ភ្នំពេញ ៖ បុរសម្នាក់ដែលត្រូវបានគេស្គាល់ថា ជាសន្តិសុខម៉ារ៉ុកក្លឹប បានរងរបួសធ្ងន់ ត្រូវបានរថយន្តសាមុយដឹក យកទៅសង្គ្រោះនៅមន្ទីរពេទ្យភ្លាមៗ ខណះដែលគាត់កំពុងតែធ្វើចរាចរណ៍ ថយរថយន្តចេញពីក្លឹប ក៏ត្រូវបុរសម្នាក់ជិះម៉ូតូឌ្រីសេ១១០ ជិះក្នុងល្បឿនលឿនបុកពេញទំហឹង នៅចំណុចមុខក្លឹបតែម្តង កាលពីវេលាម៉ោង១នឹង៥០នាទីរំលាងអាធ្រាតឈានចូលថ្ងៃទី១៨ ខែឧសភា ឆ្នាំ២០១៥ តាមបណ្តោយផ្លូវព្រះមុន្នីរ៉េត ស្ថិតក្នុងសង្កាត់ ទួលស្វាយព្រៃទី២ ខណ្ឌចំការមន ។
សាក្សីដែលបានឃើញហេតុការណ៍ខាងលើនេះ បានឱ្យដឹងថា នៅមុនពេលកើតហេតុ គេបានឃើញបុរស ជាជនរងគ្រោះដែលគេស្គាល់ថា ជាសន្តិសុខខាងលើកំពុងតែធ្វើចរាចរណ៍ ថយរថយន្តភ្ញៀវចេញពីក្នុងក្លឹប ភ្លាមៗ នោះ ស្រាបតែមានបុរសម្នាក់ជិះម៉ូតូឌ្រីមសេ១១០ ពណ៍ខ្មៅ ពាក់ស្លាកលេខភ្នំពេញ1BR-2751 ជិះក្នុងល្បឿនយ៉ាងលឿនទិសដៅពីលិចទៅកើត បានបុកសន្តិសុខពេញទំហឹងបណ្តាលឱ្យរងរបួសធ្ងន់ ត្រូវបាន រថយន្តសាមុយដឹកយកទៅសង្គ្រោះនៅមន្ទីរពេទ្យ ចំណែកអ្នកម្ចាស់ម៉ូតូរបួសបែកមុខបែកមាត់ ។
សមត្ថកិច្ចដែលចុះមកដល់កន្លែងកើតហេតុ បានឱ្យដឹងថា ក្រោយពីធ្វើការវាស់វែងម៉ូតូសមត្ថកិច្ចយកទៅរក្សាទុកនៅបុស្តិ៍នគរបាលរដ្ឋបាលទួលស្វាយព្រៃទី២ រង់ចាំដោះស្រាយនាពលក្រោយ ៕