ខេត្តបន្ទាយមានជ័យ
លោកកែគឹមយ៉ានតាមរយះលោកអាត់ខែមបានយកនាំយកអំណោយគ្រឿងឧបភោគនិងបរិភោគនិងថវិការមួយចំនួនយកទៅចែកជូនឲ្យក្មេងស្រីម្នាក់ដែលត្រូវដើមឈើរលំសង្កត់បណ្ដាលឱ្យរងរបួសធ្ងន់និងខូចម៉ូតូមួយគ្រឿងពេលដែលកំពុងធ្វើដំណើរតាមដងផ្លូវ ដោយសារតែមានខ្យល់កន្ដ្រាក់នោះ ។អំណោយទាំងនេះត្រូវបានលោកអាត់ ខែម សមាជិកអចិន្ដ្រៃយ និងជាប្រធាន ក្រុមការងារនៃស្នងការដ្ឋាននគរបាលខេត្ដនាំយកទៅប្រគល់ជូនក្មេងស្រីរងគ្រោះនិងក្រុមគ្រួសារ ដល់ផ្ទះស្ថិតនៅភូមិចក សង្កាត់ព្រះពន្លា ក្រុងសិរិសោភ័ណ ខេត្តបន្ទាយមានជ័យនៅព្រឹកថ្ងៃទី១៤ខែឧសភាឆ្នាំ២០១៥។អំណោយ ដែលយកទៅប្រគល់ជូនក្មេង ស្រីហេង ណារី អាយុ១៧ឆ្នាំ រូបនេះ រួមមាន ថវិកា២០ម៉ឺនរៀលនិងគ្រឿងឧបភោគបរិភោមួយចំនួនទៀត ។ថ្មីៗនេះកាលពីវេលាម៉ោង៥និង ៣០នាទីល្ងាចថ្ងៃទី១២ ខែឧសភាក្មេងស្រី រងគ្រោះកំពុងបើកម៉ូតូតាមផ្លូវទៅផ្ទះស្រាប់តែមានខ្យល់កន្ដ្រាក់បោកបក់មកលើរូបនាងបណ្ដាលឱ្យដួលដើមក្រសាំងមួយដើមនៅមាត់ស្ទឹងនៅលើថ្នល់ធ្វើឱ្យនាងរងរបួសចំក្បាល ខ្នង ដៃ និងខ្លួន ហើយម៉ូតូរបស់នាងរងការខូចខាតយ៉ាងធ្ងន់ធ្ងរទៀតផង។ក្រោយកើតហេតុក្មេងស្រីរងគ្រោះ ត្រូវបានបញ្ជូន ទៅ សម្រាក ព្យាបាលនៅគ្លីនិកឯកជន ក្នុងក្រុងសិរិសោភ័ណខេត្ត ។ក្រុមគ្រួសាររបស់ជនរងគ្រោះបានថ្លែងណគុណដល់លោកកែគឹមយ៉ានដែលមានចិត្តសប្បុរសធម៍ចេះដឹងទុកធុរះដល់គ្រួសារជនរងគ្រោះបានយកអំណោយមកឲ្យកូនគាត់ដែលកំពុងសំរាកព្យាបាលជម្ងឺនៅផ្ទះគាត់សូមបួងសួងឲ្យក្រុមគ្រួសាររបស់លោកជួបប្រទះតែសេចក្តីសុខនិងសេចក្តីចំរើន៕