កំពង់ធំៈ បញ្ហាគ្រឿងញៀនត្រូវបានវាយឡុក យ៉ាងចាស់ដៃទៅលើក្រុមយុវ័យ សិស្ស និងតាមបណ្តាហាងខារ៉ាអូខេ ម៉ាស្សា និងភោជនីយ៍ដ្ឋានមួយចំនួន គឺជាមុខសញ្ញាប្រើប្រាស់គ្រឿងញៀន ក្នុងខេត្តកំពង់ធំ និងត្រូវបានគេឲ្យឈ្មោះថាគ្រឿងញៀនជាឃាតករបិទមុខ បំផ្លាញអនាគត់ ។
ជាប់គុកហើយនៅឈរ ម៉ាបេន លោក ញាញ ដន
នៅក្នុងខេត្តកំពង់ធំ ចាប់ពីដើមឆ្នាំ ២០១៥ រហូតមកដល់ខែ ឧសភា ឆ្នាំ ២០១៥ គេសង្កេតឃើញថា ដោយមានការយកចិត្តទុកដាក់ ពីសំណាក់ លោក ជូ សំអាន ស្នងការនគរបាល ខេត្តកំពង់ធំ និងស្ថាប័នតុលាការ បានរឹតបន្តឹងនិងបង្ក្រាប គ្រឿងញៀនទាំងអ្នកសេព និងអ្នកចែកចាយ បានជាច្រើនករណី ជាក់ស្តែងនៅរសៀលថ្ងៃទី១៧ ខែឧសភា ឆ្នាំ២០១៥ លោក សាយ ណូរ៉ា ព្រះរាជអាជ្ញារង អមសាលាដំបូងខេត្តកំពង់ធំ សហការជាមួយ កងរាជអាវុធហត្ថស្រុកប្រាសាទសំបូរ ឃាត់ខ្លួន លោក ញាណ ដន ជាមេក្លោងចែកចាយគ្រឿងញៀន នៅតាមហាងខារ៉ាអូខេ ម៉ាស្សា និងតាមមូលដ្ឋាន ក្នុងខេត្តកំពង់ធំ ក្នុងនោះបុគ្គលរូបនេះ បានបន្លំខ្លួនធ្វើជាអ្នកសារពត៌មាន នៅអង្គភាពមួយ ដើម្បីការពារមុខរបរចែក ចាយគ្រឿងញៀនរបស់គេ និងជាខ្នងអែបអាងលាក់បាំងនូវទង្វើខុចច្បាប់របស់ខ្លួន។
យោងតាមប្រភពពត៌មាន ពីស្ត្រីបំរើការខារ៉ាអូខេ នៅក្នុងខេត្តកំពង់ធំ បានលាន់មាត់និយាយថា លោក ញាណ ដន រស់នៅឃុំឈូក ស្រុកប្រាសាទសំបូរ ខេត្តកំពង់ធំ ជាអ្នកចែកចាយគ្រឿងញៀន សោះឥលូវបែរជាធ្វើអ្នកកាសែតទៅវិញ កោតដៃតែគេចេះតែរើសយកមកបំរើការងារដែរ ចំណែកលោក អធិការស្រុកប្រាសាទសំបូរ តែងតែប្រាប់ជារឿយៗក្នុងបំណងល្អ ដល់អ្នកសារពត៌មាន ដែលមានវិជ្ជាជីវរៈត្រឹមត្រូវ កុំឲ្យមានការស្និទ្ធស្នាលខ្លាំងពេក ជាមួយបុគ្គលឈ្មោះ ញាណ ដន នេះ ដោយសារតែមានដិការកោះហៅ ចំនួន៣ដងហើយ ពាក់ព័ន្ឋនិងការចែកចាយគ្រឿងញៀនដ៏សកម្ម ។
សូមបញ្ជាក់ផងដែរថា លោក ញាណ ដន អាយុ ៣៤ឆ្នាំ ធ្លាប់បំរើការឲ្យអង្គភាពសារពត៌មានមួយ តែដោយសារតែទទួលបានការរិះ គន់ និងការអនុវត្តប្រាស់ចាកពីក្រមសីលធម៌វិជ្ជជីវៈសារពត៌មាន ក្នុងការជំរិតទាលុយ ទារប្រាក់ពីប្រជាពលរដ្ឋ និងការចែកចាយគ្រឿង ញៀនទើបអង្គភាពនោះសម្រេចនិរាកណ៍ ដោយធ្វើលិខិតបដិសេធន៍ ជូនដំណឹងទៅគ្រប់អធិការ និងស្ថាប័នមាន សមត្ថកិច្ច ពីកាលែងទទួលស្គាល់បុគ្គលរូបនេះជាបុគ្គលិក ជនសង្ស័យដែលជាមេខ្លោងចែកចាយគ្រឿងញៀន ត្រូវបានបញ្ជូនមកតុលាការ នៅរសៀលថ្ងៃដដែល ។
ដោយ ឆេង លី និង ផន សុជាតិ