប់របងក្រុមហ៊ុន (អារីស្តុន) ធ្វើឪ្យភ្ញៀវទេសចរជាតិ និងអន្តរជាតិមានការរអូរថា ដោយសារមានទឹកស្អុយហូរចូលទៅក្នុងសមុទ្រ ធ្វើឪ្យការចុះទៅងូតទឹកសមុទ្រមានក្លិនមិនល្អ និងកន្លែងខ្លះទៀតទឹកសមុទ្រមានពណ៌ខ្មៅ ស្អូយ រមាស់ទៀតផង ហើយសកម្មភាពទឹកស្អុយនេះនៅតែបន្តរហូតមកជាងពីរឆ្នាំមកហើយ ។